1 Yohanɛsɛ 2:11 - ONUGBÙ NYƐNYÃ VUVƆ

¹¹ Pɔ anɔ nɛgɛ egu yɛ adzya alɛ otumu mɛ klɛ aga nyɔ nɛ otumu mɛ, eti nyi ɔkɔnɔ gɛ avɛ, alasɛ otumu nɛ pu yɛ awɔ̃hu.

1 Yohanɛsɛ 2:11 ပူးပေါင်းရင်းမြစ်များ

Yohanɛsɛ 12:35

Ɔkɛlɛ Yesu etsre alɛ sɛ, “Nɔ bɔ yɛkɛ kifu nɛ kibebhli ko. Ga kibelɛlɛ nɛ gɛ nɔ yɛkɛ kifu, flogo tɛ otumu lo bo vu nɔ. Anɔ nɛ gɛ aga nɛ otumuɛ mɛ eti nyi ɔkɔnɔ nɛ gɛ avɛ.

Yohanɛsɛ 12:40

“Epu ba lɛ awɔ̃hu klɛ eyi ba lɛ dzyi, so tɛ ba tɛ na kɛdɔ mɔnɛ balɛ awɔ̃hu, ɔdɔgɔsɛ be nu kibuiesi nɛ balɛ idzyi, ɔdɔgɔsɛ be tsyina—klɛ ɛba beke balɛ banya.”

2 Kɔrintioanɛ 3:14

Pɔ balɛ amɛ dɔ otumu, alasɛ ɔdɔtɔnɔ obowui nɛabha kɛdɔ kukumu lɛlɛ nɛ wɔ kɛbelɛlɛ gɛ ba kla tɛnyɛnya kuku keplukpa. Kɛ dɛ tsɛ nɛ balɛ amɛ, alasɛ Kristo terikpo mɛzɛza la ba tsɛ lɛ bu.

2 Kɔrintioanɛ 4:4

Kanɔanɛ mɛ kpaya nɛ epu aŋuhu kɔ bagɛ badɛ yɛkɛaŋa, so tɛ batɛ mɔ kibui dzyɔgo nɛ futɛtã gɛ kɛnu Kristo kabhaŋɛŋa gɛ alɛ Kpaya tɛzɛzɛmɛ.

Titusɛ 3:3

Nɛ kibe tili mɛ, bulɔ tsyɛ bu tɛ dɔ gã, bu dɛ taa tɔ, ba wɛɛ lɔ klɛ la bhɛtɛ lɔ banɔdzidzi ganɔ tɛpɛpɛɛ kanyaka di mɛ anɛ ba same mumɔm. Bu za nɛ atɔkpumkpã anɛ kawɔ̃kpɛ, ba dɛ pɛɛ bulɔɛ bui klɛ bulɔ tsyɛ dɛ pɛɛ ɔhayɛ bui.

2 Petro 1:9

Pɔ onugɛ aanɛ la ma anɔ teli ahwɛ, pɛ ataa mɔ nɛ odzidzekɔ klɛ epu anhũ, klɛ adzɛkɛ sɛ be ti plu yɛ shu aba fla nɛ yɛ buzizi.

1 Yohanɛsɛ 1:6

Onugɛ buɖɔ sɛ terikpo bhɛbhɛtɛ alɛ nɛ yɛmɛ pɔ bu ga nɛ otumumɛ, bu hu otro klɛ bu ma nɛ kibui gbɛagba abha.

1 Yohanɛsɛ 2:10

Anɔ nɛgɛ adɛmɛnɔ nɛ yɛadzya alɛ nɛ obhubhui kɔ, klɛ kɛdɔnyɛdɔ ma yɛ mɛ gɛ kɛ bakɔ sɛ etuitsrɛ.

1 Yohanɛsɛ 2:9

Anɔnyanɔ gɛ ayɛkɔ sɛ alɛ kanɔ bhubhui mɛ pɔ egu yɛ adzya akalɛ otumui mɛ.

1 Yohanɛsɛ 3:15

Anɔnyanɔ gɛ egu yɛ adzya enu anɔ gɛ eyi anɔ, klɛ nɔ nyi sɛ agɛ eyi anɔ ɛkpã mabeke ma yɛ mɛ.

1 Yohanɛsɛ 4:20

Onugɛ anɔ teli aɖɔ sɛ, “Ɛdɛmɛ Kpaya bui,” pɔ egu yɛ adzya, enu otro lete. Alasɛ anɔnyanɔ gɛ adɛ dɛmɛnɔ adzya, gɛ amɔ, atɛ bana Kpaya gɛ yɛ ata mɔ mɛ bui adɛmɛnɔ.

Tɛbubukasɛ 3:17

Ɔɖɔ sɛ, ‘Inu ehoeyielete, ɛtɛ mɔ kɛnɔmdɔ klɛ ɛda zhã kɔ kɛdɔnyɛdɔ.’ Pɔ ɔtɔ mɔɛ lɛ ɔsɛ ɔzhɔlɛ, oku eshutukubui, ɔdɔɛ tsyui, opu anhũ klɛ ɔlɛ zholia nɛ ɔfufɔɛ mɛ.