1 Yohanɛsɛ 1:8 - ONUGBÙ NYƐNYÃ VUVƆ

⁸ Onugɛ bu ɖɔ sɛ kizizi ma lɔ shu, bu wɔɛ bulɔnahwɛ shu klɛ kibuigbɛagba ma bulɔ ahwɛ.

1 Yohanɛsɛ 1:8 ပူးပေါင်းရင်းမြစ်များ

Yohanɛsɛ 8:44

Wunɔ aka, gɛ enu Abɔnsam, ye yialɛ nɔ nu klɛ nɔ pɛɛ sɛ tɛ nɔ bhɛtɛ ɔtrɔ wunɔ aka tɛpɛpɛɛ nɛabha. Enu akpɛnɛ denɔ kesikpɛkpɛ nɛ ke, kibui gbɛagba ma yɛ ahwɛ, alasɛ kibui gbɛagba ma yɛ mɛ. Kibenɔ nɛ gɛ ehu otro, ehu yɛ epi bunuhu, alasɛ enu otroelete klɛ yɛ enu itro lete petee aka.

Romanɛ 3:10

Anasɛ gɛ ba ŋlɔmɛ elu asɛ: “Anɔnyanɔ adɛ na, terikpo tsyɛ ama,

Romanɛ 3:23

alasɛ banɔ nɛ petee ba tɛ bhɛtɛ buzizi klɛ Kpaya ishubhubhui nɛ lɛla nɛ balɛ shu,

1 Kɔrintioanɛ 3:18

Nɔ tɔ wɔɛ wunɔ nahwɛshu. Onugɛ wunɔ mayɛ teli ayɛ kɔɛ lɛ asɛ enyi bui nɛ kanɔa nɛ tɛ zɛza nɛ mɛ, yɛ ebe dzi “agã” sɛ tɛ ebe dzi ebuiti.

Galatianɛ 6:3

Onugɛ anɔ teli edi shu sɛ enu kɛdɔ tili nɛ kɛbelɛlɛ gɛ edinu kɛdɔnyɛdɔ awɔɛ yɛnahwɛ shu.

1 Timotio 6:5

anɛ ebui tsɛtsrakɛ kibenyɛbe nɛ banɔ atɔkpum zizi elete, gɛ ba nyɛna kɛgba nɛ ezuru nɛ balɛ ahwɛ klɛ ba bhɛtɛ kɛtɔkpum sɛ kpayamzɛza nɛ enu kidzoenu kɔ ehoeyi dɔ mumɔ.

2 Timotio 3:13

nɛ kibe lɛ mɛ gɛ banɔ tsutsɔmɔ anɛ bagɛ ba wɛanɔ na ba lɔ denɔ butsutsɔmɔ mɛ avɛ butsutsɔmɔ dɛa na nɛ mɛ, aza wɛanɔ klɛ la ba za wɛalɛ tsyɛ.

Yakobo 1:22

Nɔ tɛ ta batɔ nɛ kibui nɛ tite ko, sɛ tɛ nɔ wɛɛ shu. Nɔ bhɛtɛ kɛgɛ kibui nɛɛ ɖɔ.

Yakobo 1:26

Onu gɛ anɔ teli edi shu asɛ asɔlɛ tsyɛ pɛɛ adɛ kpaka yɛ kɛnɛkɛ nɛ gɛganɛ nɛɛ, awɛɛ shu klɛ kedziŋɛŋa kanyaka ma yɛ busɔlɛ nɛ shu.

Yakobo 3:2

Bulɔ petee bu kpatanɔ kɛdɔ nɛ edzo geleea bha. Onu gɛ anɔnyanɔ aka bhɛtɛ kito nɛ yɛ kibui nɛ gɛ aɖɔ nɛ mɛɛ, enu anɔ gɛ ana, aba na yɛ ishu nɛ peteea bha di.

2 Petro 2:13

Ba be tsodzi abuya kɛbhɛ nɛ̀ butɔ kɔ butɔ ebui nɛ gɛ babhɛtɛ. Balɛ ɛkpãŋɛŋa kɛlɛ nu sɛ tɛ babhɛtɛ kibuinyɛbui nɛ kemuze gbadagbada. Be tuturu klɛ kɛwɛ̃ lɛ balɛ shu, be buakasɛ nɛ balɛ ɛkpãŋɛŋa kibelɛ gɛ ba ŋaɛdɔ nɛ nɔ.

1 Yohanɛsɛ 1:10

Onugɛ bu ɖɔ sɛ kibuizizi ma lɔ shu, bu ɖɔ nɛ ɔtɔ sɛ enu otro lete, klɛ yɛ ebui nɛ dɛ mɔ ɔzakɔ nɛ bulɔ ɛkpãɛ nɛ mɛ.

1 Yohanɛsɛ 1:6

Onugɛ buɖɔ sɛ terikpo bhɛbhɛtɛ alɛ nɛ yɛmɛ pɔ bu ga nɛ otumumɛ, bu hu otro klɛ bu ma nɛ kibui gbɛagba abha.

1 Yohanɛsɛ 2:4

Anɔ nɛ gɛ aɖɔ sɛ, “Ɛnyi yɛ,” pɔ ata bhɛtɛ atrɔ yɛ ɛshã nɛ gɛ akpɛ nɛabha enu otro lete, klɛ kibuigbɛagba ma yɛ mɛ.

1 Yohanɛsɛ 4:20

Onugɛ anɔ teli aɖɔ sɛ, “Ɛdɛmɛ Kpaya bui,” pɔ egu yɛ adzya, enu otro lete. Alasɛ anɔnyanɔ gɛ adɛ dɛmɛnɔ adzya, gɛ amɔ, atɛ bana Kpaya gɛ yɛ ata mɔ mɛ bui adɛmɛnɔ.

2 Yohanɛsɛ 1:2

alasɛ kɛgbɛagba, gɛ kɛ lɛ bulɔ mɛ klɛ kɛ ba za bulɔ ɔbha ɔyɛkɔ vɛnɔ,

3 Yohanɛsɛ 1:3

Kɛ ku mɛ same gɛganɛ sɛ badzya teli ba tsre mɛ edenɔ wɔ tɛyɛyɛkɛŋa kɔ kibui gbɛagba anɛ̀ kana gɛ nɔ ga nɛ́ kibuigbɛagba mɛ.