1 Yohanɛsɛ 1:6 - ONUGBÙ NYƐNYÃ VUVƆ

⁶ Onugɛ buɖɔ sɛ terikpo bhɛbhɛtɛ alɛ nɛ yɛmɛ pɔ bu ga nɛ otumumɛ, bu hu otro klɛ bu ma nɛ kibui gbɛagba abha.

1 Yohanɛsɛ 1:6 ပူးပေါင်းရင်းမြစ်များ

Mateo 7:22

Bee gelee aba ɖɔ etsre mɛ nɛ kiwi lɛ nɛa bha sɛ, ‘Apalete, Apalete ganɛ wɔɛ nyi mɛ lɔɔ ɖɔ ebui lu, klɛ lɔ kɛka ɛfufɔɛkpã bu klɛ bu bhɛtɛ ebui gɛ eyinɔ anɔ gelee?’

Yohanɛsɛ 11:10

Pɔ onugɛ aga nɛ elishi mɛ ebe tuɛtsɛrɛ, alasɛ kifu ma yɛ ahwɛ.”

Yohanɛsɛ 12:35

Ɔkɛlɛ Yesu etsre alɛ sɛ, “Nɔ bɔ yɛkɛ kifu nɛ kibebhli ko. Ga kibelɛlɛ nɛ gɛ nɔ yɛkɛ kifu, flogo tɛ otumu lo bo vu nɔ. Anɔ nɛ gɛ aga nɛ otumuɛ mɛ eti nyi ɔkɔnɔ nɛ gɛ avɛ.

Yohanɛsɛ 12:46

Ɛba kanɔ nɛ mɛ anasɛ kifu, sɛ tɛ anɔ nɛ gɛ ayɛkɛ mɛabhaŋa atɛ ba za otumuɛ mɛ.

Yohanɛsɛ 8:12

Gɛ Yesu aza ɖɔaɖɔ etsre banɔ nɛ, aɖɔsɛ, “Mɛ nu kifu kɔ kanɔ. Anɔ gɛ aza mɛede atɛ ba ga otumui mɛ, pɔ kifu ɛkpã ba za yɛ ahwɛ.”

Yohanɛsɛ 8:55

Kɛlɛlɛmɛ sɛ nɔ tinyi yɛ, mɛ inyi yɛ. Onugɛ ɛɖɔ sɛ ɛtɛ nyi yɛ, ɛba dzi otro lete anasɛ wunɔ. pɔ ɛnyi yɛ klɛ ɛbhɛtɛ trɔ yɛ ebui nɛabha.

1 Timotio 4:2

Kɛdɔkɛkasɛ nɛɛ di nɛ de anɛkɛtabha betroni nɛ ɔkɔ, gɛ balɛ idzyi nɛ mɛ edzi ansɛ ba pɔɛ yɛ nɛ ɔɖakpɛkpɛ.

Yakobo 2:14

Kibui dzyɔgo ɖueɖu kinu, madzyalɛ mɔ, onu gɛ anɔ teli asɛ tɛyɛyɛkɛŋa lɛ yɛahwɛ pɔ adɛ yɛkɔ akpɛ kɛxwɛwɛwa mɛ? Tɛyɛyɛkɛŋa ɛlɛ nɛɛ di nɛ ba na yɛ bu xãa?

Yakobo 2:16

Onu gɛ wɔnɔmɛayɛ teli etsre yɛa sɛ, “Vɛ, ɛbisi kɛdzyɔgo kɔ wɔ, bublɔ tɛ yi wɔ tɛ ɔŋa kɛdɔ mɔmɔ,” pɔ ɔdɛ bhɛtɛ kɛdɔnyɛdɔ nɛ yɛ ebuia nɛ shu, kɛdzyɔgo ɖueɖu lɛ nu?

Yakobo 2:18

Pɔ anɔ teli aba ɖɔa sɛ, “Tɛyɛyɛkɛŋa lɛ wɔ ahwɛ, tɛbhɛbhɛtɛ lɛ mahwɛ.” Kasɛ mɛ wɔ tɛyɛyɛkɛŋa kɛxwɛwɛwa maza kɛlɛ mɛ, klɛ tɛ ɛkasɛ wɔ mɛ tɛyɛyɛkɛŋa ganɔ kɛgɛ ɛbhɛtɛ nɛ shu.

1 Yohanɛsɛ 1:10

Onugɛ bu ɖɔ sɛ kibuizizi ma lɔ shu, bu ɖɔ nɛ ɔtɔ sɛ enu otro lete, klɛ yɛ ebui nɛ dɛ mɔ ɔzakɔ nɛ bulɔ ɛkpãɛ nɛ mɛ.

1 Yohanɛsɛ 1:3

Bu butsre nɔ kɛdɔ nɛ gɛ bu mɔ klɛ bu nu, sɛ tɛ wũnɔ tsyɛ nɔ za terikpo bhɛbhɛtɛmɛ nɛ lɔ. Klɛ bulɔ terikpo bhɛbhɛtɛ nɛ Aka anɛ̀ yɛ Eyianyɛ Yesu Kristo.

1 Yohanɛsɛ 1:8

Onugɛ bu ɖɔ sɛ kizizi ma lɔ shu, bu wɔɛ bulɔnahwɛ shu klɛ kibuigbɛagba ma bulɔ ahwɛ.

1 Yohanɛsɛ 2:4

Anɔ nɛ gɛ aɖɔ sɛ, “Ɛnyi yɛ,” pɔ ata bhɛtɛ atrɔ yɛ ɛshã nɛ gɛ akpɛ nɛabha enu otro lete, klɛ kibuigbɛagba ma yɛ mɛ.

1 Yohanɛsɛ 4:20

Onugɛ anɔ teli aɖɔ sɛ, “Ɛdɛmɛ Kpaya bui,” pɔ egu yɛ adzya, enu otro lete. Alasɛ anɔnyanɔ gɛ adɛ dɛmɛnɔ adzya, gɛ amɔ, atɛ bana Kpaya gɛ yɛ ata mɔ mɛ bui adɛmɛnɔ.