1 Yohanɛsɛ 1:3 - ONUGBÙ NYƐNYÃ VUVƆ

³ Bu butsre nɔ kɛdɔ nɛ gɛ bu mɔ klɛ bu nu, sɛ tɛ wũnɔ tsyɛ nɔ za terikpo bhɛbhɛtɛmɛ nɛ lɔ. Klɛ bulɔ terikpo bhɛbhɛtɛ nɛ Aka anɛ̀ yɛ Eyianyɛ Yesu Kristo.

1 Yohanɛsɛ 1:3 ပူးပေါင်းရင်းမြစ်များ

Yohanɛsɛ 17:11

Ɛtɛ ba wɔ kanɔ nɛ mɛ ɔvɛnɔ, pɔ ba ka lɛ kanɔ nɛ mɛ klɛ ɛba wɔ kɔ. Ishubhubhui Aka, kpɛ buka kpɛ alɛ nɛ wɔ kemi nɛ nyi mɛ—kinyi gɛ ɔkɔ mɛ—sɛ tɛ ba baza terikpo anasɛ gɛ bu lɛ terikpo.

Yohanɛsɛ 17:21

sɛ tɛ balɛ petee ba be dzi terikpo, Aka, anasɛ gɛ ɔlɛ mɛ́ mɛ klɛ mɛ lɛ wɔɛ mɛ. Kɔ ba lɛ tsyɛ ba baza bulɔɛ mɛ sɛ tɛ kanɔ na ba yɛkɛŋa sɛ wɔ kpɛ mɛ.

Yohanɛsɛ 17:25

“Aka Nɛna, kɛlɛlɛmɛ sɛ kanɔ nɛ ti nyi wɔ, mɛ nyi wɔ, klɛ benyi sɛ wɔ kpɛ mɛ.

Yohanɛsɛ 17:3

Ɔtsɔ̃ kɛɛ nɛ kɛlɛ nu ɛkpã mabeke: sɛ tɛ be ti wɔ, kɛgba Kpaya terikpo, anɛ Yesu Kristo, gɛ yɛ wɔ kpɛ.

Yohanɛsɛ 19:35

Anɔ nɛ gɛ amɔɛ lɛ ada ɖɔ, klɛ yɛ kaɖɔɖuɖɔ nɛ nu kɛgbɛagba. Ɛnyi sɛ aɖɔ kɛbui gbɛagba, klɛ aɖɔaɖɔ sɛ tɛ wɔ tsyɛ ɔbɔ yɛkɛŋa.

Axwɛwɛwa 13:32

“Bu tsre nɔ kibui dzyɔgo nɛ sɛ: Kɛdɔnɔ nɛ gɛ Kpaya aɖɔa sɛ aba bhɛtɛ kɔ blɔa ka lɛ nɛɛ,

Axwɛwɛwa 13:41

“ ‘Di, wɔnɔa gɛ ɔmɔɛ anɔ, kɛ ba bhɛtɛ wɔnɔɛ bi klɛ no bo tsi, alasɛ ɛba bhɛtɛ kibui tili nɛ wɔnɔɛ be nɛm gɛ nɔ tɛ bɔ yɛkɛ ɔŋa, onu gɛ anɔ teli etsre nɔ tsyɛ.’

Axwɛwɛwa 2:42

Ba yɛkɔ balɛ ishu akɔ Banɔkpɛkpɛ anɛ kɛdɔ kɛkasɛ nɛ ketsukpɛkpɛ, kɔ kɛdɔŋɛŋa nɛ kɔ kpayakuklu.

Axwɛwɛwa 20:27

Alasɛ ɛdɛ yii de nɛ Kpaya tɛpɛpɛ nɛ tɛ bubuɖɔ tsre nɔ shu.

Axwɛwɛwa 4:20

Alasɛ kɛdɔnɔ nɛ gɛ bu mɔ pɛ bu nu bɔ tɛ ba na klɛ shui bui ɖuɖɔ zɛkɔyɛlɔ.”

Romanɛ 15:27

Kɛ za balɛ buli sɛ tɛ ba bhɛtɛ kɛlɛ, klɛ nɛ kɛgbɛagba mɛ badɔ kɛlɛɛ bhɛ nɛ balɛ shu. Alasɛ onu gɛ bagɛ be di nu Yuɖanɛ nɛ baa tɛ mɔ ɔŋakɔ nɛ Yuɖanɛ ɔfufɔɛ tɛyuyula nɛ mɛ, ki nu kɛbhɛ nɛ balɛ shu kɔ Yuɖanɛ sɛ tɛ ba mɔ ɔŋakɔ nɛ balɛ kanɔa nɛm tɛyuyula nɛm.

1 Kɔrintioanɛ 1:30

Alasɛ yɛ so gɛ nɔ lɛ Kristo Yesu mɛ, gɛ ebedzi kibuinyinyi gɛ de Kpaya ɔkɔ kɔlɔ—kɛlɛ nu, bulɔ tɛnɛna, ishubhubhui anɛ tɛbhubhuiyɛkɛ.

1 Kɔrintioanɛ 1:9

Kpaya, gɛ eklu nɔ abhɛtɛ terikpo nɛ ye Yi Yesu Kristo bulɔ Apalete, enu anɔ yɛyɛkɛŋa.

1 Kɔrintioanɛ 15:1

Ɔtsɔnɛ epɛɛ sɛ tɛ ɛbakanɔ kibui dzyɔgo gɛ ɛba ɖɔ kɔ nɔ, gɛ nɔ yɛkɛ klɛ kɛlɛ abha nɔ tsri.

2 Kɔrintioanɛ 13:14

Kɔ Apalete Yesu Kristo ɛyamyuyɔ, anɛ Kpaya tɛdɛdɛmɛnɔ, anɛ Ɔfufɔɛ Dzyɔgo ɔhakpɛkpɛ lɔ za plɛnɔ wɔnɔ petee.

Efesoanɛ 3:6

Kibui kpukpuinɛ kɛlɛ nu sɛ ganɔ kibui dzyɔgoe nɛ mɛ ba gɛ be di nu Yuɖanɛ tsyɛ ba baŋa kidedɔ nɛ̀ Izraɛlanɛ, ɔhamanɛ xuxogo tirikpo, klɛ bɛ xogonɛ ishuidzya nɛ mɛ ayɛkɛ kɛ gɛ aɖɔlu nɛ Kristo Yesu mɛ.

Filipianɛ 1:7

Kɛ na kɔ mɛ sɛ tɛ ɛmɔɛlɛ ana nɛ wɔnɔ petee shu, alasɛ nɔ kpasɛ mɛ idzyim; alasɛ onugɛ bakpɛ mɛ buɖɛ ɔdɔgɔsɛ ɛwlãnkɛ klɛ mɛ trɔahwɛ nɛ kibui dzyɔgo nɛa bha, wɔnɔ petee nɔ bɔ mɔ Kpaya ɛyamyuyɔ nɛ́ mɛ.

Filipianɛ 2:1

Onugɛ nɔ mɔ kitekpɛkpɛ tili denɔ wɔnɔ terikpo bhɛbhɛtɛ nɛ Kristo, onugɛ ishumɛdudɔ tili de yɛ tɛɖuɖɔ nɛ mɛ, onugɛ terikpo bhɛbhɛtɛ tili nɛ Ɔfufɔɛ, onugɛ tɛnyɛnyɛna mɔmɔ anɛ eshutukubui didi tili,

Filipianɛ 3:10

Ɛpɛɛ sɛ tɛ iti Kristo anɛ̀ yɛ tɛnyɛnyɛmɛ kemi anɛ ketsukpɛkpɛ nɛ yɛ butɔ nɛm tɛmɛma, idzi ansɛ yɛ nɛ butsi mɛ, anɛ terikpo bhɛbhɛtɛ anɛ yɛ butɔ yɛyɛkɛ, kɛbadzi anasɛ yɛ anɛ́ yɛ butsi mɛ,

Koloseanɛ 1:13

Alasɛ ebhulɔayɛkɛ denɔ otumu ɔzakɔ klɛ amɛna lɔ aba kpɛ nɛ Eyi bukusiɔŋakɔ gɛ adɛmɛnɔ,

1 Tɛsolonianɛ 1:10

tɛ no po Yɛeyi nɛ gɛ ede owũsise, gɛ anyɛmɛ edenɔ bekpu mɛ—Yesu, nɛ gɛ ebe bu lɔ edenɔ obulo nɛ gɛ ɔba nɛ mɛ.

1 Timotio 6:2

Bagɛ balɛ apaletealɛ nɛ nu banɔ gɛ ba yɛkɛ aŋa, kɛ ma sɛ tɛ ba kɔa lɛ bubu bhli, alasɛ be nu badzya. Nɛ kɛlɛ mɛ, kɛlɛ sɛ ba dɛ balɛ axwɛ nɛ mɔmɔ adɛa na, alasɛ bagɛ balɛ amɔ kɛdzyɔgo edenɔ balɛ axwɛdɛdɛ nɛ mɛ nɛ nu banɔ gɛ bayɛkɛaŋa, klɛ ba lɛ balɛ idzyi shu. Ebuia nɛɛdi ala lɛ sɛ tɛ nɔ kasɛ tɛ nɔ yɛkɔ olua lɛ amɛ.

Hebriuanɛ 2:12

Aɖɔ sɛ, “Ɛba bu wɔnɔ enyi kasɛ madzyalɛ, nɛ oxogokɔ namɛ ɛba kpɛ wɔnɔɛ tɔkpu nɛabha.”

Hebriuanɛ 3:1

Kɛlɛso ishubhubhui badzyalɛ Dzyɔgo, gɛ be klu denɔ owũsise, nɔ yɛkɔ wɔnɔɛ bui ɔtrɔ Yesu abha, anɔkpɛkpɛ anɛ Kpaya ɔzakɔanɔ gbɛgbla gɛ buyɛkɛ yɛabhaŋa.

Hebriuanɛ 3:14

Bu ba sɛ tɛ bubhɛtɛ terikpo nɛ Kristo onugɛ bu nyɛna yɛ gɛganɛ ɔdɔtɔnɔ tɛbibeke anɛ tɛyɛyɛkɛŋa gɛ bunyɛna vunɔ denɔ kesikpɛkpɛ.

1 Petro 5:1

Kɔ beshishe gɛ balɛ wũnɔɛ mɛ ibisi denɔ wũnɔ kɔ sɛ, anasɛ wɔnɔ mayɛ eshishe, kibuimɔɖɔ anɛ́ Kristo butɔ nɛ̀ agɛ yɛ tsyɛ aba mɔ tɛbhubhui gɛ ba be bukasɛ:

2 Petro 1:16

Bu dɛ za ebuifɛfatɛ ede kibelɛlɛ gɛ bu tsre nɔ denɔ kemi anɛ̀ bulɔ Apalete Yesu Kristo yɛ tɛbɛba, pɔ bu dzi ebuimɔɖɔ kɔ yɛ tɛgbɛgbla.

1 Yohanɛsɛ 1:1

Kɛ gɛ de kesikpɛkpɛ nɛ mɛ, gɛ bu nu, gɛ bu mɔ nɛ bu lɔ awɔ̃hu, gɛ bu di klɛ bulɔ ɛhwɛ nɛ hunɔ—kɛnɛ bu buɖɔ denɔ ɛkpã Ebui shu.

1 Yohanɛsɛ 1:5

Kibui ɖɛɖɔɛ nɛ bu nu denɔ yɛ ɔkɔ klɛ bu butsre nɔ: Kpaya yɛ nu kifu, nɛ yɛ mɛ otumu kanyaka ɔma.

1 Yohanɛsɛ 1:7

Pɔ onugɛ bu ga nɛ obhubhuikɔ, anasɛ gɛ alɛ nɛ obhubhuikɔ, bu yɛkɛ terikpo bhɛbhɛtɛ nɛ ɔhaglɔ, klɛ ye Yianyɛ Yesu dzyosu, eplu buzizi petee bu nɛ bulɔ shu.