1 Timotio 5:8 - ONUGBÙ NYƐNYÃ VUVƆ

⁸ Onu gɛ anɔ teli ataa bhɛtɛ kɛdɔnyɛdɔ akɔ yeletealɛ, klɛ ɔyɛkɔdɛ kɔ yɛ bupamanɛ gɛ be bunɔ yɛ kpɔ̃, enu anɔ gɛ ashɛ̃nahwɛ tɛyɛyɛkɛŋa nɛ shu klɛ atsɔmɔ dɛ anɔ nɛ gɛ adɛ yɛkɛaŋa.

1 Timotio 5:8 ပူးပေါင်းရင်းမြစ်များ

Mateo 18:17

Onu gɛ adɛ ta balɛ tsyɛ batɔ, yɛkɔ kibui nɛ ɔkɔ busɔlɛɔha, klɛ onu gɛ adɛ ta ɔha nɛ tsyɛ atɔ, klɛ tɛ ɔyɛkɔ yɛ ansɛ anɔ gɛ adɛ sɔlɛ klɛ enu ansɛ adɔdzyɔ gɛ edzyini anɔa kpɛ.

Mateo 7:11

Onu wɔnɔ, kɛlɛ lɛm sɛ nɔ tsɔmɔ pɔ, no ti kana gɛ nɔ bɔ yɛkɔ kɛdɔ dzyɔgo ɔkɔ wɔnɔ bunuvɔɛ, kɛlɛ ɔyɛkɔ dɛ wɔnɔ Aka nɛ owũsise nɛ ataa yɛkɔ kɛdɔ dzyɔgo akɔ bagɛ bee bisi yɛ!

Yohanɛsɛ 15:22

Onugɛ ɛdɛ ba klɛ ɛɖɔaɖɔ kɔ alɛ, be ti be bu balɛ kɛpɔ kɔ buzizi. Ɔtsɔnɛ, nɛlɛmɛ, kɛ bui ma gɛ ba bayɛkɔ akɔɛ dzo kɔ balɛ buzizi.

1 Kɔrintioanɛ 6:6

Pɔ kɛlɛmaza, adzya tɛli ayɛkɔ yɛ ɔhaglɔ avɛnɔ ɔshɛ̃ mɛ—klɛ kɛnɛ kɛlɛ bagɛ ba dɛ yɛkɛŋa nɛ amɛ!

2 Kɔrintioanɛ 12:14

Ɔtsɔnɛ ɛbala sɛ tɛ ɛba wunɔ kɔ butramɛ, klɛ ɛtɛ ba dzi kituku kɔ nɔ, alasɛ kɛgɛ ɛpɛɛ kɛ dɛ nu wunɔ nahwɛmɛdɔ pɔ wunɔ. Nɛ alɛlɛ nɛede banɛvɔ ba ma sɛ tɛ ba bala kɛdɔ kɔ ba gɛ ba mɔ alɛ, pɔ ba gɛ bamɔ alɛ, ba lɛ alasɛ tɛ ba bala kɛdɔ kɔ ba le yi alɛ.

2 Kɔrintioanɛ 6:15

Ɔdzyɛ ɖuweɖu ɔlɛ bɔza Kristo anɛ̀ Satana shi? Kide ayɛyɛkɛŋa nɛ̀ agɛ adɛ yɛkɛaŋa ba babhɛtɛ nɛ agulɔɛ shi?

Galatianɛ 6:10

Kɛlɛso, anasɛ gɛ bu mɔ kibe dzyɔgo, nɔ kɔ lɔ bhɛtɛ kɛdzyɔgo kɔ banɔnyanɔ, kɛlɛ mumɔ kɔ ba gɛ be nu beshopo bayɛyɛkɛŋa.

2 Timotio 2:12

onu gɛ bu dzrɔ nɛ kɛlɛ shu, bu ba ŋa kabha nɛ yɛ tsyɛ. Onu gɛ bu shɛ̃nahwɛ yɛ shu, yɛ tsyɛ aba shɛ̃nahwɛ bulɔ shu;

2 Timotio 3:5

kpaya mɛ zɛza tili di lɛ balɛ ahwɛ pɔ ba dɛ kɔɛ dzo sɛ kɛ za kemi nɛ balɛ mɛ. Kɛdɔnyɛdɔ tɛ za wɔnɔ ahwɛ gɛ nɔ bɔ bhɛtɛ nɛ banɔa lɛlɛ.

Titusɛ 1:16

Bee bu aɖɔa sɛ be nyi Kpaya, pɔ ganɔ balɛ ebui bhɛbhɛtɛ nɛ mɛ ba dɛ yɛkɛ yɛ. Be nu banɔ gɛ ba kpalɛɔha, ba ta taa tɔ klɛ ba dɛ na kɔ kibui dzyɔgo kanyaka tɛbhɛbhɛtɛ.

2 Petro 2:1

Pɔ itro batɔnu tsyɛ baza banɔ nɛ shi, anasɛ gɛ itro badɔkasɛ ba baza wũnɔɛ mɛ. Ba ba ga tɛkpukpuimɛ amɛna butsi kɛdɔkɛkasɛ, kuratsyɛ ba ba dɛada nɛ́ Apalete nɛgɛ edzi alɛ—bamɛna butsi zia nɛ balɛ nahwɛ shu.

Yuɖa 1:4

Alasɛ banɔ teli gɛ be bu kɛpɔ pɛ ba ŋlɔmɛ kɛdɔ nɛ balɛ shu kukuku, ba ga tɛkpukpu mɛ ashɔku wɔnɔɛ shi. Be nu banɔ gɛ kpaya ama balɛ mɛ, gɛ be tsyina Kpaya ɛyamyuyɔ nɛ edzi kidzokukɔ kɔ azhuzhɔlɛbui bhɛbhɛtɛ klɛ ba dɛ yɛkɛ Yesu Kristo bulɔ Ishuahwɛzɛza anɛ Apalete terikpo.

Tɛbubukasɛ 2:13

Inyi ɔkɛlɛ gɛ ɔlɛ— ɔkɛlɛ gɛ Satana bukusiegbu nɛ alɛ. Tsyɛ pɛ ɔlɛ nɛ kɛgba mɛ nɛ mɛ nyi mɛ. Ɔdɛ shɛ̃nahwɛ wɔ tɛyɛyɛkɛŋa nɛ mɛmɛ, nɛ Antipasɛ kibe nɛ mɛ tsyɛ, mɛ ebuimɔɖɔ gɛ tɛyɛyɛkɛŋa lɛ yɛahwɛ, gɛ be yi nɛ wɔnɔ ɔmagbla nɛmɛ—nɛ ɔkɛlɛ gɛ Satana alɛ.

Tɛbubukasɛ 3:8

Inyi wɔnɔ ebuibhɛbhɛtɛ. Di, ɛtɛ yɛkɔ kedunu dɛdanɛ lu wɔ amɛ gɛ anɔnyanɔ atɛ ba na da. Inyi sɛ bugɛganɛ bhli lɛ wɔ ahwɛ, pɔ ɔnyɛna mɛ kibuiɖuɖɔ nɛ ovunɔ klɛ ɔkɔ shɛ̃nahwɛ mɛ kinyi nɛ shu olu.