1 Timotio 4:7 - ONUGBÙ NYƐNYÃ VUVƆ

⁷ Kɛdɔnyɛdɔ tɛ za wɔahwɛ gɛ ɔbɔ bhɛtɛ nɛ begu nɛ gɛ ama kpaya kidzoa bha banyɛedzini kuku aɛdzɛdzɛ, nɛ kɛlɛ ɔzakɔ, nɔ gbanɔ wɔnɔ shu sɛ tɛ no dzi banɔ gɛ ba lɛ kpayam.

1 Timotio 4:7 ပူးပေါင်းရင်းမြစ်များ

Axwɛwɛwa 24:16

Klɛso nɛ kibenyɛbe nɛɛ ɛlɛ nɛ kitem dɛdanɛ nɛ Kpaya anɛ Anɔdzyrame amɛ.

1 Timotio 1:4

ɔdɔgɔsɛ tɛ ba yɛkɔ balɛ shu akpɛ begu anɛ ɛkɔdzidze ɖuɖɔ mɛ. Ebuia lɛlɛ nɛɛ di na mɛna aglɔ esi manumanu ɔyɛkɔdɛ Kpaya kɛxwɛ, nɛ gɛ lɛ nɛ tɛyɛyɛkɛŋa mɛ.

1 Timotio 1:9

Bu ka nyi tsyɛ sɛ ɔshã nɛɛ ba bhɛtɛ ɔlɛ ganɛ kɔ anɔ nɛ gɛ ana, pɔ lɔ lɛ kɔ bagɛ baa da ɔlɛa bha anɛ bagɛ be dzyeagã, bagɛ ba dɛ sɔlɛ klɛ ba bhɛtɛ buzizi, bagɛ balɛ shu dɛ bhui klɛ ba taa bhɛtɛ busɔlɛ bui kanyaka; kɔ bagɛ bee yi balɛ akalɛ ɔdɔgɔsɛ balɛ enialɛ, kɔ bagɛ be yi anɔ,

1 Timotio 2:10

pɔ nɛ ebui dzyɔgo bhɛbhɛtɛ, gɛ aba kɔ badzɛ gɛ ba yɛkɔ shu asɛ ba ba kpɛ kɛtɔkpuesi kɔ Kpaya.

1 Timotio 3:16

Nɛ ebui bibisi nɛ petee de, kpayamzɛza kibuikpukpu nɛ kitri: Awɛ̃ nɛ ishuidzya mɛ, Ɔfufɔɛ nɛ obu yɛ butsya, kpayaxwɛdɛ nɛ ba mɔɛ, ba ɖɔ yɛ bui nɛ amadi nɛ mɛ, ba yɛkɛ yɛa bha ŋa nɛ kanɔ nɛ mɛ, ba feke yɛ ashɛnɔ nɛ ishubhubhui mɛ.

1 Timotio 4:8

Alasɛ ishuidzyam hihe nɛ lɛ kedziŋɛŋa tieli mɛ, pɔ kpayamzɛza kedziŋɛŋa lɛ kɔ kɛlɛ nɛ ebui nɛ petee mɛ, ki vunɔ kidzoenudidi kɔ ɔtsɔ̃ nɛ ɛkpã anɛ ɛkpã nɛ gɛ ba tɛ ba.

1 Timotio 6:11

Pɔ wɔ, Kpayanɔ, siɔshɛ lɔ anɛ nɛɛdi petee, klɛ tɛ ɔpɛɛ tɛnɛnamɛzɛza, kpayamzɛza, tɛyɛyɛkɛŋa, anɔɖuɖɔ, tɛzɛza gɛganɛɛ anɛ tɛdɛdɔfɔ̃.

1 Timotio 6:20

Timotio, po kɛgɛ ba yɛkɔ akpɛ wɔahwɛ nɛ mɔmɔ. Tsodzi nɛ buɖɔmɛaɖɔɛ nɛ gɛ be tinyi Kpaya nɛ balɛ ebui nɛ gɛ alɔɛ titi gɛ bee hu itro ekulua sɛ kibuititi nɛe de,

1 Timotio 6:3

Onu gɛ anɔ teli aakasɛ otro ebui klɛ adɛ dɛmɛ atrɔ bulɔ Apalete Yesu Kristo kɛdɔkɛkasɛ nɛ gɛ na anɛ kpayamzɛza kɛdɔkɛkasɛ,

1 Timotio 6:5

anɛ ebui tsɛtsrakɛ kibenyɛbe nɛ banɔ atɔkpum zizi elete, gɛ ba nyɛna kɛgba nɛ ezuru nɛ balɛ ahwɛ klɛ ba bhɛtɛ kɛtɔkpum sɛ kpayamzɛza nɛ enu kidzoenu kɔ ehoeyi dɔ mumɔ.

2 Timotio 2:16

Tsuɔvɛ nɛ bagɛ tinyi Kpaya pɛ ba ɖɔ kɛlɛmɛa ɖɔ nɛ shu, alasɛ banɔ nɛ gɛ baa bhɛtɛ kana, be be dzi banɔ gɛ ba ma kpaya mɛ atrɔ.

2 Timotio 2:23

Kibuinyɛbui tɛ za wɔahwɛ gɛ ɔbhɛtɛ nɛ bugã anɛ kibui matimati mɛ ebui wɛwlãnkɛ, alasɛ onyi sɛ la mɛna ebla.

2 Timotio 3:12

Nɛ kɛgbɛagba mɛ, anɔnyanɔɛ di gɛ apɛa sɛ tɛ aza kpaya tɛzɛzam nɛ Kristo Yesu mɛ ba ba kpatɔnɔ yɛ,

2 Timotio 3:5

kpaya mɛ zɛza tili di lɛ balɛ ahwɛ pɔ ba dɛ kɔɛ dzo sɛ kɛ za kemi nɛ balɛ mɛ. Kɛdɔnyɛdɔ tɛ za wɔnɔ ahwɛ gɛ nɔ bɔ bhɛtɛ nɛ banɔa lɛlɛ.

2 Timotio 4:4

Be be tsyina balɛ atɔ nɛ ashɛnɔ nɛ kɛgba nɛ shu klɛ le be tsyina atɔ balɛ begu.

Titusɛ 1:14

klɛ tɛ ba tɛ tatɔ nɛ Yuɖanɛ begu ɔdɔgɔsɛ ba tatɔ nɛ bagɛ ba shɛnahwɛ kɛgba nɛ shu.

Titusɛ 2:12

Lɔɔ kasɛ lɔ sɛ buɖɔ sɛ, “Ao” kɔ kpaya mɛ mazamaza anɛ kanɔmɛdɔ pɛpɛɛ, klɛ tɛ ɔna ishu ganɔ, tɛfuflɔ̃ anɛ kpayamzɛza ɛkpã nɛ ɔtsɔ̃ nɛa nɔmɛ,

Titusɛ 3:9

Pɔ nɔ plɛ bugã ebla pɛpɛɛ anɛ ɛkɔɖuɖɔ anɛ ebui ŋuwlãnkɛ anɛ ebla pɛpɛɛ denɔ ɛshã nɛ shu, alasɛ anɛ nɛ ama kedzi klɛ la ma kibuinyɛbui mɛ.

Hebriuanɛ 5:14

Pɔ kɛŋɛŋa gɛganɛ lɛ kɔ beshishe, nɛ kɛlɛ tɛyɛŋa mɛ babhɛtɛ shu asɛ tɛ be ti ɔtɔgɛga nɛ kɛdyɔgo nɛ kizizi.