1 Timotio 4:6 - ONUGBÙ NYƐNYÃ VUVƆ

⁶ Onu gɛ obu ebuianɛ ɔkasɛ badzya nɛɛ, obo dzi axwɛwa dzyɔgo kɔ Kristo Yesu, gɛ ba mɛna edenɔ kɛgba tɛyɛyɛkɛŋa nɛ mɛ anɛ kɛdɔkɛkasɛ dzyɔgo nɛe de gɛ ɔlɛ.

1 Timotio 4:6 ပူးပေါင်းရင်းမြစ်များ

Mateo 13:52

Aɖɔ etsre alɛ asɛ, “Kɛlɛ so ɔshãdɔkasɛ kanyaka gɛ ba kasɛ dɔ edenɔ owũsise bukusiɔŋakɔ nɛ shu asɔnɔ ansɛ apalete gɛ ebu yɛ kɛkesrɔdɔ vuvɔ nɛ kɛkuku nɛ edenɔ yɛ kɛdɔ ɔbalakɔ.”

Luka 1:3

Kɛlɛso, gɛ mɛnahwɛ ɛtɛ nyɔ̃ ebui nɛ mɛ mɔmɔ denɔ kesikpɛkpɛ nɛ, kɛnu kibui dzyɔgo kɔ mɛ tsyɛ sɛ tɛ ɛŋlɔmɛ ebui nɛ tɛ́ zɛza dzyɔgo mɛ kɔ wɔ Tiofilɔsɛ afuflɔdɛ,

Axwɛwɛwa 1:15

Nɛ ewi alɛlɛ nɛm nɛɛ Petro alɔ kititi nɛ bagɛ bayɛkɛaŋa nɛ shi, (banɔ gɛ balɛ tɛkpɛkpem ba za ansɛ kɛfɔɛfɔ nɛ afɛtabha)

Axwɛwɛwa 20:31

Kɛlɛ so nɔ za nɛ awɔ̃! Nɔ baka sɛ agɔ tata naa ɛka zukɔlɔ wɔnɔ mayɛ kanyaka tsre elishi anɛ kemuze anɛ iyuyo.

Axwɛwɛwa 20:35

Nɛ kɛdɔnyɛdɔ gɛ ɛbhɛtɛ mɛɛ, ɛkasɛ nɔ sɛ ganɔ kɛxwɛ wɛwa gɛganɛɛ nɛ mɛɛ di nɛ lɔ ba na bagɛ ama alɛ ana nu plɛnɔ, anɛ Apalete Yesu nahwɛ nɛ ebui nɛ gɛ aɖɔ nɛ tɛbɛbaka sɛ: ‘Tɛyuyula kpasɛ tɛkukɔm dɛ tɛyɛyɛkɛ.’ ”

Romanɛ 15:15

Ɛtɛ ŋlɔmɛ kɔnɔ wee nɛ ebui teli shu, ansɛ tɛ ɛfla baka nɔ nɛ alɛ shu, alasɛ Kpaya eshutukubui nɛ gɛ edi mɛ

1 Kɔrintioanɛ 4:17

Nɛ kibui nɛ so ɛsɛsɛ nɔ Timotio, mɛ yi gɛ ɛdɛmɛnɔ, gɛ enu ayɛyɛkɛŋa nɛ Apalete mɛ. Aba baka nɔ mɛ kpã dzo gɛ ɛyɛ kɔ za Kristo Yesu ede, gɛ kɛsɔnɔ kɛdɔ gɛ ɛkasɛ nɛ ɔkɔnyɔkɔ nɛ busɔlɛ kanyaka mɛ.

2 Kɔrintioanɛ 11:23

Kristo baxwɛdɛ lɛ nu? (Ɛmamɔ sɛ tɛ ɛɖɔ kaɖɔa nɛ di.) Ɛdɛ́ alɛ. Ɛtɛ waɛxwɛ gɛganɛ dɛ, ɛza vu gelee ziazia, be tu mɛ ebe gelee, klɛ be tii mɛ akpɛ butsi mɛ etsodzi etii akpɛ.

2 Kɔrintioanɛ 3:6

Abhɛtɛ lɔ buna anasɛ onugbunyɛnya vuvɔ baxwɛwa—ganɛ keplukpa pɔ Ɔfufɔɛ, alasɛ keplukpa ke yi anɔ, pɔ Ɔfufɔɛ lɔ kɔ ɛkpã.

2 Kɔrintioanɛ 6:4

Kɛlɛmaza, anasɛ Kpaya axwɛdɛ bu kpɛ bulɔnahwɛ nɛ otugba nɛ kidzonyɛdzo abha, nɛ butɔɛxwɛwuwa gbɛgbla, nɛ kibuipɛpɛɛ, bugɛganɛ mɛ kpãzɛza anɛ kibuitɛtrɔ anɔabha,

Efesoanɛ 6:21

Taitsyiko, adzya mumɔa anɛ axwɛdɛ gɛ tɛyɛyɛkɛŋa lɛ yɛahwɛ nɛ́ Apalete nɛ mɛ, ebe tsre nɔ kibuinyɛbui, sɛ tɛ wɔnɔ tsyɛ nɔ bo tii kana gɛ ɛlɛ anɛ kɛgɛ ɛbhɛtɛ.

Filipianɛ 2:20

Anɔnyanɔ ava ma mahwɛ anasɛ yɛ, gɛ ayɛkɔ tili nɛ wɔnɔ kibuim.

Filipianɛ 2:22

Pɔ nɔ nyi sɛ Timotio atɛ kasɛ yɛshu, alasɛ anasɛ eyi kɔ yɛaka nɛɛ aplɛnɔ mɛ lɔ wa kɛxwɛ nɛ̀ kibui dzyɔgo nɛ shu.

Filipianɛ 3:16

Nɔ kɔ lɔ za liabha ko kɔ kɛgɛ bu tɛ za tsã.

Koloseanɛ 2:19

Apɔ nɛ Kɛtɔkpu nɛ shu, denɔ agɛ yɛ shu ishuidzya nɛ petee kɛ kpa plɛnɔ klɛ tɛzɛ anɛ kɛdzya nɛ nyɛna xogo, pɛ kɛɛ she ansɛ gɛ Kpaya abhɛtɛ ɛlɛ asɛ kishe.

Koloseanɛ 3:16

Nɔ kɔ Kristo ebui la za wɔnɔɛ mɛ nɛ kedziŋɛŋa nɛ́ kɛlɛmɛ gɛ nɔ kasɛdɔ klɛ nɔ yɛ kɔ tɛtsitsrenɔ kɔ ɔhaglɔ nɛ ebuinyinyi petee, klɛ anasɛ gɛ nɔ zha be Pɛsalomo busɔlɛ ɛdzɛ, anɛ ɛfufɔɛmɛ ɛdzɛ, anɛ̀ ahwɛhuhu denɔ wɔnɔ idzyi mɛ kɔ Kpaya.

Koloseanɛ 4:7

Taɛtsyikus ebe tsre nɔ ebuiɖuɖɔ petee denɔ mɛ shu. Enu adzya mumɔ, ayɛyɛkɛŋa axwɛwa anɔ anɛ̀ ɔha axwɛdɛ nɛ́ Apalete nɛ mɛ.

1 Tɛsolonianɛ 3:2

Bu kpɛ Timotio, gɛ enu bulɔadzya nɛ Kpaya axwɛwa bhla nɛ Kristoebui nɛ tɛkɛkɛka mɛ, tɛ abhɛtɛ nɔ tɛ nɔ gɛganɛ tɛ akpɛ nɔ kemi nɛ nɔ tɛyɛyɛkɛŋa nɛ mɛ,

1 Timotio 1:10

kɔ bagɛ ba bhɛtɛ aglɔbui anɛ bagɛ baa ga anɔesi, kɔ bagɛ baa ga anɔdzidzi kedzi anɛ betroni anɛ bagɛ baka atabu pɛ bee hu otro—nɛ kɔ kɛdɔnyɛdɔɛ di gɛ lɛ ɔtɔ kɔ kɛdɔkɛkasɛ dzyɔgo

1 Timotio 4:16

Vu anhũ nɛ wɔ ɛkpã anɛ kɛdɔkɛkasɛ nɛ mɔmɔ. Tsianyɛ nɛ alɛ mɛ, alasɛ onu gɛ nɔ bhɛtɛ ana, no bo bu wɔnɔ shu anɛ bagɛ be nu nɔɛ bui.

1 Timotio 6:3

Onu gɛ anɔ teli aakasɛ otro ebui klɛ adɛ dɛmɛ atrɔ bulɔ Apalete Yesu Kristo kɛdɔkɛkasɛ nɛ gɛ na anɛ kpayamzɛza kɛdɔkɛkasɛ,

2 Timotio 1:6

Gɛ kɛlɛ ana so ɛbaka wɔ sɛ tɛ oduku Kpaya kɛdɔkukɔ kifu nɛ ɔkpɛ, gɛ kɛ kpasɛ wɔm ganɔ mɛ ahwɛ tɛtɛtrɔ wɔa bha nɛ mɛ.

2 Timotio 3:10

Pɔ wɔ xũ, onyi kibuinyɛbui di odenɔ mɛ kɛdɔkɛkasɛ nɛ shu, mɛ ɛkpã zɛza, mɛ kɛdɔnɔ nɛ so, tɛyɛyɛkɛŋa, tɛdudɔfɔɔ̃, tɛɖuɖɔ, kanyɛtsitsi,

2 Timotio 4:3

Alasɛ kibe nɛ baa ba gɛ banɔ atɛa nyɛna kɛdɔkɛkasɛ dzyɔgo mɛ evunɔ. Nɛ kɛlɛ ɔzakɔ, sɛ tɛ asɔnɔ balɛ nahwɛ tɛpɛpɛɛ, ba ba gbanɔ badɔkasɛ gelee akana balɛ shu sɛ tɛ be nu ebui nɛ gɛ bala tɔ nɛ gɛ awɛ̃sɛ alɛ nɛ apɛa sɛ tɛ be nu.

Titusɛ 2:1

Alasɛ tɛ ɔkasɛ kɛdɔnɔ nɛ gɛ na nɛ kɛdɔkɛkasɛ dzyɔgo nɛ nu.

1 Petro 2:2

Anasɛ beyi mumɔvuvɔ, bu ku alɛ li kɔ ɔfufɔɛ mɛ bumɔni dzyɔgo, sɛ tɛ ganɔ bu lɛ abha nɔ bɔna she nɛ wunɔ tɛyɛyɛkɛkɔ,

2 Yohanɛsɛ 1:9

Anɔnyanɔ gɛ esi afla vɛ otugba klɛ ata za Kristo kɛdɔkɛkasɛ nɛede adɛ yɛkɛ Kpaya, ánɔ nɛgɛ aza kɛdɔkɛkasɛ nɛabha ayɛkɛ balɛ tɛabha Aka anɛ Eyi.

Yuɖa 1:5

Kɛnya lɛ kɛlɛ mɛ sɛ no nyi kibui nɛ petee kukuku, ɛpɛ sɛ tɛ ɛbaka wɔnɔ sɛ Apalete nɛ ebu yɛanɔalɛ nɛ ekoeyi nɛ Egypte, pɔ nɛ kɛlɛede nɛɛ eyi bagɛ ba dɛ yɛkɛaŋa.