1 Timotio 3:1 - ONUGBÙ NYƐNYÃ VUVƆ

¹ Kibui gɛ ba ba yɛkɛaŋa tili nɛɛ sɛ: Onu gɛ anɔ teli atrɔ nɛ idzyi mɛ asɛ tɛ edzi abhaŋa, kɛlɛa lɛ apɛɛ kɛxwɛgbla kɔ shu.

1 Timotio 3:1 ပူးပေါင်းရင်းမြစ်များ

Luka 15:10

Nɛ kidzo lɛlɛ nɛabha, itsre nɔ sɛ, samemumɔ aba za Kpaya axwɛdɛ amɛ nɛ ezizi terikpo gɛ etsyina temɛ.”

Axwɛwɛwa 1:20

Petro asɛ, “Alasɛ,” ba ŋlɔmɛ akpɛ Ɛdzɛeplukpa nɛ mɛ asɛ, “ ‘Kɔ yɛ bupa nɛ wɔ akpɛkpa, kɔ sɛ anɔnyanɔ atɛ za bulɛ mɛ,’ klɛ, “ ‘Kɔ sɛ anɔbhlatɔ ayɛkɛ yɛ ɔzakɔ nɛ otugbazɛzam.’

Axwɛwɛwa 20:28

No di wɔnɔ shua bha nɛ ibhoshiha nɛ petee gɛ Ɔfufɔɛ Dzyɔgo nɛ ɔbhɛtɛ nɔ sɛ no di ɛlɛa bha. No dzi bagbɛgbanɔ kɔ Kpaya busɔlɛha, gɛ edzi nɛ yɛnahwɛ dzyosu.

Romanɛ 11:13

Ɛɖɔ kaɖɔ tsre wɔnɔ bagɛ adɛ yɛkɛaŋa. Nɛ kibelɛ mɛ gɛ mɛ nu anɔkpɛkpɛ kɔ bagɛ adɛ yɛkɛaŋa, ɛwa mɛ kɛxwɛ nɛ gelee

Efesoanɛ 4:12

tɛ ewũse Kpaya banɔ kɔ kɛxwɔɛ gɛ ba bawa, so tɛ ba bhɔ trɔ Kristo Ishuidzya ebui nɛabha

Filipianɛ 1:1

Mɛ Paolo anɛ Timotio, Kristo Yesu baxwɛwa. Kɔ Kpayabanɔ nɛ petee gɛ balɛ Kristo Yesu mɛ nɛ́ Filipi, ɔyɛkɔ plɛnɔ bagɛ be di axwɛ nɛa bha anɛ baxwɛwa:

1 Tɛsolonianɛ 5:14

Klɛ bu tsre nɔ, badzya mɔ, bagɛ baa kpɛ aye be dii mɔ, nɔ kpɛ bagɛ be sifu nɛ kemi, nɔ plɛnɔ bagɛ ba dɛ gɛganɛ, nɔ dɔfɔɔ̃ nɛ anɔnyanɔ.

1 Timotio 1:15

Kibuiɖuɖɔ gɛ kɛlɛ sɛ ba yɛkɛ kɛlɛa bha ŋa nɛ nɛɛ: Kristo Yesu aba kanɔ nɛm sɛ tɛ aba yɛkɛ kɔ bezizi—gɛ mɛ inu ezizi nɛ dɛ nɛ balɛm.

1 Timotio 4:9

Kɛnɛ nɛ nu kibuiɖuɖɔ gɛ ba ba yɛkɛ kɛlɛa bha ŋa gɛ kɛlɛ sɛ ba dɛmɛ lɛ petee

2 Timotio 2:11

Kibui tili gɛ la ba yɛkɛ kɛlɛa bha ŋa nɛ nɛɛ sɛ: Onu gɛ butsi plɛnɔ yɛ, bu ba za nɛ ɛkpã plɛnɔ yɛ;

Titusɛ 1:7

Gɛ kɛ tɛ dzi sɛ abhaŋa ahwɛmɛ la yɛkɔ Kpayɛxwɛ nɛ akpɛ, alasɛ tɛ edzi anɔ gɛ kɛpɔ ma yɛ shu—atɛ trɔ anɔa bha, obulo oti ku yɛ zɛazɛa, atɛ yɛkɔ ishu akɔ bulububuku, eti dzi eblapɛ, atɛ za otroedzoe de kɔ kɛdɔmumɔ.

Titusɛ 3:8

Kibui nɛ nu kibuiɖuɖɔ gɛ ba ba yɛkɛ kɛlɛa bha aŋa. Klɛ ɛpɛɛ sɛ tɛ nɔ trɔ kɛklãgbu nɛ ebuia nɛa bha, sɛ tɛ bagɛ atɛ yɛkɛ Kpayabha aŋa nɛ be luawɔ̃ tɛ ba yɛkɔ ishu etsye nɛ kibui dzyɔgo tɛbhɛbhɛtɛ mɛ. Ebuia nɛ apɛ̃ezi klɛ le be dzi kɛdɔ kɔ anɔnyanɔ.

Hebriuanɛ 12:15

Nɔ di lɛ sɛ anɔnyanɔ adɛ shɛ̃ lɔ Kpaya ɛyɛmɛyuyɔ klɛ sɛ osiogu kɛtɛkɛtɛ lɔ tɛ dɔ she tɛ lɔ kpɛ butɔ anɛ tɛ lɔ zi be gelee.

1 Petro 2:25

Alasɛ nɔ dzi anasɛ Ibhoshi gɛ lɛ lɛlaɛdzo, pɔ ɔtsɔ̃nɛ nɔ tsodziɔba Agbɛgbanɛ nɔ kɔ Kpayaɔzakɔanɔ gɛ edi wɔnɔ atɔwui abha,

1 Petro 4:15

Onugɛ nɔ mɔ butɔ, kɛtidzi anasɛ agɛ eyianɔ pɛnɔ ezi pɛnɔ ebuikpã bhlatɔ bhɛbhɛtɛ pɛnɔ ɔdɛsɛ anɔ gɛ akpɛ onugbu nɛ anɔ bhlatɔ kibuimɛ.

1 Petro 5:2

Nɔ dzi Kpaya Ibhoshiha agbɛgbanɔ gɛ alɛ wɔnɔe si, nɔ de axwɛ anasɛ kpayaɔzakɔanɔ— ganɛ sɛ tɛ nɔ bhɛtɛ, pɔ nɔ bhɛtɛ anasɛ gɛ Kpaya apɛasɛ tɛ nɔ za, anɛ kɔba gbɛgbla pɛpɛɛ, pɔ tɛtɛtrɔ kɔ axwɛdɛdɛ,