1 Timotio 2:1 - ONUGBÙ NYƐNYÃ VUVƆ

¹ Istre nɔ, kɛlɛ putɔnɔ, sɛ tibibisi, kpayakuklu, ibuevuvu anɛ ahwɛhuhu, ba bhɛtɛ lɛ akɔ anɔnyanɔ—

1 Timotio 2:1 ပူးပေါင်းရင်းမြစ်များ

Axwɛwɛwa 17:30

Nɛ atiti mɛ Kpaya ada awɔ̃hũ akpɛ kibui mati mati lɛlɛ nɛ di, pɔ ɔtsɔ̃ nɛɛ akɔ ɔshã sɛ banɔ nyanɔ nɛ ɔkɔnyɔkɔ be tsyinɛtem.

Romanɛ 1:8

Putɔnɔ nɛɛ, ihu mɛ Kpaya nɛ ahwɛ ganɔ Yesu Kristoa bha kɔ wɔnɔ petee, alasɛ baɖɔ wɔnɔ tɛyɛyɛkɛŋa nɛ bui akana kanɔm petee.

Romanɛ 6:17

Pɔ ahwɛhuhu kɔ Kpaya sɛ, kɛ nya lɛ kɛlɛm sɛ tsã no dzi banɔdzidzi kɔ buzizi, nɔ yɛkɔ wɔnɔ idzyi petee ɔtatɔ nɛ kɛdɔkɛkasɛ nɛ di gɛ ba yɛkɔ kpɛ ahwɛ kɔ nɔ.

1 Kɔrintioanɛ 15:3

Alasɛ kɛgɛ ɛyɛkɛ ɛshɛnahwɛ kɛ lɛ shu kɔ nɔ anasɛ kɛ tɛtɔpu gɛ kɛŋaedzi, sɛ Kristo etsi nɛ bulɔɛ tɔkpu nɛ Kpayaeplukpa nɛ nu,

2 Kɔrintioanɛ 8:6

Kɛlɛso bu pɛɛ denɔ Tito ɔkɔ sɛ, gɛ ya eti putɔ abhɛtɛ nɛ kesikpɛkpɛ, tɛ avla mɛna ɛyamyuyɔ ebui bhɛbhɛ tanɛ beke nɛ wɔa pɛ mɛ.

Efesoanɛ 3:13

Kɛlɛso, ibisi denɔ wɔnɔ kɔ sɛ, nɔ tɛkɔ idzyi ekoeyi nɛ wɔnɔɛ kite mɛ alasɛ butɔ nɛ gɛ ɛtɔ nɛ wɔnɔɛ tɔkpu, kɛ nu wɔnɔ tɛkpɛkpɛ nɛabha.

Efesoanɛ 5:20

kibenyɛbe zo hu Kpaya Aka nahwɛ kɔ kɛkanyaka, anɛ bulɔ Apalete Yesu Kristo yɛ nyi mɛ.

Efesoanɛ 6:18

Klɛ klukpaya nɛ Ɔfufɔɛ nɛ mɛ kibenyɛbe nɛ kpayakuklu kanyakaɛdi anɛ tɛbibisi. Nɛ̀ kɛnɛ nɛ́ tɔkpuimɛ, zanɛ awɔ̃ klɛ kibenyɛbe za kpayakuklu abha kɔ kpaya banɔ.

Filipianɛ 1:3

Ɛhu mɛ Kpaya ahwɛ kibenyɛbe gɛ ɛbaka wɔnɔɛ bui.

Filipianɛ 4:6

Tɛ kɔ wɔnɔ idzyi ahwa nɛ kɛdɔnyɛdɔ shu, pɔ nɛ kibuinyɛbui mɛ, kpayakuklu anɛ tɛbibisi, anɛ ahwɛhuhu, kɔ wɔɛdɔ bibisi vɛ Kpaya kɔ.

1 Tɛsolonianɛ 3:12

Kɔ Apalete nɛ abhɛtɛ wɔnɔ tɛɖuɖɔ tɛ lɛ vɛa bha tɛ ki yuku gbɛgba kɔ wɔnɔmayɛ kanyaka nɛ kɔ anɔnyanɔ tsyɛ, ansɛ gɛ bulɔayɛ nɛ abhɛtɛ kɔ nɔ.

2 Tɛsolonianɛ 1:3

Alasɛ kibenyɛbe tɛ bu zɛ hu Kpaya ahwɛ nɛ wɔnɔɛ tɔkpu, badzya mɔ, klɛ kana kɛ lɛ, alasɛ wɔnɔ tɛyɛyɛkɛŋa nɛ kii she trɔ, klɛ tɛɖuɖɔ nɛ gɛ lɛ anɔnyanɔa hwɛ kɔ yɛɔhayɛ nɛɛ she trɔ.

1 Timotio 2:4

gɛ apɛa sɛ tɛ be bu banɔ nɛ petee klɛ tɛ ba ba kɛgba nɛ tititim.

1 Timotio 5:5

Adzɛ gɛ etsianyɛ nɔɔ nɛ gɛ alɛ kɔ kɛdɔ kukɔ kɛgbɛagba flogo pɛ ba shɛ̃nahwɛ yɛ terikpo shue lu pɛ ayɛkɔ yɛ kidzoenudidi nɛ atrɔ Kpaya bha klɛ avɛlɛa bha elishi anɛ kemuze anɛ kpayakuklu tɛ ebisi Kpaya tɛpɛplɛnɔ.

2 Timotio 2:24

Klɛ ama sɛ tɛ Apalete nɛ yɛ axwɛwa apɛ ebla, yɛ alasɛ tɛ apɛ̃ ɛyam akɔ anɔnyanɔ, gɛ aba na kɛdɔ kasɛ, atɛ kpɛ obulo.

Titusɛ 2:11

Alasɛ Kpaya ɛyamyuyɔ nɛ gɛ ɔmɛna tɛbhubhuiyɛkɛ nɔ tɛ wɛ̃ kɔ banɔ petee.

Titusɛ 3:2

ba tɛ zi anɔnyanɔ shu, tɛ ba bhɛtɛ ishuyuyɔ anɛ anhũvuvu nɛ anɔ, tɛ ɔbhɛtɛ ishubububɔ kɛgbɛagba ɔvɛnɔ banɔ nɛ petee ɔkɔ.

Hebriuanɛ 6:11

Bu pɛɛ sɛ wɔnɔmɛayɛ nyɛmayɛ nɔ kasɛ kɛdzyɔgo bhɛbhɛtɛ ɔdɔtɔnɔ kibe gugɔɛ, nɛ lɛmɛ sɛ tɛ nɔ bhɛtɛ wɔnɔ kidzoenudidi nɛ za kɛlɛ ɔzakɔ.

Yakobo 5:16

Kɛlɛso nɔ danɛ wɔnɔ buzizi nɛm ɔkɔ aglɔ tɛ no klukpaya nɛ aglɔɛ tɔkpu sɛ tɛ wɔnɔ banya nɛ be beke. Anɔnɛna kpayakuklu nɛ alɛ kemi klɛ awa kɛxwɛ.