1 Timotio 1:9 - ONUGBÙ NYƐNYÃ VUVƆ

⁹ Bu ka nyi tsyɛ sɛ ɔshã nɛɛ ba bhɛtɛ ɔlɛ ganɛ kɔ anɔ nɛ gɛ ana, pɔ lɔ lɛ kɔ bagɛ baa da ɔlɛa bha anɛ bagɛ be dzyeagã, bagɛ ba dɛ sɔlɛ klɛ ba bhɛtɛ buzizi, bagɛ balɛ shu dɛ bhui klɛ ba taa bhɛtɛ busɔlɛ bui kanyaka; kɔ bagɛ bee yi balɛ akalɛ ɔdɔgɔsɛ balɛ enialɛ, kɔ bagɛ be yi anɔ,

1 Timotio 1:9 ပူးပေါင်းရင်းမြစ်များ

Mateo 10:21

“Adzya aba ga yadzya esi ayɛkɔ ada kpɛ butsi mɛ, klɛ aka tsyɛ aba bhɛtɛ ana nɛ yeyi, beyi ba ba lɔ kititi nɛ balɛ eni anɛ aka shu klɛ ba ba yɛkɔ balɛ ada kpɛ butsi mɛ.

Romanɛ 1:30

banɔ gɛ bee zi ɔhayɛ shu, banɔ gɛ ba dɛ ɖɔ Kpaya, aglɔkuklɔa, ishufifeke nɛ ɔwɔ̃dzu; be bhui edzo kɔ buzizi; ba dɛ ta balɛ ni nɛ aka tɔ;

Romanɛ 4:13

Ganɛ sɛ ɔshã abha Abraham anɛ yɛeyialɛ nɛ ba ga pɛ ba yɛkɛ tɛtutrɔ denɔ Kpaya ɔkɔ sɛ aba ŋa kanɔ, pɔ ganɔ tɛnɛna nɛ gɛ ba denɔ tɛyɛyɛkɛŋa mɛ.

Romanɛ 5:20

Ba yɛkɔ ɔshã nɛ aba ta sɛ tɛ buzizi nɛ ba wua bha. Pɔ ɔkɛlɛ gɛ buzizi nɛ buu wua bha, eshutukubui didi nɛ eke wuabha dɛa na,

Romanɛ 6:14

Alasɛ buzizi tɛ ba dzi wɔnɔ apalete, alasɛ wɔnɔ nɔ ma ɔshãesi, pɔ eshutukubui didi esi nɔ kpasɛ.

Galatianɛ 3:19

Kɛlalɛ, kide so gɛ ɔshã nɔ lɛ? Bayɛkɔ ɔlɛ aplɛnɔ alasɛ ebuikpã bhɛbhɛtɛ ɔdɔtɔnɔ Eshui nɛ gɛ yɛ tɛtɛtrɔlu bui baɖɔ aba. Ba kpɛ ɔshã nɛesi aganɔ baxwɛdɛ nɛabha nɛ agɛ alɛ kishi.

Galatianɛ 5:18

Pɔ onugɛ Ɔfufɔɛ nɛ lɔ gbanɛ nɔ, nɔ ma ɔshã nɛesi.

Galatianɛ 5:21

anɛ kawɔ̃kpɛ, tɛbubuku, samezizi mumɔ anɛ ebuibhltɔ bhɛbhɛtɛ nɛ̀ alɛlɛ nɛɛ di. Ɛkpɛ nɔ ɔshã, anasɛ gɛ ɛtɛkpɛ nɔ bafla, sɛ bagɛ ba za ɛkpãɛ nidi ba tɛba mɔ ɔzakɔ nɛ Kpaya kusi ɔŋa kɔ.

Galatianɛ 5:23

ishu nyɛnyɛna anɛ ishua bhaŋɛŋa. Ɔshã dɛ lɔɛtiti nɛ ebuianɛ di shu.

2 Tɛsolonianɛ 2:8

Klɛ ɔkɛlɛ flogo pɛ be be bu agɛ ama ɔshã mɛ nɛ akasɛ, agɛ yɛ Apalete Yesu nɛ aba tsɛ atɛ̃ nɛ yɛ onugbu mɛ ɔfufɔɛ klɛ yɛ tɛbɛba anɛ yɛ tɛpupudi nɛ ba zi yɛ.

1 Timotio 4:7

Kɛdɔnyɛdɔ tɛ za wɔahwɛ gɛ ɔbɔ bhɛtɛ nɛ begu nɛ gɛ ama kpaya kidzoa bha banyɛedzini kuku aɛdzɛdzɛ, nɛ kɛlɛ ɔzakɔ, nɔ gbanɔ wɔnɔ shu sɛ tɛ no dzi banɔ gɛ ba lɛ kpayam.

1 Timotio 6:20

Timotio, po kɛgɛ ba yɛkɔ akpɛ wɔahwɛ nɛ mɔmɔ. Tsodzi nɛ buɖɔmɛaɖɔɛ nɛ gɛ be tinyi Kpaya nɛ balɛ ebui nɛ gɛ alɔɛ titi gɛ bee hu itro ekulua sɛ kibuititi nɛe de,

2 Timotio 2:16

Tsuɔvɛ nɛ bagɛ tinyi Kpaya pɛ ba ɖɔ kɛlɛmɛa ɖɔ nɛ shu, alasɛ banɔ nɛ gɛ baa bhɛtɛ kana, be be dzi banɔ gɛ ba ma kpaya mɛ atrɔ.

2 Timotio 3:2

Banɔ ebe ku ishu awɔ̃, banɔ gɛ aɖɔ ehoeyi ishufifeke, ishuawɔ̃ kuku, kɛdɔkukula, butɔ matamata nɛ balɛ beni anɛ balɛ aka lɛ, ahwɛ mahumahu, ishumabhui mabhui,

Titusɛ 1:10

Alasɛ banɔ dzyidzyeaga gelee alɛ, kaɖɔɖuɖɔte elete nɛ banɔ gɛ bawɛ anɔ, ɔyɛkɔdɛ nɛɛ bagɛ ba kpasɛ Yuɖanɛ bugu nɛ mɛ.

Titusɛ 1:16

Bee bu aɖɔa sɛ be nyi Kpaya, pɔ ganɔ balɛ ebui bhɛbhɛtɛ nɛ mɛ ba dɛ yɛkɛ yɛ. Be nu banɔ gɛ ba kpalɛɔha, ba ta taa tɔ klɛ ba dɛ na kɔ kibui dzyɔgo kanyaka tɛbhɛbhɛtɛ.

Titusɛ 1:6

Ɔhamɛ anɔshishe ama sɛ tɛ kɛpɔ kanyaka za yɛ shu, pɔ edzi adzɛ terikpo yɛenyine, anɔnyɛ gɛ yɛeyialɛ nɛ ba yɛkɛaŋa klɛ be di nu banɔ gɛ ba pɛɛ ebla klɛ ba taa ta tɔ.

Titusɛ 3:3

Nɛ kibe tili mɛ, bulɔ tsyɛ bu tɛ dɔ gã, bu dɛ taa tɔ, ba wɛɛ lɔ klɛ la bhɛtɛ lɔ banɔdzidzi ganɔ tɛpɛpɛɛ kanyaka di mɛ anɛ ba same mumɔm. Bu za nɛ atɔkpumkpã anɛ kawɔ̃kpɛ, ba dɛ pɛɛ bulɔɛ bui klɛ bulɔ tsyɛ dɛ pɛɛ ɔhayɛ bui.

Hebriuanɛ 11:31

Tɛyɛyɛkɔŋa kɔ sɛ kedunuzɛza Rahab be di yi yɛ nɛ bagɛ ba dɛ tatɔ, alasɛ ayɛkɛ befu gɛ bayɛkɔ awɔ̃hu apɛɛ ebui.

Hebriuanɛ 12:16

No di klɛ ɔkɔ sɛ anɔnyanɔ atɛ bhɛtɛ azhuzhɔlɛbui, ɔdɔgɔsɛ ansɛ Esao gɛ eti nyi Kpaya, yɛ gɛ nɛ kɛŋɛŋa tirikpo shu so pɛ adɛ yɛ ɔŋakɔ ansɛ eyianyɛ shishe ana.

1 Petro 2:7

Ɔtsɔ̃ nɛ kɔ wɔnɔagɛ ɔyɛkɛŋa, sɛ kɛklãgbui nɛ ŋɛedzi. Pɔ kɔ bagɛ ba dɛ yɛkɛŋa, “kɛklãgbu nɛ gɛ bevudzu na dɛ yɛkɛ kɛ badzi ɔxãkɔɛ kɛklãgbu,”

1 Petro 3:20

agɛ adɛ tatɔ kibe dzidze bafla gɛ Kpaya epo nɛ ishunyɛnyɛna mɛ nɛ Noah ewui nɛabha gɛ àfatɛ yɛ otsyokpo. Nɛ ɔlɛ mɛ banɔ bhliyi ko, banɔ petee balɛ tɛɔsɔɛ, balɛ be bhuiayɛkɛ ɔganɔ buni mɛ,

1 Petro 4:18

Klɛ “Onugɛ kɛ gɛganɛ kɔ kɛdzyɔgo bhɛbhɛtɛ elete sɛ tɛ bebhuialɛ ayɛkɛ, kide kɛ ba dzi kɔ bagɛ ba kpɛ kɛtɔkpuesi kɔ bakpaya anɛ̀ bezizi?

Yuɖa 1:15

tɛ le be kulu kebhui nɛ anɔnyanɔ, tɛ ba kpɛ bagɛ ba ma nɛ kpaya nɛ petee bevu nɛ balɛ kpayam mazamaza ebui nɛ gɛ ba bhɛtɛ nɛ shu, anɛ onugbutsɔa ɖɔ nɛ gɛ kpayam maza maza banɔ zizi nɛ ba tɛ ɖɔ nɛ kititilulɔm nɛ yɛ shu.”

Tɛbubukasɛ 21:8

Pɔ efufluni, gɛ ataa yɛkɛaŋa, bagɛ abhɛtɛ atsɔbui, bagɛ eyianɔ, bagɛ abhɛtɛ azhuzhɔlɛbui, bagɛ abhɛtɛ ihuiebui, bagɛ akpɛ kɛtɔkpuesi kɔ kɛdɔbhubhɔ anɛ betroni—balɛ ɛzakɔ nɛ ba za kɛvɔ gɛ tã nɛ kɛlɛ aklãgbu. Kɛɛnɛ kɛlɛ nu butsi bhla.”

Tɛbubukasɛ 22:15

Ɔtsɔ̃ bukudzɔgɛ nɛ li, bagɛ ba bhɛtɛ ihuebui, azhuzhɔlɛ ebui, bagɛ beyianɔ, bagɛ ba bhɛtɛ kɛdɔbhubhɔ anɛ anɔnyanɔ gɛ apɛɛ klɛ abhɛtɛ itrohuhu ebui.