1 Timotio 1:2 - ONUGBÙ NYƐNYÃ VUVƆ

² Kɔ Timotio gɛ enu mɛ eyianyɛ kɛgbɛagba nɛ tɛyɛyɛkɛŋa nɛ mɛ, Ɛyamyuyɔ, eshutukubui didi anɛ ishuyuyɔ denɔ Kpaya gɛ enu Aka anɛ Kristo Yesu bulɔ Apalete nɛ ɔkɔ.

1 Timotio 1:2 ပူးပေါင်းရင်းမြစ်များ

Romanɛ 1:7

Kɔ banɔ nɛ petee anɛ Roma gɛ Kpaya aɖɔ klɛ eklu sɛ be be dzi banɔnɛna: Eshutukubui didi nɛ ishyuyɔ kɔnɔ denɔ Kpaya bulɔ Aka anɛ Apalete Yesu Kristo ɔkɔ.

Galatianɛ 1:3

Ɛyamyuyɔ nɛ ishuyuyɔ kɔ nɔ denɔ Kpaya bulɔ Aka anɛ Apalete Yesu Kristo kɔ,

1 Tɛsolonianɛ 3:2

Bu kpɛ Timotio, gɛ enu bulɔadzya nɛ Kpaya axwɛwa bhla nɛ Kristoebui nɛ tɛkɛkɛka mɛ, tɛ abhɛtɛ nɔ tɛ nɔ gɛganɛ tɛ akpɛ nɔ kemi nɛ nɔ tɛyɛyɛkɛŋa nɛ mɛ,

1 Timotio 1:12

Ihu bulɔ Apalete Kristo Yesu ahwɛ, gɛ akɔ mɛ bugɛganɛ, gɛ edi mɛ asɛ anɔ gɛ tɛyɛyɛkɛŋa lɛ mɛahwɛ, klɛ eebu mɛ akɔ yɛ kɛxwɛ.

1 Timotio 1:18

Meyianyɛ, Timotio, itsre wɔ kibui nɛ kɛnyɛna nɛ gɛ ɔbɔ nyɛna ebui nɛ gɛ ba ɖɔelu nɛ wɔ shu nɛm ovunɔ, sɛ tɛ ganɔ alɛede zɛza tɛ ɔbɔ gɔnɛ tɛgugɔnɛ dzyɔgo,

1 Timotio 6:20

Timotio, po kɛgɛ ba yɛkɔ akpɛ wɔahwɛ nɛ mɔmɔ. Tsodzi nɛ buɖɔmɛaɖɔɛ nɛ gɛ be tinyi Kpaya nɛ balɛ ebui nɛ gɛ alɔɛ titi gɛ bee hu itro ekulua sɛ kibuititi nɛe de,

2 Timotio 1:2

Kɔ Timotio, meyianyɛ mumɔa: Ɛyamyuyɔ, eshutukubuididi anɛ ishuyuyɔ gɛ de Aka Kpaya anɛ Kristo Yesu bulɔ Apalete ɔkɔ.

2 Timotio 2:1

Kɛlɛ wɔ, meyianyɛ, za gɛganɛɛ nɛ ɛyamyuyɔ nɛ gɛ kpasɛ Kristo Yesu mɛ.

Titusɛ 1:4

Kɔ Titusɛ, mɛ eyianyɛ nɛ kɛgbɛagba mɛ nɛ bulɔ tɛyɛyɛkɛŋa tite mɛ, Ɛyamyuyɔ anɛ ishuyuyɔ denɔ Aka Kpaya anɛ Kristo Yesu bulɔ Ayɛyɛkɛkɔ nɛ ɔkɔ.

Titusɛ 2:2

Kasɛ banɔ shishedɛ nɛ kɛdɔ sɛ tɛ be dzi banɔyuyɔ, gɛ bana sɛ tɛ be bu, gɛ baŋa ishuabha, klɛ ba gɛganɛ nɛ tɛyɛyɛkɛŋa mɛ, nɛ tɛɖuɖɔ anɛ tɛzɛza gɛganɛ mɛ.

Titusɛ 3:15

Anɔnyanɔ gɛ alɛ plɛnɔ mɛ asɛnɛ wɔ. Sɛnɔ bagɛ ba ɖɔ lɔ nɛ tɛyɛyɛkɛŋa nɛ mɛ. Ɛyamyuyɔ za plɛnɔ wɔnɔ petee.

1 Petro 1:2

gɛ be klu nɛ́ Kpaya Aka yɛ dɔdidi kpɛ otugba, ganɔ Ɔfufɔɛ nɛ kɛxwɛwɛwa nɛ shu dɛdanɛ kɔ batɔ tɛta Yesu Kristo klɛ nɛ yɛ dzyosu tɛtɛta balɛ: Kɛdɔkukɔ anɛ ishuyuyɔ dzi wɔnɔɛ yɛ nɛ tɛkpikpe mɛ.

2 Yohanɛsɛ 1:3

Kɛdɔkukɔ, eshutukubui anɛ̀ ishuyuyɔ denɔ Kpaya Aka anɛ̀ Yesu Kristo, Aka nɛ ye Yi aba za bulɔ bha nɛ́ kibui gbɛagba anɛ̀ tɛdɛdɛmɛnɔ.

3 Yohanɛsɛ 1:4

Kibuinyɛbui dɛ kpɛ mɛ same gbɛgbladɛ sɛ inu sɛ me yialɛ ba ga nɛ kibui dzyɔgoɛ mɛ.

Yuɖa 1:2

Eshutukubui didi, ishuyuyɔ anɛ tɛɖuɖɔ dzi wɔnɔɛ yɛ nɛ tɛkpikpe mɛ.