1 Tɛsolonianɛ 5:10 - ONUGBÙ NYƐNYÃ VUVƆ

¹⁰ Etsi nɛ bulɔɛ tɔkpu sɛ tɛ, onu gɛ bulɛnawɔ̃ o bu dɔ tra o, bu ba za ketsu mɛ nɛ yɛ.

1 Tɛsolonianɛ 5:10 ပူးပေါင်းရင်းမြစ်များ

Mateo 20:28

anasɛ gɛ Anɔdzyrame yɛ Eyi nɛ adɛ ba sɛ tɛ ba dɛ axwɛ akɔ yɛ, pɔ aba sɛ tɛ aba dɛ axwɛ, tɛ ayɛkɔ yɛ ɛkpã nɛ abuya anasɛ kɛbhɛ nɛ banɔɛ tɔkpu.”

Yohanɛsɛ 10:11

Mɛ nu ibhoshi agbɛgbanɔ dzyɔgo. Agbɛgbanɔ dzyɔgo ayɛkɔ yɛ kpã akɔ ibhoshi.

Yohanɛsɛ 10:15

anasɛ gɛ Aka nɛ nyi mɛ klɛ inyi Aka—klɛ ɛyɛkɔ mɛ kpã kɔ ibhoshi.

Yohanɛsɛ 10:17

Kibui nɔ nɛ so gɛ ma Aka adɛmɛ mɛ bui kɛlɛ nu sɛ ɛshɛnahwɛ mɛ kpã shu—tɛ ɛtsodzi ɛlɛ ayɛkɔ ko.

Yohanɛsɛ 15:13

Tɛdɛdɛmɛnɔ gbɛgbladɛ nɛ anɔ vama dɛ kɛnɛ, sɛ ayɛkɔ yɛ kpã etsye yɛ ɛbhɛya.

Romanɛ 8:34

Anee nalɛlɛ nɛ gɛ ebuipɔ? Kristo Yesu, gɛ etsi, ɔyɛkɔ ɔdɛa na, gɛ be bu amɛna ɛkpã mɛ, akpasɛ Kpaya kɛŋa ɔhwɛ mɛ klɛ eke vuibue tsyɛ nɛ lɔɛ tɔkpu.

1 Kɔrintioanɛ 15:3

Alasɛ kɛgɛ ɛyɛkɛ ɛshɛnahwɛ kɛ lɛ shu kɔ nɔ anasɛ kɛ tɛtɔpu gɛ kɛŋaedzi, sɛ Kristo etsi nɛ bulɔɛ tɔkpu nɛ Kpayaeplukpa nɛ nu,

2 Kɔrintioanɛ 5:15

Klɛ etsi nɛ bulɔ petee tɔkpu, sɛ ba gɛ alɛ ba ta za kɔ balɛnahwɛshu ko pɔ agɛ etsi nɛ balɛ tɔkpu, klɛ ba za nyɛmɛ yɛ tite tɔkpu.

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

Efesoanɛ 5:2

klɛ nɔ za nɛ kpã nɛ anɔɛbui dɛdɛmɛ mɛ, anasɛ gɛ Kristo adɛmɛ bulɔɛ bui klɛ ayɛkɔ ishu akɔ nɛ bulɔɛ tɔkpu anasɛ kɛdɔ lɛlɔ̃ huhu gɛ ayɛkɔ etsye Kpaya.

1 Tɛsolonianɛ 4:13

Badzya mɔ, bu dɛ pɛɛ sɛ tɛ no titi kibuinyɛbui odenɔ bagɛ be ti tsi nɛ shu, ɔdɔgɔsɛ tɛ no tsishu ansɛ banɔ gɔgɔɛ, gɛ kidzoenudidi ma kɔa lɛ.

1 Tɛsolonianɛ 4:15

Nɛ Apalete nɛ kibui ɖuɖɔ nɛ nu, bu tsre nɔ sɛ bulɔa gɛ ka lɛ nɛ ɛkpã, pɛ bu gɔ ɔdɔ nanɔ Apalete nɛ tɛbɛba, kɛgbɛagba mɛ nɛɛ bu tɛ ba putɔ kɔ bagɛ ti tsi.

1 Tɛsolonianɛ 4:17

Kɛlɛe de, bulɔ bagɛ aka lɛ nɛ ɛkpã pɛ ba gɔ be be vua lɛ aplɛnɔa lɛ nɛ ɔmunɔ nɛ mɛ ada tsyanɔ Apalete nɛ kɛlɛm. Klɛ kana lɔ ba za plɛnɔ Apalete nɛ ɔyɛkɔ vɛnɔ.

1 Tɛsolonianɛ 5:6

Kɛlɛ so, nɔ tɛ kɔ lɔ za ansɛ banɔ gɔgɔɛ, gɛ bedzi adɔ tra, pɔ nɔ kɔ lɔ za nɛ awɔ̃ nɛ ishuabhaŋɛŋa.

1 Timotio 2:6

gɛ ayɛkɔ yɛshu etsye ansɛ kɛbhɛ bubuya nɛ banɔdzyrame nɛ petee tɔkpu—gɛ ki dzi kibuimɔɖɔ nɛ kɛlɛ be dzyɔgo mɛ.

2 Timotio 2:11

Kibui tili gɛ la ba yɛkɛ kɛlɛa bha ŋa nɛ nɛɛ sɛ: Onu gɛ butsi plɛnɔ yɛ, bu ba za nɛ ɛkpã plɛnɔ yɛ;

Titusɛ 2:14

gɛ ayɛkɔ yɛ shu akɔ nɛ bulɔɛ tɔkpu sɛ tɛ ebu lɔ edenɔ kɛtɔkpum gɛganɛ petee mɛ tɛ epulu banɔ nɛ gɛ enu yɛnahwɛ ayɛ nɛ akɔ shu, gɛ ba pɛa sɛ tɛ ba bhɛtɛ kɛgɛ nu kɛdzyɔgo.

1 Petro 2:24

Kristo nahwɛ ayɛkɔ bulɔ ebuizizi nɛ akpɛ ishuidzya mɛ nɛ osi nɛ shu, sɛ tɛ bu ba tsi kɔ kizizi klɛ bu za nɛ ɛkpã kɔ kɛdzyɔgo bhɛbhɛtɛ, yɛ apɔ la kɔ sɛ bunya koeyi nɛ bulɔ shuimɛ.

1 Petro 3:18

Alasɛ Kristo etsi kɔ kizizi butsi tirikpo ko, kɔ banɔ dzyɔgo anɛ be zizi tɛ agbanɛ nɔ avɛnɔ Kpaya kɔ. Be yii yɛ nɛ ishuidzya mɛ pɔ ba bhɛtɛ yɛ alɛ nɛ ɛkpã ganɔ ɔfufɔɛ abha,