1 Tɛsolonianɛ 4:17 - ONUGBÙ NYƐNYÃ VUVƆ

¹⁷ Kɛlɛe de, bulɔ bagɛ aka lɛ nɛ ɛkpã pɛ ba gɔ be be vua lɛ aplɛnɔa lɛ nɛ ɔmunɔ nɛ mɛ ada tsyanɔ Apalete nɛ kɛlɛm. Klɛ kana lɔ ba za plɛnɔ Apalete nɛ ɔyɛkɔ vɛnɔ.

1 Tɛsolonianɛ 4:17 ပူးပေါင်းရင်းမြစ်များ

Mateo 26:64

Yesu ebu aɖɔ asɛ, “Ee, kɛlɛ ansɛ gɛ ɔɖɔ, pɔ itsre nɔ petee sɛ: Nɛ otugba mɛ nɔ bɔ mɔ Anɔdzyrame yɛ Eyi nɛ gɛ ezhidzi Agbɛgbladɛ nɛ kɛŋa mɛ gɛ aga ɔmunɔm aaba denɔ owũsise.”

Marko 14:62

Yesu ebui lɛ bunu asɛ, “Mɛnu Kristo.” “Klɛ nɔ bɔ mɔ Anɔdzyrame yɛ Eyi nɛ gɛ ezhiedzi Agbɛgbladɛ nɛ kɛŋam gɛ aaba denɔ ɔmunɔ nɛ mɛ nɛ owũsise.”

Yohanɛsɛ 12:26

Anɔ nɛ gɛ aba dɛ xɔɛ kɔ mɛ alasɛ tɛ aza mɛede, ɔkɛlɛ gɛ ɛlɛ, mɛ axwɛdɛ nɛ tsyɛ ɔkɛlɛ aba za. Mɛ Aka aba kpɛ agɛ adɛ xwɔɛ kɔ mɛ nɛ nyi nɛabha.

Yohanɛsɛ 14:3

Klɛ onugɛ ɛvɛ klɛ ɛda bala ɔzakɔ kɔ nɔ, Ɛba tsodzi ba klɛ ɛba gbanɛ nɔ vɛnɔ tɛ nɔ dɔ za mɛ ɔbha tɛ wunɔ tyɛ nɔ za ɔkɛlɛ gɛ ɛlɛ.

Yohanɛsɛ 17:24

“Aka, ɛpɛɛ sɛ bagɛ ɔkɔmɛ sɛ tɛ baza mɛ ɔbha nɛ ɔkɛlɛ gɛ ɛlɛ, klɛ tɛ ba mɔ kabhaŋɛŋa, kɛbhaŋɛŋa nɛ gɛ ɔkɔ mɛ alasɛ ɔdɛmɛnɔ mɛ flogo gɛ kanɔ bhɛbhɛtɛ ka kpɛesi.

Axwɛwɛwa 1:9

Gɛ Yesu aɖɔ ebuia nɛ beke, be be feke yɛ ewunɔ nɛ balɛ nahwɛ amɛ, klɛ ɔmunɔ obo kpu yɛ nɛ balɛ amɛ.

Axwɛwɛwa 8:39

Gɛ bede buni nɛm ekoeyi ko, klɛ Apalete nɛ Ɔfufɔɛ nɛ obo feke Flipo ɔshɛnɔ, klɛ anɔgbla na da mɔ Flipo ɔgakɔ, pɔ avɛ yɛ kidzo gɛga nɛa bha nɛ same mumɔ.

1 Kɔrintioanɛ 15:52

nɛ bulɔ amɛ futsitse, awɔ̃hu dɛda terikpo mɛ, nɛ kaxũlɛ̃ gɔgɔɛ bubɔɛ mɛ. Alasɛ kaxũlɛ nɛ kebe yi, ba ba nyɛmɛ be tsitsi matsɔmɔ matsɔmɔ, klɛ ba be tsyina bulɔ tɛzɛzaɛ mɛ.

2 Kɔrintioanɛ 5:8

Ɛɖɔ sɛ, idzyi lɛ bulɔ ahwɛ, klɛ bu ba pɛɛ sɛ tɛ bu koeyi nɛ ishuidzya nɛ mɛ klɛ tɛ bu daza kepi nɛ̀ Apalete.

Filipianɛ 1:23

Ɛwɔ kɛdɔ tɛbha nɛ shi: Ɛpɛɛ sɛ tɛ ɛshɛ klɛ tɛ ɛvɛ da za Kristo ɔbha, gɛ kɛlɛ lɛ nɛ pɛ̃ kɔ mɛ dɛ;

1 Tɛsolonianɛ 3:13

Kɔ yɛ agɛganɛ wɔnɔ idzyi sɛ tɛ kɛpɔ tɛ za nɔ shu tɛ wɔnɔ shu bhui nɛ bulɔ Kpaya anɛ Aka nɛ amɛ kibe lɛ gɛ bulɔ Apalete Yesu aba ba nɛ yɛ banɔ gɛ balɛ shu bhui nɛ petee.

1 Tɛsolonianɛ 4:15

Nɛ Apalete nɛ kibui ɖuɖɔ nɛ nu, bu tsre nɔ sɛ bulɔa gɛ ka lɛ nɛ ɛkpã, pɛ bu gɔ ɔdɔ nanɔ Apalete nɛ tɛbɛba, kɛgbɛagba mɛ nɛɛ bu tɛ ba putɔ kɔ bagɛ ti tsi.

1 Tɛsolonianɛ 4:18

Kɛlɛ so, nɔ yɛkɔ ebuianɛ ɔkpɛ ɔhaglɔ kemi nɔ.

1 Tɛsolonianɛ 5:10

Etsi nɛ bulɔɛ tɔkpu sɛ tɛ, onu gɛ bulɛnawɔ̃ o bu dɔ tra o, bu ba za ketsu mɛ nɛ yɛ.

2 Petro 3:13

Pɔ tɛ buyɛkɛ yɛ kibuiɖuɖɔlu nɛ nu budi otugba kɔ owũsise vuvɔ anɛ kesukpa vuvɔ, bupa kɔ kɛdzyɔgo bhɛbhɛtɛ.

Tɛbubukasɛ 1:7

Di! aaba nɛ ɔmunɔ, klɛ kɛwɔ̃hũ nyɛwɔ̃hũ ba mɔ yɛ, bagɛ ba shɔ yɛ dɔ nɛ tsyɛ, klɛ banɔ nɛ petee nɛ kesukpa nɛa bha nɛ ba za anhũdzɛdzam ɔkpɛ yɛ so. So kana kɛ ba za! Tɛlɛbɛlɛm.

Tɛbubukasɛ 11:12

Ɔkɛlɛ be nu olim toli gɛganɛɛ denɔ owũsise gɛ ɔɖɔ tsrea lɛ ɔsɛ, “Wu ba ɔkɛ̃.” Klɛ be wu avɛ owũsise nɛ ɔmunɔ nɛ mɛ, nɛ kibe lɛ gɛ bagɛ ba dɛ pɛa lɛ ne dzi edi asɛsɛ.

Tɛbubukasɛ 12:5

Adzɛ nɛ amɔ eyianyɛ, gɛ aba ŋa amadi nɛ peteea bha nɛ ɔɖa dzyãmgbɛ. Klɛ ba bhɛ anuvɔ ayɛkɔ ewunɔ avɛnɔ Kpaya ɔkɔ nɛ yɛ bukusiegbu nɛa bha.