1 Tɛsolonianɛ 4:11 - ONUGBÙ NYƐNYÃ VUVƆ

¹¹ Nɔ bhɛtɛ lɛ wɔnɔ tɛpɛpɛɛ sɛ tɛ nɔ za nɛ ɛkpã kɛdzyɛɛ, no di wɔnɔ nahwɛ kɛxwɛ amɛ, klɛ nɔ wa kɛxwɛ nɛ wɔnɔ ahwɛ, ansɛ gɛ butsre nɔ,

1 Tɛsolonianɛ 4:11 ပူးပေါင်းရင်းမြစ်များ

Marko 13:34

Edzi ansɛ anyɛ teli gɛ ekoeyi aavɛ, klɛ ayɛkɔ yɛ bupa nɛ akpɛ yɛ baxwɛdɛ nɛ ahwɛ, akanyaka nɛ yɛ kɛxwɛ, klɛ etsre agɛ eli kedunu na sɛ epo ɔkɛlɛ.

Axwɛwɛwa 18:3

klɛ gɛ alasɛ edzi anɔ gɛ edzu bugba ansɛ balɛ ana so, aza balɛ ɔbha awa kɛxwɛ aplɛnɔa lɛ.

Axwɛwɛwa 20:35

Nɛ kɛdɔnyɛdɔ gɛ ɛbhɛtɛ mɛɛ, ɛkasɛ nɔ sɛ ganɔ kɛxwɛ wɛwa gɛganɛɛ nɛ mɛɛ di nɛ lɔ ba na bagɛ ama alɛ ana nu plɛnɔ, anɛ Apalete Yesu nahwɛ nɛ ebui nɛ gɛ aɖɔ nɛ tɛbɛbaka sɛ: ‘Tɛyuyula kpasɛ tɛkukɔm dɛ tɛyɛyɛkɛ.’ ”

Romanɛ 12:11

No ti zhiesi nɛ kemikpɛkpɛm, pɔ nɔ nyɛna wɔnɔ ɔfufɔɛ mɛ kɛdzyɔgo nɛ ovunɔ, anɛ kɛxwɛdɛdɛm kɔ Apalete.

Romanɛ 15:20

Nɛ kibenyɛbe mɛ ki dzi mɛ tɛpɛpɛɛ sɛ tɛ ɛɖɔ kibuidzyɔgo nɛ ɔkɛlɛ gɛ be ke ti Kristo, sɛ tɛ ɛtɛ ba zɛ bhɔtrɔ anɔbhlatɔ kesikpɛkpɛa bha.

1 Kɔrintioanɛ 4:12

Bu wa axwɛ gɛganɛ nɛ bulɔ nahwɛ ahwɛ. Kibe nɔ nɛ gɛ ba ɖɔɛbui akpɛ lɔ, bulɔ bu yula; kibe lɛ gɛ bakpatɔnɔ lɔ, bu za kɛlɛ nu;

2 Kɔrintioanɛ 5:9

So bu yɛkɔ trɔ bulɔ shu sɛ bu babhɛtɛ tɛ kiku yɛ awɔ̃, kɛbɛlɛmɛ sɛ kepi lɔ lɛ nɛ ishuidzya mɛ pɛnɔ bu koeyi nɛ lɛ mɛ.

Efesoanɛ 4:28

Anɔ nɛ gɛ ezuru ete zuru, pɔ awa kɛxwɛ, ayɛkɔ yɛ ɛhwɛ aza bhɛtɛ kɛdɔ dzyɔgo tili nɔ, tɛ amɔ kɛdɔ tili tɛ aba ya kɔ anɔ nɛ gɛ apɛɛ dɔ.

1 Timotio 2:2

alasɛ bekusi anɛ banɔ nɛ petee gɛ kabhaŋɛŋa lɛ balɛ ahwɛ, sɛ bu ba za nɛ ishuyuyɔm anɛ tɛdudɔsɛ̃ɛ ɛkpã anɛ kpayamɛzɛza anɛ ishubhubhui mɛ petee.

1 Timotio 5:13

Kɛɛlɛ nɛe de, be be tsoku ayekpɛkpɛ mɛ, klɛ la ba za nyɔkana nɛ bupaa nɛ mɛ avɛ bunɛ nɛ mɛ. Klɛ ganɛ sɛ be be dzi ba vuvɔ ko, pɔ be be dzi banɔ gɛ ba ɖɔ ɔhayɛ shuibui tsyɛ klɛ la ɖɔ ebui nɛ gɛ ama sɛ tɛ ba ɖɔ.

Titusɛ 3:14

Alasɛ tɛ bulɔkɔayɛ nɛ bakpasɛ kana gɛ ba ba yɛkɔ ishu akɔ nɛ kɛdzyɔgo tɛbhɛbhɛtɛ mɛ, sɛ tɛ ba bhɛtɛ kiwinyɛwi kɛdɔ bhɛbhɛtɛ tɛ ba tɛ za nɛ ɛkpã nɛ gɛ kɛdɔnyɛdɔ tɛ ba de kɛlɛ mɛ koeyi.

1 Petro 3:4

Kɛlɛmaza, kɛbadzi kɛ gɛ de wunɔ nahwɛ mɛ, bubite gɛ butɛ xule ishunyɛnyɛna anɛ̀ ishuvuvu ɔfufɔɛ, gɛ kɛ nu kedziŋɛŋa gbɛgbla nɛ Kpaya amɛ.

1 Petro 4:15

Onugɛ nɔ mɔ butɔ, kɛtidzi anasɛ agɛ eyianɔ pɛnɔ ezi pɛnɔ ebuikpã bhlatɔ bhɛbhɛtɛ pɛnɔ ɔdɛsɛ anɔ gɛ akpɛ onugbu nɛ anɔ bhlatɔ kibuimɛ.