1 Tɛsolonianɛ 3:6 - ONUGBÙ NYƐNYÃ VUVƆ

⁶ Pɔ otsiko Timotio ede nɔ bha ebe ku bulɔ bha klɛ amɛna kibui dzyɔgo edenɔ wɔnɔ tɛyɛyɛkɛŋa anɛ tɛɖuɖɔ shu. Eti tsre lɔ asɛ nɔɔ baka lɔ bui mɔmɔ kibenyɛbe klɛ nɔ pɛ sɛ tɛ nɔ mɔ lɔ, ansɛ gɛ bulɔ tsyɛ pɛ sɛ tɛ bu mɔ nɔ.

1 Tɛsolonianɛ 3:6 ပူးပေါင်းရင်းမြစ်များ

Axwɛwɛwa 16:1

Paolo ebe ku Dɛbi klɛ afla vɛ Listra, ɔkɛlɛ adɔkpasɛ teli gɛ be klua sɛ Timotio aza, yɛeni edzi Yuɖadzi teli gɛ ayɛkɛaŋa, pɔ yaka nɛ edzi Grikieyi teli.

Axwɛwɛwa 18:1

Nɛ kɛlɛe de, Paolo ashɛ̃ nɛ Atensɛ klɛ avɛ Kɔrintio.

Axwɛwɛwa 18:5

Gɛ Silas anɛ Timotio ede Makedonia aba, Paolo ayɛkɔ kibuinɛ tɛɖuɖɔ atrɔ shu, klɛ ebu akasɛ Yuɖanɛ na sɛ Yesu yɛ enu Kristo.

1 Kɔrintioanɛ 11:2

Ɛkpɛ nɔ nyinɛabha gɛ nɔ baka mɛ bui nɛ kɛkanyaka mɛ klɛ mɛ nyɛna kɛdɔkɛkasɛ nɛ mɛ vunɔ, anasɛ gɛ ɛyɛkɔ kpɛ nɔ ahwɛ.

1 Kɔrintioanɛ 13:13

Klɛ ɔtsɔ̃nɛ ebui tata ala gɔ: tɛyɛyɛkɛŋa, kidzoenudidi anɛ tɛdɛdɛmɛnɔ. Pɔ kɛ gɛ tridɛ nɛ alɛ mɛ kɛlɛ nu tɛdɛdɛmɛnɔ.

Galatianɛ 5:6

Alasɛ nɛ Kristo Yesu mɛ bebhui bunyɛnyɛ kɔ wɔ pɛnɔ bedi bhui bunyɛnyɛ kɔ wɔ kɛdi nu kibuinyɛbui. Kɛlɛ tirikpo gɛ klu bui kɛlɛ nu tɛyɛyɛkɛŋa gɛ kɛ waɛxwɛ ganɔ tɛdɛdɛmɛ abha.

Filipianɛ 1:8

Kpaya ya ba na ɖɔ kana gɛ ɛbaka nɔɛ bui nɛ Kristo Yesu tɛɖuɖɔ nɛ.

Koloseanɛ 1:4

alasɛ bu nu wɔnɔ tɛyɛyɛkɛŋa nɛ Yesu Kristo mɛ anɛ̀ tɛdɛdɛmɛ gɛ nɔ kɔ kpayabanɔ petee—

Koloseanɛ 4:18

Mɛ, Paolo, ɛŋlɔmɛ tɛsɛsɛnɔɛ nɛ mɛnahwɛ ɔhwɛ. Nɔ baka mɛ buɖɛ kpɛkpɛ. Ɛyamyuyɔ za plɛnɛ nɔ.

1 Tɛsolonianɛ 1:3

Bu lɛ kɛlɛa bha baka nɔ nɛ bulɔ Kpaya anɛ Aka nɛ amɛ wɔnɔ kɛxwɛwɛwa nɛ gɛ tɛyɛyɛkɛŋa bhɛtɛ, wɔnɔ kɛxwɛwɛwa nɛ gɛ tɛɖuɖɔ mɛna, anɛ wɔnɔ kanyɛtsitsi nɛ gɛ ka ba denɔ kidzoenudidi mɛ anɛ bulɔ Apalete Yesu Kristo mɛ.

1 Tɛsolonianɛ 2:17

Pɔ, badzya mɔ, gɛ ba pɔ lɔ nɛ wɔnɔ shu nɛ kibe bhli mɛ (ansɛ anɔana, ganɛ nɛ kɛtɔkpum bhɛbhɛtɛ), nɛ bulɔ tɛpɛpɛ gɛganɛɛ shu bu bhɛtɛ kɛkanyakaɛ di sɛ tɛ bu mɔ nɔ.

1 Tɛsolonianɛ 2:9

Badzya mɔ, ɛyɛkɛŋa sɛ nɔɔ baka, bulɔ baatɔ nɛ ebuigɛganɛ nɛ mɛ; bu wa kɛxwɛ elishi anɛ kemuze sɛ tɛ bu tɛ dzi kituku kɔ nɔ nɛ kibe lɛ gɛ bu ɖɔ Kpaya kibuidzyɔgo nɛ tsre nɔ.

1 Tɛsolonianɛ 3:7

Kɛlɛ so, badzya mɔ, nɛ bulɔ batɔ anɛ tɛkpɛkpatɔnɔ nɛ mɛɛ ba kpɛ lɔ kemi nɛ wɔnɔ shu akpɛ wɔnɔ tɛyɛyɛkɛŋa nɛ so.

2 Tɛsolonianɛ 1:3

Alasɛ kibenyɛbe tɛ bu zɛ hu Kpaya ahwɛ nɛ wɔnɔɛ tɔkpu, badzya mɔ, klɛ kana kɛ lɛ, alasɛ wɔnɔ tɛyɛyɛkɛŋa nɛ kii she trɔ, klɛ tɛɖuɖɔ nɛ gɛ lɛ anɔnyanɔa hwɛ kɔ yɛɔhayɛ nɛɛ she trɔ.

1 Timotio 1:5

Ɔshã nɛ tɛtutrɔ yɛ kɛlɛ nu tɛɖuɖɔ, gɛ kii de idzyi gɛ ebhui mɛ anɛ ishumdɛdanɛ dzyɔgo nɛ tɛyɛyɛkɛŋa gɛganɛ.

2 Timotio 1:3

Ihu Kpaya nɛ gɛ yɛ mɛ wa kɛxwɛ kɔ nɛ ahwɛ, ansɛ gɛ makashihealɛ nɛ ba bhɛtɛ, nɛ idzyim dɛdanɛ mɛ, ansɛ gɛ ɛbaka wɔɛbui nɛ mɛ kpayakuklum elishi nɛ kemuze.

Filimɔnɛ 1:5

alasɛ inu wɔ tɛyɛyɛkɛŋa anɛ Apalete Yesu nɛ wɔ tɛɖuɖɔ kɔ kpayabanɔ nɛ petee.

Hebriuanɛ 13:3

Nɔ baka bagɛ ba kpɛ bevu anasɛ wɔnɔ na lɛ bakpɛ buvu, ganɛ bagɛ ba tɛ bhɛtɛ alɛ mɔmɔ anasɛ wɔnɔnahwɛ ba kpɛ butɔ ana.

Hebriuanɛ 13:7

Nɔ baka wɔnɔ otugbanɔ gɛ aɖɔ Kpaya ebhui nɛ etsre nɔ. No vu awɔ̃hu nɛ balɛ ɛkpã gɛ baza nɛ shu tɛ nɔ kpasɛ balɛ tɛyɛyɛkɛŋa.

1 Yohanɛsɛ 3:23

Klɛ kɛnɛ kɛlɛ nu yɛ ɛshã: tɛ bu yɛkɛŋa nɛ yɛ Yi Yesu Kristo nyimɛ, klɛ tɛ budɛmɛnɔ bulɔhaglɔ anasɛ gɛ akɔ lɔ ɔshã.