1 Tɛsolonianɛ 3:3 - ONUGBÙ NYƐNYÃ VUVƆ

³ sɛ tɛ be ti be bu anɔnyanɔ ebho ganɔ tɛfifekedi nɛ mɛ. No nyi mɔmɔ sɛ ba bhɛtɛ lɔ akɔa lɛ.

1 Tɛsolonianɛ 3:3 ပူးပေါင်းရင်းမြစ်များ

Luka 21:12

“Pɔ flogo gɛ anɛ nɛ petee aba ba, ba be vu nɔ klɛ ba ba yɛkɔ nɔ akpɛ ahwɛ. Ba ba yɛkɔ nɔ akɔ bebhuiklu nɛ oxogokɔvu nɛ mɛ klɛ la ba kpɛ nɔ vu, klɛ la ba gbanɛ nɔ vɛnɔ bekusi nɛ̀ ba mani nɛ ɔkɔ nɛ mɛ nyi nɛ tɔkpu.

Yohanɛsɛ 16:2

Ba be bu nɔ nɛ oxogokɔvu nɛ mɛ, kɛgbɛagba, kibe ba gɛ anɔnyanɔ gɛ eyi nɔ aba yɛ kɔ sɛ adɛ xwɛ kɔ Kpaya.

Yohanɛsɛ 16:33

“Itsre nɔ ebuianɛ, sɛ tɛ nɔ yɛkɛ ishuyuyɔ. Nɛ kanɔa nɛ mɛ nɔ bɔ mɔ butɔ. Pɔ nɔ vu idzyi kpɛ te! Ɛŋa kanɔ nɛabha.”

Axwɛwɛwa 14:22

nɛ bugɛganɛ kpɛkpɛ badɔkpasɛ anɛ kemi zɛza sɛ tɛ ba nyɛna kabhayɛyɛkɛŋa nɛm nɛ kɛgba. Baɖɔ sɛ, “Kɛ lɛ sɛ tɛ bu ga ebui gɛganɛ mɛ fla sɛ tɛ bu tsoku Kpaya bukusi ɔŋakɔ nɛm.”

Axwɛwɛwa 2:25

Daviti aɖɔ edenɔ yɛ shu asɛ: “ ‘Ɛmɔ Apalete nɛ kibenyɛbe nɛ mɛ amɛ. Alasɛ alɛ mɛ kɛŋa ahwɛmɛ, Ɛtɛ ba hwa.

Axwɛwɛwa 21:11

Gɛ ebe ku blɔ bha, ayɛkɔ Paolo ɔdzadi, klɛ ayɛkɔ anya yɛnɛahwɛ ɛtsrɛ nɛ ɛhwɛ klɛ aɖɔ asɛ, “Ɔfufɔɛ Dzyɔgo nɔ ɖɔ sɛ, ‘Kana Yuɖanɛ nɛ Yerusalɛm aba nya ɔdzadi elete klɛ la ba yɛkɔ akpɛ ahwɛ kɔ bagɛ be di nu Yuɖanɛ.’ ”

Axwɛwɛwa 21:13

Ɔkɛlɛ Paolo ebu klɛ nu asɛ, “Kide so pɛ no bi klɛ nɔ yɛɛ mɛ idzyi kana? Ganɛ tɛnyɛnya tite ko mɛ ɛlɛ kɔ, pɔ ɛlɛ kɔ tɛtsitsi nɛ Yerusalɛm tsyɛ ɔkpɛ Apalete Yesu kinyi nɛ so.”

Axwɛwɛwa 9:16

Ɛba kasɛ yɛ kana gɛ kɛ lɛ sɛ tɛ atɔ ebunɔ nɛ mɛ kinyi nɛ tɔkpu.”

Romanɛ 5:3

Ganɛ kana tite ko, pɔ bu mɔ same nɛ bulɔ baatɔ nɛ mɛ tsyɛ, alasɛ bu nyi sɛ butɔ bhɛtɛ kanyɛtsitsi;

1 Kɔrintioanɛ 15:58

Kɛlɛso, mɛ badzya mumɔa, nɔ za nɛ awɔ̃ gɛganɛ. Nɔ tɛkɔ kɛdɛnyɛdɔ ge nɔ. Kibenyɛbe nɔ yɛkɔ wunɔ ishu kɔ bui bhɛbhɛtɛ kɔ Apalete nɛ kɛxwɛ, alasɛ nɔ nyi sɛ wɔnɔ kɛxwɛwɛwa anɛ́ Apalete nɛ mɛ kɛtɛ ba dzi kɛkpɛkpa.

1 Kɔrintioanɛ 4:9

Alasɛ kɛkasɛ mɛ sɛ Kpaya atrɔ lɔ bakpɛkpɛ nɛ tɛbubukasɛ nɛ tɛzɛza nɛ́ obekekɔ, anasɛ banɔ gɛ bebhui butsipɔ kɔ sɛ tɛ be tsi nɛ bawɔfu ɔwɔkɔ. Babhɛtɛ lɔ kɛdɔmumɔ kɔ kanɔ petee, kɔ baxwɛdɛ ɔyɛkɔ plɛnɔ banɔ.

Efesoanɛ 3:13

Kɛlɛso, ibisi denɔ wɔnɔ kɔ sɛ, nɔ tɛkɔ idzyi ekoeyi nɛ wɔnɔɛ kite mɛ alasɛ butɔ nɛ gɛ ɛtɔ nɛ wɔnɔɛ tɔkpu, kɛ nu wɔnɔ tɛkpɛkpɛ nɛabha.

Filipianɛ 1:28

kifu masimasi maza kɛlɛ mɛ nɛ kidzonyɛdzo abha anɛ bagɛ ba lɔɛ titi nɛ wɔnɔ shu. Kɛ nɛ kɛlɛ nu kɛdɔmumɔ kɔ alɛ sɛ ba be zi alɛ, pɔ sɛ ba be bhui nɔ ayɛkɛ—klɛ Kpaya aba kɔ nɔ ŋa kabha.

Koloseanɛ 1:23

onugɛ nɔ za wɔnɔ tɛyɛyɛkɛŋa abha, nɔ kpɛ kɛdɔesi nɛ́ tɛgɛganɛ, nɔ ti koeyi nɛ kidzoenudidi gɛ nɔ nyana nɛ kibui dzyɔgo nɛ mɛ. Kɛnɛ kɛlɛ nu kibui dzyɔgo gɛ nɔ nu klɛ kidzi kɛgɛ ba ɖɔ kɔ kɛdɔnyɛdɔ gɛ kɛ lɛ owũsise nɛesi, klɛ Mɛ, Paolo, ɛba dzi axwɛdɛ.

1 Tɛsolonianɛ 5:9

Alasɛ Kpaya edi bu lɔ sɛ bu ba tɔ nɛ yɛ obuloe si, pɔ tɛ bu yɛkɛ tɛbubu ganɔ bulɔ Apalete Yesu Kristoa bha.

2 Tɛsolonianɛ 1:4

Kɛlɛ so, nɛ Kpaya busɔlɛha nɛɛ shi bu feke shu nɛ wɔnɔɛ kɛxwɛ gɛganɛ wɛwa anɛ tɛyɛyɛkɛŋa nɛ gɛ lɛ nɔ ahwɛ nɛ tɛkpɛkpatɔnɔ anɛ tɛfifekedi nɛ mɛ gɛ nɔɔ ga.

2 Timotio 1:8

So nɛɛ, tɛ si kɛwɛ̃ nɛ kibuimumɔɖɔ denɔ bulɔ Apalete nɛ shu, ɔdɔgɔsɛ osi kɛwɛ̃ nɛ mɛ yɛ evuza nɛ shu. Pɔ plɛnɔ mɛ nɛ kibuidzyɔgo anɛ butɔ nɛ mɛ, ganɔ Kpaya kemi mɛ,

1 Petro 2:21

Kɛnɛ nɛ so gɛ be klu nɔ, alasɛ Kristo amɔ butɔ nɛ wũnɔɛ tɔkpu, klɛ abhɛtɛ dɔ akasɛ elu kɔ nɔ sɛ tɛ nɔ za yɛ ɛtsrɛ bubuede.

Tɛbubukasɛ 2:10

Ti si kifu nɛ butɔ nɛ gɛ ɔbɔ mɔ. Itsre wɔ, ɔfufɔɛkpã nɛ ɔbɔ yɛkɔ wɔnɔ beteli ɔkpɛ buvu sɛ tɛ lo feke nɔ odi, klɛ nɔ bɔ tɔ nɛ tɛkpɛkpatɔnɔ mɛ nɛ ewi lɔfɔ mɛ. Nɔ za tɛyɛyɛkɛŋa mɛ, ɔyɛkɔ ɔdɔ nanɔ butsi fãa, klɛ mɛ ba kɔ wɔ ɛkpã kabhaŋɛŋa kikutu.

Tɛbubukasɛ 2:13

Inyi ɔkɛlɛ gɛ ɔlɛ— ɔkɛlɛ gɛ Satana bukusiegbu nɛ alɛ. Tsyɛ pɛ ɔlɛ nɛ kɛgba mɛ nɛ mɛ nyi mɛ. Ɔdɛ shɛ̃nahwɛ wɔ tɛyɛyɛkɛŋa nɛ mɛmɛ, nɛ Antipasɛ kibe nɛ mɛ tsyɛ, mɛ ebuimɔɖɔ gɛ tɛyɛyɛkɛŋa lɛ yɛahwɛ, gɛ be yi nɛ wɔnɔ ɔmagbla nɛmɛ—nɛ ɔkɛlɛ gɛ Satana alɛ.