1 Tɛsolonianɛ 3:13 - ONUGBÙ NYƐNYÃ VUVƆ

¹³ Kɔ yɛ agɛganɛ wɔnɔ idzyi sɛ tɛ kɛpɔ tɛ za nɔ shu tɛ wɔnɔ shu bhui nɛ bulɔ Kpaya anɛ Aka nɛ amɛ kibe lɛ gɛ bulɔ Apalete Yesu aba ba nɛ yɛ banɔ gɛ balɛ shu bhui nɛ petee.

1 Tɛsolonianɛ 3:13 ပူးပေါင်းရင်းမြစ်များ

Mateo 25:31

“Onu gɛ Anɔdzyrame yɛ Eyi nɛ aaba nɛ yɛ ishu bhuibhui mɛ, pɛ yɛ baxwɛdɛ nɛ peteea lɛ aplɛnɔ yɛ, ebe zhiza yɛ bukusiegbu nɛa bha nɛ owũsise nɛ ishu bhuibhui mɛ.

Marko 8:38

Onu gɛ mɛ anɛ kibui nɛ ba ku anɔ teli kɛwɛ̃, nɛ aglɔbui anɛ buzizi kanɔa nɛ mɛ, klɛ anɔɔ nɛ tsyɛ ebe ku Anɔdzyrame yɛ Eyi nɛ kɛwɛ̃ onu gɛ ebe ku nɛ yɛ Aka nɛ kabhakpɛkpɛ mɛ ɔplɛnɔ kpayaxwɛdɛ nɛ gɛ balɛ shu bhui.”

Luka 1:6

Banɔ edi tabha nɛ dzi banɔ dzyɔgo nɛ Kpaya amɛ, ba bhɛtɛ atrɔ Apalete nɛ ɛshã nɛ tɛtɛtrɔ nɛabha amɛ makamaka.

Romanɛ 14:4

Anee onu gɛ obo kulu kebhui nɛ anɔ teli yɛ axwɛdɛ? Yɛ nahwɛ apalete amɛ aba na ɔdɔgɔsɛ aba wɔlɛ. Klɛ aba za na, alasɛ Akagbla nɛ aba na yɛ bhɛtɛ sɛ tɛ ana.

Romanɛ 16:25

Ɔtsɔ̃, kɔ anɔ nɛ gɛ yɛ ana wɔnɔesi dzu ganɔ mɛ kibui dzyɔgo nɛ Yesu Kristo kibui nɛ tɛbubuɖɔ, anɛ ebuikpukpu tɛbubukasɛ gɛ ekpu agɔagɔ gɛ atɛ ba fla nɛ nu,

1 Kɔrintioanɛ 15:23

Pɔ anɔnyanɔ nɛ yɛ kibe, Kristo eyuyu tɛtɔpu, kɛlɛede, kibenɔ nɛ gɛ aba ba, aba gbanɔ ba gɛ benu yɛ ayalɛ.

Galatianɛ 1:4

agɛ ayɛkɔ yɛnahwɛshu akɔ kɔ bulɔ ebuizizi tɔkpu sɛ tɛ ebu lɔ denɔ ɔtsɔ̃nɛ kanɔ zizia nɛ mɛ, anɛ́ bulɔ Kpaya anɛ̀ Aka nɛ́ tɛpɛpɛɛ nu,

Efesoanɛ 5:27

klɛ tɛ ayɛkɔ yɛ akɔ yɛnahwɛ anasɛ busɔlɛɔha gɛ ɔpudi, gɛ kibo ɔdɔgɔsɛ tɛlɛlayɛ ɔdɔgɔsɛ kɛpɔ bubu kɔ anɔ bhlatɔ kanyaka shu, pɔ ishubhui anɛ kɛpɔ maŋa maŋa.

Filipianɛ 1:10

sɛ tɛ nɔ bɔ na kɛdzyɔgo nɛ ɔmɔobu gɛ kɛpɛ dɛ gɛ tɛtsitsrenɔ tɛ ba za ɔdɔtɔnɔ Kristo kiwi nɛa bha,

Koloseanɛ 1:22

Pɔ ɔtsɔ̃nɛ abhɛtɛ terikpo nɛ nɔ nɛ́ Kristo ishuidzya nahwɛ ɔganɔ butsi tɛ akɔ nɔ shu bhui nɛ yɛ amɛ, kɛpɔ mabumabu klɛ tɛ batɛ mɔ kizizi nɛ wɔnɔ shu—

1 Tɛsolonianɛ 2:19

Alasɛ kɛgɛ nu bulɔ kidzoenu didi, bulɔ same, ɔdɔgɔsɛ bukusikutu nɛm gɛ bu ba za nɛ ishubhubhui anɛ bulɔ Apalete Yesu nɛ amɛ onu gɛ aaba? Ganɛ wɔnɔ?

1 Tɛsolonianɛ 3:11

Ɔtsɔ̃ kɔ bulɔ Aka anɛ Kpaya nahwɛ anɛ bulɔ Apalete Yesu adanɛ kidzo kɔ lɔ sɛ tɛ bu ba wɔnɔ ɔbha.

1 Tɛsolonianɛ 3:2

Bu kpɛ Timotio, gɛ enu bulɔadzya nɛ Kpaya axwɛwa bhla nɛ Kristoebui nɛ tɛkɛkɛka mɛ, tɛ abhɛtɛ nɔ tɛ nɔ gɛganɛ tɛ akpɛ nɔ kemi nɛ nɔ tɛyɛyɛkɛŋa nɛ mɛ,

1 Tɛsolonianɛ 4:15

Nɛ Apalete nɛ kibui ɖuɖɔ nɛ nu, bu tsre nɔ sɛ bulɔa gɛ ka lɛ nɛ ɛkpã, pɛ bu gɔ ɔdɔ nanɔ Apalete nɛ tɛbɛba, kɛgbɛagba mɛ nɛɛ bu tɛ ba putɔ kɔ bagɛ ti tsi.

1 Tɛsolonianɛ 4:17

Kɛlɛe de, bulɔ bagɛ aka lɛ nɛ ɛkpã pɛ ba gɔ be be vua lɛ aplɛnɔa lɛ nɛ ɔmunɔ nɛ mɛ ada tsyanɔ Apalete nɛ kɛlɛm. Klɛ kana lɔ ba za plɛnɔ Apalete nɛ ɔyɛkɔ vɛnɔ.

1 Tɛsolonianɛ 5:23

Kɔ Kpaya nahwɛ, ishuyuyɔ Kpaya, adanɛ nɔ shu avɛnɔ etsodzini avɛnɔ. Kɔ wɔnɔ ɔfuɔɛ nɛ petee, kɛtɔwi anɛ ishuidzya nɛ za kɛpɔ maŋa maŋa mɛ nɛ bulɔ Apalete Yesu Kristo tɛbɛba mɛ.

2 Tɛsolonianɛ 1:10

nɛ kiwi nɛa bha gɛ aba ba sɛ tɛ ba kpɛ yɛ same nɛ yɛ banɔ dzyɔgo nɛ mɛ klɛ aba bhɛtɛ kibi nɛ bagɛ ba tɛ yɛkɛ aŋa nɛɛ shi. Wɔnɔ tsyɛ ɔbɔ za kɛlɛ mɛ, alasɛ nɔ yɛkɛ bulɔ kibuimɔɖɔ nɛa bha ɔŋa.

2 Tɛsolonianɛ 1:7

klɛ aba kɔ wɔnɔagɛ nɔ tɔ nɛ bumuene, klɛ kɔ bulɔ tsyɛ. Kibui nɛ ba ba kɛlɛ mɛ nɛ kibe lɛ gɛ be be bu Apalete Yesu nɛ akasɛ denɔ kifu ɔlɛklɛmɛ nɛ mɛ nɛ owũsise ɔplɛnɔ yɛ kpaya baxwɛdɛ gɛganɛ.

2 Tɛsolonianɛ 2:1

Nɛ bulɔ Apalete Yesu Kristo tɛbɛba nɛ shu anɛ bulɔ tɛxuxogo vɛnɔ yɛ ɔbha, bu tsre nɔ, badzya mɔ,

Yakobo 5:8

Wɔnɔ tsyɛ, nɔ dɔ fɔ̃ɔ tɛ nɔ za gɛganɛ, alasɛ Apalete nɛ tɛbɛba tsuu ba.

1 Petro 5:10

Klɛ ɛyamyuyɔ petee Kpaya, gɛ eklu nɔ avɛnɔ yɛ mabekemabeke ishubhubhui nɛ́ Kristoe mɛ, nɛ kɛlɛede gɛ nɔ mɔ butɔ nɛ kibe bhliyi mɛ, yɛnahwɛ ebe tsodzi wũnɔ dzu kititi klɛ aba kɔ nɔ gɛganɛ, mɔmɔ klɛ nɔ bɔ dzu ishuesi.

Yuɖa 1:14

Ɛnɔkɛ, egigenemi denɔ Aɖamu abha, aɖɔɛbuielu denɔ banɔa nɛ shu asɛ: “Di, Apalete nɛ aaba nɛ yɛ banɔ nɛ gɛ balɛ shu bhui nɛ akpã akpã mɛ

Yuɖa 1:24

Kɔ anɔ nɛ gɛ anyɛna wɔnɔ evunɔ sɛ nɔ tɛ bɔ wɔlɛ klɛ tɛ ayɛkɔ nɔ akpɛ ahwɛ nɛ yɛ tɛzɛzamɔmɔ amɛ, butsutsɔmɔ maza kɛlɛ mɛ anɛ samemumɔ gbla—