1 Tɛsolonianɛ 2:4 - ONUGBÙ NYƐNYÃ VUVƆ

⁴ Kɛɛlɛ nɛ mazɛ lɛ mɛ, bu ɖɔaɖɔ anasɛ banɔ gɛ Kpaya atrɔahwɛ bulɔa bha pɛ ba ba yɛkɔ kibuidzyɔgo nɛ akpɛ bulɔ ahwɛ. Bu tɛ bhɛtɛ sɛ tɛ bu ku banɔ awɔ̃ pɔ Kpaya, gɛ eefeke bulɔ idzyi nɛ mɛ edi.

1 Tɛsolonianɛ 2:4 ပူးပေါင်းရင်းမြစ်များ

Luka 12:42

Apalete ebu shunu asɛ, “Ane ɔtsɔnɛ gɛ enu ebuiti nɛ axwɛdɛdɛ mɛ nɛ gɛ ba bayɛkɛ yɛabhaŋa, gɛ apalete nɛ ayɛkɔ edzu yɛ baxwɛwa nɛ nu tɛ akɔ alɛ kɛdɔŋɛŋa kɔba nɛ́ kibe dzyɔgo?

Luka 16:11

So onugɛ ba dɛ yɛkɛ wɔ abhaŋa nɛ kanɔɛmɛ ehoeyi abha didi, anɛ yɛ aba yɛkɛ wɔ abhaŋa nɛ ehoeyi gbɛagba?

Yohanɛsɛ 21:17

Butramɛ aza ɖɔ tsre asɛ, “Simɔnɛ Yohanɛsɛ yɛ eyi, ɔdɛmɛ mɛ bui xã?” Kɛ puɛ Petro alasɛ butramɛ nyɔ na gɛ Yesu ebisi yɛ bui nɛ sɛ, “Ɔdɛmɛ mɛ bui?” Aɖɔ sɛ, “Apalete, ɔnyi ebui nɛ petee; onyi sɛ ɛdɛmɛ wɔɛ bui.” Yesu aɖɔ sɛ “Kɔ mɛ ibhoshi nɛ kɛdɔŋɛŋa.

Romanɛ 8:27

Klɛ agɛ ya nyɔ bulɔ idzyi nɛ mɛ enyi Ɔfufɔɛ nɛ tɔkpum, alasɛ Ɔfufɔɛ nɛ ovuibue nɛ banɔnɛna nɛ tɔkpu nɛ Kpaya tɛpɛpɛ nu.

1 Kɔrintioanɛ 7:25

Ɔtsɔ̃nɛ nɛ badzɛ gɛ be ke ti anyɛa pɛ mɛ: Kabhaŋɛŋa ka ma mɛ ahwɛ denɔ Apalete nɛ ɔkɔ, pɔ ikulu kebhui ansɛ anɔ gɛ ganɔ Apalete nɛ eshutukubui didi mɛ ana gɛ ba ba yɛkɛ yɛa bha ŋa.

1 Kɔrintioanɛ 9:17

Onugɛ ɛɖɔ kibui dzyɔgo nɛ faã, kɛbhɛ lɛ kɔ mɛ; kɛɛ ma kana, mɛ kɛxwɛ gɛ bakpɛ mahwɛ kɛlɛ ko mɛ wa.

2 Kɔrintioanɛ 2:17

Bulɔ bu tɛ dzi anasɛ banɔ gelee, bu tɛ yɛkɔ Kpaya buiɖɛɖɔ akpɛ anasɛ kedzigɛga sɛ tɛ bu mɔ trɔ. Kɛlɛlɛ nɛede, nɛ Kristoe mɛ bu ɖɔaɖɔ nɛ Kpaya amɛ anɛ kɛdzyɔgo bhɛbhɛtɛ, anasɛ banɔ gɛ ba kpɛ denɔ Kpaya kɔ.

2 Kɔrintioanɛ 4:2

Nɛlɛede bu shɛnahwɛ ebui kpukpu anɛ̀ kɛwɔɛ̃ edzo nɛ shu lu, bu tɛyɛkɔ anɔ wuwɔɛ ebui, ɔdɔgɔsɛ bu tsyina Kpaya bui. Kɛlɛmaza, ganɔ kɛgbɛagba kɛkasɛ wee bulɔnahwɛ bu trɔ ahwɛ kɔ anɔnyanɔ bui bhɛbhɛtɛ nɛ Kpaya amɛ.

2 Kɔrintioanɛ 5:11

Denɔ, kibelɛlɛ, bu nyi kɛdɔnɔ gɛ nu kɛfusisi nɛ Apalete nɛ shu, bu wlãnkɛ tɛ bu wɔɛ banɔ nu. Kɛdɔnɔ gɛ bu nu Kpaya enyi lɛ wee, klɛ idi kidzoenu sɛ nɔ nyi lɛ wee nɛ wunɔ shuimɛ.

2 Kɔrintioanɛ 5:16

Kɛlɛso denɔ ɔtsɔnɛ ɔvɛnɔ butɛ ka yɛkɔ anɔ bui denɔ kanɔanɛ mɛ dɔ didi wa kɛxwɛ nɔ. Kɛlɛlɛmɛ sɛ bu yɛkɔ Kristo nɛ kidzoɛ nɛabha, bu tɛ ka bhɛtɛ alɛlɛ.

Galatianɛ 1:10

Ɔtsɔ̃nɛ ɛwlãnkɛ sɛ ɛmɔ ahwɛ tɛtrɔ denɔ banɔ kɔ pɛnɔ Kpaya kɔ? Pɛnɔ ɛwlãkɛ sɛ tɛ ɛku banɔ awɔ̃? Onugɛ ɛka wlãnkɛ sɛ tɛ ɛku banɔ awɔ̃, ɛtɛba dzi Kristo axwɛwa.

Galatianɛ 2:7

Nɛ kɛlɛ maza, ba mɔ sɛ ba yɛkɔ kibui dzyɔgo ɖɛɖɔ kɛxwɛ akpɛ mɛ ahwɛ kɔ ba gɛ be dinu Yuɖanɛ, anasɛ gɛ Petro aza kɔ Yuɖanɛ.

Efesoanɛ 3:8

Kɛlɛ anasɛ enu ebhliyi dɛ Kpaya banɔ bhliyi, yɛ kɛdɔ kuku ba kɔ mɛ: sɛ tɛ ɛɖɔ kibui dzyɔgo nɛ kɔ bagɛ bedinu Yuɖanɛ Kristo kedziŋɛŋa gɛ ɔtɛ bɔ pɛɛɔ mɔ,

Efesoanɛ 6:6

Nɔ talɛ atɔ ganɛ sɛ tɛ bayɛkɛ wɔnɔabhaŋa nɛ kibelɛlɛ gɛ balɛ awɔ̃hu tsri ɛnɔabha, pɔ anasɛ Kristo banɔ dzidzi, gɛ nɔ bhɛtɛ Kpaya tɛpɛpɛɛ denɔ wɔnɔ idzyi mɛ.

Koloseanɛ 3:22

Banɔdzidzi, nɔ tatɔ nɛ wɔnɔ bapalɛte nɛ kibuinyɛbui mɛ, klɛ tɛ nɔ bhɛtɛ lɛ, ganɛ sɛ kibelɛlɛ gɛ balɛ kɛwɔ̃hu tsri wɔnɔ abha sɛ tɛ nɔ ku alɛ awɔ̃, pɔ nɛ idzyi dzyɔgo anasɛ bagɛ be si Apalete nɛ fu.

1 Timotio 6:20

Timotio, po kɛgɛ ba yɛkɔ akpɛ wɔahwɛ nɛ mɔmɔ. Tsodzi nɛ buɖɔmɛaɖɔɛ nɛ gɛ be tinyi Kpaya nɛ balɛ ebui nɛ gɛ alɔɛ titi gɛ bee hu itro ekulua sɛ kibuititi nɛe de,

2 Timotio 1:14

Nyɛna kɛdɔbɛbala dzyɔgo nɛ gɛ bayɛkɔ akpɛ wɔahwɛ nɛ gɛganɛɛ, tɛ opoe lɛ ganɔ Ɔfufɔɛ Dzyɔgo nɛ gɛ ɔkpasɛ bulɔ mɛ nɛ tɛpɛplɛnɔ mɛ.

2 Timotio 2:2

Klɛ ebui nɛ gɛ onu denɔ mɛ ɔkɔ gɛ ɛɖɔ nɛ be buimɔɖɔ gelee nɛ amɛ gɛ ba yɛkɔ akpɛ ahwɛ kɔ banɔ nɛ gɛ ba ba yɛkɛ balɛa bha ŋa, pɛ balɛ tsyɛ aba na kɔ banɔ gɔgɔɛ nɛ tɛkɛkasɛ.

Titusɛ 1:3

klɛ nɛ yɛ kibe nɛ gɛ atrɔ nɛ mɛ amɛna yɛ kibui nɛ ɔtɔ ganɔ kibui nɛ tɛɖuɖɔ nɛ gɛ ayɛkɔ akpɛ mɛ ahwɛ mɛ ganɔ Kpaya agɛ ebe bulɔ nɛ tɛtutrɔ mɛ,

Hebriuanɛ 4:13

Kɛdɔnyɛdɔ nɛ kɛdɔ bhɛbhɛtɛ nɛ shi nɛ dɛ kpu nɛ Kpaya amɛ. Ba dɛda kɛdɔnyɛdɔ dɔ klɛ kɛdanɛ li agɛ alasɛ bu bhɛtɛ akɔnta kɔ nɛ amɛ.

1 Petro 4:11

Onugɛ anɔnyanɔ aba ɖɔ, abhɛtɛ lɛ anasɛ aɖɔ Kpaya ebui alɛlɛ, Onugɛ anɔnyanɔ adɛ axwɛ, abhɛtɛ lɛ nɛ̀ tɛgɛganɛ gɛ Kpaya akɔ yɛ, sɛ tɛ nɛ ebuinɛ petee mɛ ba bakpɛ Kpaya nyi nɛabha aganɔ Yesu Kristo abha. Kɔ yɛ kɛlɛ nu ishubhubhui anɛ̀ kemi denɔ mabeke ɔvɛnɔ mabeke. Tɛlɛbɛlɛm.

Tɛbubukasɛ 2:23

Ɛba husi yɛeyialɛ nɛ yi. Kɛlɛ basɔlɛha nɛ petee be be ti asɛ mɛ nu agɛ yɛ edi idzyi anɛ atɔkpu mɛ, klɛ ɛba buya kɛbhɛ kɔ anɔnyanɔ nɛ yɛ tɛbhɛbhɛtɛ nɛ nu.