1 Tɛsolonianɛ 2:2 - ONUGBÙ NYƐNYÃ VUVƆ

² Bu tɛ tɔ bafla klɛ ba tɛ kula lɔ nɛ Filipi, ansɛ gɛ no nyi, pɔ nɛ bulɔ Kpaya nɛ tɛpɛplɛnɔ so bu dzu amɛ nɛ yɛ kibuidzyɔgo sɛ tɛ bu ɖɔɛ lɛ tsre nɔ nɛ kititilulɔ gɛganɛ mɛ tysɛ.

1 Tɛsolonianɛ 2:2 ပူးပေါင်းရင်းမြစ်များ

Axwɛwɛwa 14:3

So Paolo anɛ Banabas be zi kibe gelee nɛ ɔkɛlɛ, klɛ ba ɖɔ kaɖɔ nɛ kitekpɛkpɛ kɔ Apalete, gɛ atrɔ kɛklãgbu nɛ yɛ ɛyamyuyɔ kibui nɛa bha ganɔ balɛ kɛdɔmumɔ anɛ ebuiyiyinɔ anɔ kɛdɔmumɔ nɛ gɛ ba bhɛtɛ nɛm.

Axwɛwɛwa 14:5

Tɛnyɛnya za bagɛ di nu Yuɖanɛ anɛ Yuɖanɛ nɛ mɛ nɛ tɛkpukpum, ɔyɛkɔ plɛnɔ bagɛ ba gbanɔa lɛ, sɛ tɛ ba nyãgba nɛ balɛ tɛ be hua lɛ aklãgbu.

Axwɛwɛwa 16:12

Denɔ ɔkɛlɛ klɛ bu ga kidzo da ku Filipi, gɛ akpasɛ Romanɛe si klɛ enu ɔmagbla gɛ lo putɔ kɔ ɛma nɛ Makedonia kɛdɔ nɛm. Klɛ buza ɔkɛlɛ ewi gelee.

Axwɛwɛwa 16:19

Gɛ adzɛnuvɔɛ anɛ yɛ beshopo na mɔ sɛ balɛ ehoeyi bhɛbhɛtɛ kidzoenu nɛ fla nɛɛ, be vu Paolo anɛ Silasɛ klɛ be he alɛ avɛnɔ ɔklɛ gɛ baa dɛ kedzi sɛ tɛ ada mɔ bagɛ baŋɛabha naa mɛ.

Axwɛwɛwa 16:37

Pɔ Paolo aɖɔ tsre baxwɛwa nɛ asɛ: “Be tu lɔ nɛ ɔtɔ kebhui maklumaklu nɛ bulɔ, gɛ kɛlɛ klɛm sɛ bu nu Romanɛ flogo, klɛ ba yɛkɔ lɔ atɛ̃ akpɛ buvu. Klɛ ɔtsɔ̃ nɛɛ kide so pɛ ba pɛɛ sɛ tɛ ba kɛka lɔ ebu kɛdzyɛɛ nɛ ɔma nɛm tɛ anɔ eti nu? Owo! Kɔ balɛ nahwɛ aba tɛ ba ba gbanɔ lɔ ebu eyinɔ.”

Axwɛwɛwa 17:1

Gɛ ba ga Amfipolis nɛ Apollonia ekoeyi, ba vɛ ede ku Tɛsalonika ɛklɛ gɛ Yuɖanɛ oxogokɔgbla toli ɔza.

Axwɛwɛwa 17:17

Klɛ so nɛ aza ɖɔ kaɖɔ nɛ Yuɖanɛ anɛ Grikanɛ gɛ esi Kpaya kifu nɛ oxogokɔvu nɛm anɛ budzim banɔ kiwinyɛwi nɛ banɔ nɛ gɛ bala ba ɛklɛ.

Axwɛwɛwa 19:8

Paolo ebe tsoku oxogokɔvu nɛ mɛ klɛ aɖɔ kaɖɔ nɛ bugɛganɛ mɛ nɛ ɔkɛlɛ wele tɛata, atsya ebui mɛ ebu nɛ Kpaya bukusiɔŋakɔ nɛ shu.

Axwɛwɛwa 4:13

Gɛ banɔ na mɔ kemi nɛ di ga kpasɛ Petro anɛ Yohanɛsɛ mɛ klɛ be vu awɔ̃hũ sɛ ba dɛ dɛ́ adɛdɛ kanyaka tsyɛ, benu banɔ tite ko nɛɛ kɛbhɛtɛ balɛ bi klɛ ba kpɛ balɛ kɛxawũ sɛ benu banɔ gɛ ba za nɛ Yesu.

Axwɛwɛwa 4:20

Alasɛ kɛdɔnɔ nɛ gɛ bu mɔ pɛ bu nu bɔ tɛ ba na klɛ shui bui ɖuɖɔ zɛkɔyɛlɔ.”

Axwɛwɛwa 4:31

Gɛ be klu Kpaya beke, ɔkɛlɛ gɛ be xogo nɛ ɔhwa. Klɛ balɛ petee yuku nɛ Ɔfufɔɛ Dzyɔgo klɛ be bu Kpaya kibui nɛ aɖɔ nɛ kifu masimasi.

Axwɛwɛwa 5:41

Banɔkpɛkpɛ na shɛ nɛ Bebhuiklu nɛ amɛ nɛ same mumɔ sɛ ba kla lɛ asɛ bana kɔ butsɔ kpɛkpɛ nɛ Kinyi nɛ tɔkpu.

Romanɛ 1:1

Paolo, axwɛwa kɔ Yesu Kristo, gɛ be kulu sɛ tɛ ebe dzi anɔkpɛkpɛ klɛ be bu yɛ ɔtɔ akɔ Kpaya kibuidzyɔgo—

2 Kɔrintioanɛ 3:12

Kɛlɛso, gɛ kidzoe nɛ di lɛ bulɔ ahwɛ, bu lɛ nɛ̀ amɛgɛganɛ.

Koloseanɛ 2:1

Ɛpɛɛ sɛ tɛ nɔ ti kana gɛ ɛwlãkɛ kɔ nɔ klɛ nɛ̀ bagɛ ba lɛ Laodikɛa, anɛ̀ kɔ bagɛ ba ka tsyanɛ mɛnahwɛ edi.

1 Tɛsolonianɛ 1:5

alasɛ bulɔ kibuidzyɔgo nɛ dɛ ba kɔ nɔ bubɔɛbɔɛ ganɔ kaɖɔɖuɖɔm, pɔ ganɔ kemi mɛ tsyɛ, anɛ Ɔfufɔɛ Dzyɔgo nɛ awɔ̃kuku dzudzu mɛ. No nyi kana gɛ bu za wɔnɔɛ shi nɛ wɔnɔɛ tɔkpu so.

2 Timotio 1:12

Kɛlɛ so pɛ ɛɛtɔ ansɛ gɛ ɛlɛ. Tsyɛ kɛwɛ̃ tɛɛ ku mɛ, alasɛ inyi aanɔ nɛa bha gɛ ɛyɛkɛŋa, klɛ kixui mɛ sɛ aba na kɛgɛ ɛyɛkɔ kpɛ yɛahwɛ nɛ bunyɛna kɔ kiwi lɛlɛ.

Yuɖa 1:3

Ɛbhɛyalɛ dzyɔgo mɔ, kɛnyalɛ kɛlɛ mɛ sɛ ɛtrɔ gɛganɛɛ sɛ tɛ ɛŋlɔmɛ kɔ nɔ denɔ tɛyɛyɛkɛkɔ nɛ gɛ bu mɔ nɛ shu, ɛmɔ nɛ mɛ ishum sɛ alasɛ tɛ ɛŋlɔmɛ tɛ ɛyɛkɔ tsre nɔ sɛ tɛ nɔ wɛlãnkɛ kɔ tɛyɛyɛkɛŋa nɛ gɛ ba yɛkɔ nɛ kibe tirikpo mɛ petee akpɛ kpayabanɔ nɛ ahwɛ.