1 Tɛsolonianɛ 2:19 - ONUGBÙ NYƐNYÃ VUVƆ

¹⁹ Alasɛ kɛgɛ nu bulɔ kidzoenu didi, bulɔ same, ɔdɔgɔsɛ bukusikutu nɛm gɛ bu ba za nɛ ishubhubhui anɛ bulɔ Apalete Yesu nɛ amɛ onu gɛ aaba? Ganɛ wɔnɔ?

1 Tɛsolonianɛ 2:19 ပူးပေါင်းရင်းမြစ်များ

Mateo 16:27

Alasɛ Anɔdzyrame yɛ Eyi nɛ aba ba nɛ Yaka ishu bhubhui mɛ nɛ yɛ baxwɛdɛ, klɛ aba buya kɛbhɛ kɔ anɔnyanɔ nɛ kana gɛ awa kɛxwɛ nɛ nu.

Marko 8:38

Onu gɛ mɛ anɛ kibui nɛ ba ku anɔ teli kɛwɛ̃, nɛ aglɔbui anɛ buzizi kanɔa nɛ mɛ, klɛ anɔɔ nɛ tsyɛ ebe ku Anɔdzyrame yɛ Eyi nɛ kɛwɛ̃ onu gɛ ebe ku nɛ yɛ Aka nɛ kabhakpɛkpɛ mɛ ɔplɛnɔ kpayaxwɛdɛ nɛ gɛ balɛ shu bhui.”

Yohanɛsɛ 21:22

Yesu ebuilɛnu sɛ, “Onugɛ ɛpɛɛ sɛ tɛ aza nɛ ɛkpã ɔdɔtɔnɔ kɛbenɔ nɛ gɛ ɛba ba, kide lɛ nu kɔ wɔ? Kɛlɛ sɛ tɛ ɔza mɛede.”

1 Kɔrintioanɛ 15:23

Pɔ anɔnyanɔ nɛ yɛ kibe, Kristo eyuyu tɛtɔpu, kɛlɛede, kibenɔ nɛ gɛ aba ba, aba gbanɔ ba gɛ benu yɛ ayalɛ.

1 Kɔrintioanɛ 4:5

Kɛlɛso tɛ klu kebhui nɛ kɛdɔnyɛdɔ flogo gɛ kibe nɛ ba na, za po ɔdɔtɔnɔ kibe gɛ Apalete aba ba. Ebe bu amɛna ɔtɔ kɛgɛ be kpu nɛ otumui mɛ klɛ abe bu eyinɔ kɛgɛ kpasɛ Anɔdzyrame idzyi mɛ. Kibe lɛlɛ anɔnyanɔ aba yɛkɛ yɛ kabhakpɛkpɛ denɔ Kpaya kɔ.

2 Kɔrintioanɛ 1:14

anasɛ gɛ nɔ tɛ nu bulɔ esi nɛ kapɛ, nɔ bɔ ba bonu lɛesi petee sɛ nɔ bɔ na ishufeke nɛ bulɔ shu anasɛ gɛ bulɔ tsyɛ bu ba fekeshu nɛ wunɔ tɔkpu nɛ Apalete Yesu kiwui nɛabha.

Filipianɛ 2:16

anasɛ gɛ nɔ nyɛna ɛkpã bui nɛ ovunɔ—sɛ tɛ ɛba fekeshu nɛ Kristo kiwi nɛabha sɛ ɛdɛ ga ɔdɔgɔsɛ ɛwa kɛlɛɛ mɛ kɛxwɛ

Filipianɛ 4:1

Kɛlɛso, madzyalɛ mɔ, wɔnɔ bagɛ ɛdɛmɛnɛnɔ klɛ ɛpɛɛ sɛ tɛ ɛmɔ nɔ, mɛ same anɛ ekusikutu, mɛ ɛbhɛyalɛ mɔ kana kɛlɛ sɛ nɔ za gɛganɛ nɛ́ Apalete nɛ mɛ.

1 Tɛsolonianɛ 2:20

Kɛgbɛagba, wɔnɔ nu bulɔ ishubhubhui nɛ same.

1 Tɛsolonianɛ 3:13

Kɔ yɛ agɛganɛ wɔnɔ idzyi sɛ tɛ kɛpɔ tɛ za nɔ shu tɛ wɔnɔ shu bhui nɛ bulɔ Kpaya anɛ Aka nɛ amɛ kibe lɛ gɛ bulɔ Apalete Yesu aba ba nɛ yɛ banɔ gɛ balɛ shu bhui nɛ petee.

1 Tɛsolonianɛ 4:15

Nɛ Apalete nɛ kibui ɖuɖɔ nɛ nu, bu tsre nɔ sɛ bulɔa gɛ ka lɛ nɛ ɛkpã, pɛ bu gɔ ɔdɔ nanɔ Apalete nɛ tɛbɛba, kɛgbɛagba mɛ nɛɛ bu tɛ ba putɔ kɔ bagɛ ti tsi.

1 Tɛsolonianɛ 5:23

Kɔ Kpaya nahwɛ, ishuyuyɔ Kpaya, adanɛ nɔ shu avɛnɔ etsodzini avɛnɔ. Kɔ wɔnɔ ɔfuɔɛ nɛ petee, kɛtɔwi anɛ ishuidzya nɛ za kɛpɔ maŋa maŋa mɛ nɛ bulɔ Apalete Yesu Kristo tɛbɛba mɛ.

2 Tɛsolonianɛ 1:4

Kɛlɛ so, nɛ Kpaya busɔlɛha nɛɛ shi bu feke shu nɛ wɔnɔɛ kɛxwɛ gɛganɛ wɛwa anɛ tɛyɛyɛkɛŋa nɛ gɛ lɛ nɔ ahwɛ nɛ tɛkpɛkpatɔnɔ anɛ tɛfifekedi nɛ mɛ gɛ nɔɔ ga.

2 Tɛsolonianɛ 1:7

klɛ aba kɔ wɔnɔagɛ nɔ tɔ nɛ bumuene, klɛ kɔ bulɔ tsyɛ. Kibui nɛ ba ba kɛlɛ mɛ nɛ kibe lɛ gɛ be be bu Apalete Yesu nɛ akasɛ denɔ kifu ɔlɛklɛmɛ nɛ mɛ nɛ owũsise ɔplɛnɔ yɛ kpaya baxwɛdɛ gɛganɛ.

2 Tɛsolonianɛ 2:1

Nɛ bulɔ Apalete Yesu Kristo tɛbɛba nɛ shu anɛ bulɔ tɛxuxogo vɛnɔ yɛ ɔbha, bu tsre nɔ, badzya mɔ,

Titusɛ 2:13

nɛ kibe lɛ gɛ bu dzi zi po kidzoenudidi yuyula, nɛ bulɔ Kpaya gbla anɛ Yesu Kristo Agɛ ayɛkɛ kɔ lɔ, nɛ tɛwɛwɛ̃,

Yakobo 5:7

Kɛlɛa lɛ, madzyalɛ mɔ, nɔ dɔ fɔ̃ɔ, ɔdɔ nanɔ Apalete nɛ tɛbɛba. No di kana gɛ ayadɛ nɛ eepo kesukpa nɛ asɛ tɛ ke yu kɛdɔɖɛɖa nɛ kana gɛ adɔ fɔ̃ɔ eepo subhavuvɔ anɛ ekukum ayɛ nɛ tɛbɛba.

Yakobo 5:8

Wɔnɔ tsyɛ, nɔ dɔ fɔ̃ɔ tɛ nɔ za gɛganɛ, alasɛ Apalete nɛ tɛbɛba tsuu ba.

1 Petro 5:4

Klɛ kibenɔ gɛ Agbɛgbanɔ Ekusi ebe koɛyi, nɔ bɔ yɛ kɛ kabhaŋɛŋa kikutu gɛ kɛtɛ ba klo.

2 Petro 1:16

Bu dɛ za ebuifɛfatɛ ede kibelɛlɛ gɛ bu tsre nɔ denɔ kemi anɛ̀ bulɔ Apalete Yesu Kristo yɛ tɛbɛba, pɔ bu dzi ebuimɔɖɔ kɔ yɛ tɛgbɛgbla.

2 Petro 3:4

Ba baɖɔ sɛ, “Yɛ ‘tɛbɛba’ gɛ aɖɔlu ɛlɛ xɔ̃? Denɔ kibelɛlɛ nɛ tsyɛ kɛgɛ bulɔ akalɛ nɛ tsi, kɛkanyaka vɛ labha anasɛ gɛ kɛza denɔ kanɔ nɛ kesikpɛkpɛ mɛ.”

1 Yohanɛsɛ 2:28

Klɛ ɔtsyɔnɛ, banuvɔ mumɔa, nɔ za kɛlɛa bha nɛ yɛ mɛ, sɛ tɛ kibenɔ gɛ abe koeyi idzyi aba za bulɔ mɛ klɛ tɛ kɛwɔɛ̃ tɛku lɔ nɛ yɛ amɛ nɛ́ yɛ tɛbɛba mɛ.

Yuɖa 1:24

Kɔ anɔ nɛ gɛ anyɛna wɔnɔ evunɔ sɛ nɔ tɛ bɔ wɔlɛ klɛ tɛ ayɛkɔ nɔ akpɛ ahwɛ nɛ yɛ tɛzɛzamɔmɔ amɛ, butsutsɔmɔ maza kɛlɛ mɛ anɛ samemumɔ gbla—

Tɛbubukasɛ 1:7

Di! aaba nɛ ɔmunɔ, klɛ kɛwɔ̃hũ nyɛwɔ̃hũ ba mɔ yɛ, bagɛ ba shɔ yɛ dɔ nɛ tsyɛ, klɛ banɔ nɛ petee nɛ kesukpa nɛa bha nɛ ba za anhũdzɛdzam ɔkpɛ yɛ so. So kana kɛ ba za! Tɛlɛbɛlɛm.

Tɛbubukasɛ 22:12

“Di, ɛba kpataa! Mɛ kɛbhɛbubuya nɛ lɛ mɛahwɛ, klɛ ɛba kɔ anɔnyanɔ nɛ kɛbhɛtɛ nɛ gɛ abhɛtɛ nɛ nu.