1 Tɛsolonianɛ 2:16 - ONUGBÙ NYƐNYÃ VUVƆ

¹⁶ sɛ tɛ be xe lɔɛ dzo tɛ bu tɛ mɔ kaɖɔɛ ɖɔ nɛ bagɛ be di nu Yuɖanɛ sɛ tɛ ba ba mɔ tɛbubu. Ganɔ kidzoe nɛa bha be xogo balɛ ebuizizi nɛ ɔdɔ tɔnɔ alɛ ɔwɔkɔ. Kpaya obulo nɛ ɔtɛ ba balɛa bha nɛ kidegba.

1 Tɛsolonianɛ 2:16 ပူးပေါင်းရင်းမြစ်များ

Mateo 12:45

Ɔkɛlɛ ɔfufɔɛ nɛ ootsodzi ɔvɛ ɔdɔ gbanɔ tigene bhlatɔ gɛ tsɔmɔ dɛ ɔlɛ nahwɛ nɛ ata shu, klɛ lɛ ba tsoku da za ɔkɛlɛ. Klɛ anɔ yɛ tɛzɛza mɛ ba tsodzi tsɔmɔ dɛa na gɛ aza putɔnɔ. Kana kɛ ba za kɔ kɛtɔkpum gɛganɛ tɛmumɔɛ nɛm banɔ.”

Mateo 23:32

Kɛlɛ alɛ, nɔ kpɛ wɔnɔ bakakuku nɛ buzizi anɛ butɔtɛtɛta nɛ oyukue!

Mateo 24:14

Klɛ ba ba ɖɔ bukusiɔŋakɔ kibui nɛ akana kanɔ nɛ mɛ petee ansɛ kibuimɔɖɔ kɔ amadi nɛ petee, klɛ flogo pɛ obekekɔ nɛ ɔbɔ ba.

Mateo 24:6

No bo nu buyu anɛ buyutɛta kɛdɔ, pɔ no di klɛ ɔkɔ sɛ kɛtɛ hwanɛ nɔ. Alasɛ tɛ ebuia nɛ aba kɛlɛ mɛ, pɔ tɛbibeke nɛ mɛ lɛ gɛ baa ba.

Mateo 3:12

Yɛ, kawɛ̃sa nɛ kalɛ yɛ ahwɛmɛ, klɛ ebe ŋuse yɛ kedzripi, aba yalɛ yɛ agɔnɛ nɛ ada kpɛ owulem klɛ aba pɔɛ tɛhwɛ nɛ kifu gɛ tɛ ba ni di mɛ.”

Marko 16:16

Anɔnyanɔ gɛ ayɛkɛ aŋa pɛ nɔɔ kpɛ buni ɔkɔ yɛ nɛ ebe dzi anɔ gɛ be bu, pɔ anɔnyanɔ gɛ adɛ yɛkɛ aŋa be be bu yɛ butsipɔ.

Axwɛwɛwa 13:45

Gɛ Yuɖanɛ na mɔ banɔɛza nɛɛ, be yuku nɛ kawɔ̃kpɛ klɛ ba kpa anɔ kukula ebui ɖɔ nɛ ebui nɛ gɛ Paolo aaɖɔ shu.

Axwɛwɛwa 13:50

Pɔ Yuɖanɛ nɛ zi batɔm akɔ badzɛ nɛ gɛ avɛ otugba nɛ banyɛ nɛ ga lɛ otugba kɔ banɔ nɛ ɔmagbla nɛm. Ba kɔ sɛ ba kpatɔnɔ Paolo anɛ Banabasɛ, klɛ ba kɛka lɛ ebu nɛ balɛ kibe.

Axwɛwɛwa 14:19

Ɔkɛlɛ Yuɖanɛ teli de Antiɔkɛ anɛ Ikonio aba klɛ ba ba wɛ̃ banɔɛza nɛ etsyina. Be hu Paolo aklãgbu klɛ be he yɛ ebu avɛnɔ ɔmagbla nɛede, be di asɛ etsi.

Axwɛwɛwa 14:2

Pɔ Yuɖanɛ nɛ gɛ adɛ pɛa sɛ tɛ ba yɛkɛ aŋa nɛ de feke bagɛ edi nu Yuɖanɛ nɛ edzu klɛ zi kɛtɔkpum kɔa lɛ sɛ tɛ ba lɔ kititi nɛ bagɛ ayɛkɛ aŋa nɛ shu.

Axwɛwɛwa 14:5

Tɛnyɛnya za bagɛ di nu Yuɖanɛ anɛ Yuɖanɛ nɛ mɛ nɛ tɛkpukpum, ɔyɛkɔ plɛnɔ bagɛ ba gbanɔa lɛ, sɛ tɛ ba nyãgba nɛ balɛ tɛ be hua lɛ aklãgbu.

Axwɛwɛwa 17:13

Kibe lɛ nɛ gɛ Yuɖanɛ nɛ ga lɛ Tesalonika nɛ benu asɛ kana Paolo ada ɖɔ Kpaya kibui nɛ Bɛrea nɛɛ, batɔnɔ avɛ ɔklɛ tsyɛ, klɛ bada kpɛ banɔɛza nɛ bunuhu anɛ puipui.

Axwɛwɛwa 19:9

Pɔ be teli be dzi banɔ gɛ ba dɛ kpɛ abhla kɔ kibui; ba dɛ dɛmɛ ayɛkɛ kibui klɛ nɛ anɔnyanɔ amɛ nɛɛ ba gba kɛdɔ ada klɛ Kidzo. Klɛso nɛ Paolo ashɛ̃ alɔa lɛ. Agbanɔ badɔkpasɛ nɛ aplɛnɔ ishu klɛ aga ebuim nɛ balɛ kiwinyɛwi nɛ kɛdɔ kɛkasɛvu nɛm nɛ Tirannus.

Axwɛwɛwa 21:21

Bakɔ le ti sɛ nɔ kasɛ Yuɖanɛ nɛ petee gɛ ba kpasɛ bagɛ di nu Yuɖanɛ nɛ shi nɛ dɔ sɛ be tsodzi nɛ Mose ede, no zo tsre alɛ ɔsɛ be ti bhu bunyɛnyɛ kɔ balɛ yialɛ ɔdɔgɔsɛ ba za nɛ ɛkpã nɛ bulɔ begu nɛ nu.

Axwɛwɛwa 23:12

Nɛ keli zɛza mɛ Yuɖanɛ na ba nya aglɔ nɛ atabu kɛka sɛ batɛ ba wɛŋ buni, batɛ ba ŋa kɛdɔ ɔdɔ nanɔ kibe lɛ gɛ be be yi Paolo.

Axwɛwɛwa 24:9

Yuɖanɛ nɛ tsyɛ ba plɛnɔ nɛ ebui nɛ gɛ bayɛkɔ nɛ yɛ shu, sɛ la lɛɛ lɛm.

Axwɛwɛwa 25:2

nɛ ɔkɛlɛ gɛ kpayanɔ anɛ Yuɖanɛ otugba banɔ na ba wɛ̃ nɛ yɛ amɛ klɛ ba kla Paolo ebui nɛ gɛ bayɛkɔ nɛ yɛ shu nɛ elu yɛ amɛ.

Axwɛwɛwa 25:7

Gɛ Paolo awɛ̃ nɛɛ, Yuɖanɛ nɛ gɛ zhi ede Yerusalɛm nɛ be li kititi akana yɛ, klɛ be bu ebui tsutsɔmɔtsɔmɔ kpi gɛ ba yɛkɔ nɛ yɛ shu nɛ aɖɔ, gɛ balɛ nahwɛ nɛ ba dɛ na alɛ shu danɛ.

Axwɛwɛwa 4:12

Ba tɛ ba mɔ okoeyikɔ nɛ anɔnyanɔm, alasɛ kinyinyɛnyi va ma owũsise nɛesi gɛ ba yɛkɔ kɔ banɔdzyrame gɛ kɛlɛ shu la ba ga pɛ be be bua lɛ.”

Axwɛwɛwa 9:23

Nɛ ewi gelee de, Yuɖanɛ na da nya nɛ yɛ shu sɛ tɛ be yi,

1 Kɔrintioanɛ 10:33

anasɛ gɛ ɛwlãnkɛ tsyɛ sɛ tɛ iku anɔnyanɔ awɔ̃ nɛ kidzonyɛdzoa bha. Alasɛ ɛtɛ́ pɛɛ mɛnahwɛ tɛpɛpɛ̃ pɔ banɔ gelee tɛpɛpɛ̃, sɛ tɛ ba ba yɛkɛ kɔa lɛ.

Galatianɛ 5:11

Madzyalɛ, onugɛ ɛka ɖɔ bunyɛnyɛ bhubhui bui, kideso gɛ ba ka kpatɔnɔ mɛ? Nɛ kɛlɛmɛ buzizi bhɛbhɛtɛ nɛ butsiosi shu ba zukɔlɔ.

Efesoanɛ 3:13

Kɛlɛso, ibisi denɔ wɔnɔ kɔ sɛ, nɔ tɛkɔ idzyi ekoeyi nɛ wɔnɔɛ kite mɛ alasɛ butɔ nɛ gɛ ɛtɔ nɛ wɔnɔɛ tɔkpu, kɛ nu wɔnɔ tɛkpɛkpɛ nɛabha.

Efesoanɛ 3:8

Kɛlɛ anasɛ enu ebhliyi dɛ Kpaya banɔ bhliyi, yɛ kɛdɔ kuku ba kɔ mɛ: sɛ tɛ ɛɖɔ kibui dzyɔgo nɛ kɔ bagɛ bedinu Yuɖanɛ Kristo kedziŋɛŋa gɛ ɔtɛ bɔ pɛɛɔ mɔ,

1 Tɛsolonianɛ 1:10

tɛ no po Yɛeyi nɛ gɛ ede owũsise, gɛ anyɛmɛ edenɔ bekpu mɛ—Yesu, nɛ gɛ ebe bu lɔ edenɔ obulo nɛ gɛ ɔba nɛ mɛ.

2 Tɛsolonianɛ 2:10

klɛ nɛ kibui tsutsɔmɔ kanyaka gɛ wɛɛ bagɛ bee beke. Be beke alasɛ ba dɛ dɛmɛ asɛ tɛ ba ɖɔ kɛgba sɛ tɛ be bua lɛ.

1 Timotio 2:4

gɛ apɛa sɛ tɛ be bu banɔ nɛ petee klɛ tɛ ba ba kɛgba nɛ tititim.

Hebriuanɛ 6:8

Pɔ kesukpa nɔ nɛ gɛ ke yi ewui nɛ ɔsɔ tɛwa kama kibuinyɛbui mɛ klɛ kizizi gugɔɛ nɛ nu sɛ baɖɔɛbui akpɛ alɛ. Kɛgɔgɔɛ kɛlɛ nu sɛ ba shɔa lɛ kifu.

Tɛbubukasɛ 22:11

Kɔ agɛ abhɛtɛ buzizi nɛ aza buzizi bhɛbhɛtɛ nɛa bha; kɔ agɛ abhɛtɛ ebui dudɔɛbo nɛ avɛ alɛa bha aza bhɛtɛ; kɔ agɛ abhɛtɛ kɛdzyɔgo nɛ aza kɛdzyɔgo bhɛbhɛtɛ nɛa bha; klɛ tɛ nɔ kɔ agɛ alɛ ishubhubhui mɛ nɛ aza ishubhubhui nɛa bha.”