1 Tɛsolonianɛ 1:3 - ONUGBÙ NYƐNYÃ VUVƆ

³ Bu lɛ kɛlɛa bha baka nɔ nɛ bulɔ Kpaya anɛ Aka nɛ amɛ wɔnɔ kɛxwɛwɛwa nɛ gɛ tɛyɛyɛkɛŋa bhɛtɛ, wɔnɔ kɛxwɛwɛwa nɛ gɛ tɛɖuɖɔ mɛna, anɛ wɔnɔ kanyɛtsitsi nɛ gɛ ka ba denɔ kidzoenudidi mɛ anɛ bulɔ Apalete Yesu Kristo mɛ.

1 Tɛsolonianɛ 1:3 ပူးပေါင်းရင်းမြစ်များ

Yohanɛsɛ 14:15

“Onugɛ nɔ dɛmɛnɔ nɛ mɛ, nɔ bɔ bhɛtɛ ɔtrɔ mɛ ɛshã nɛabha.

Yohanɛsɛ 15:10

Onugɛ nɔ bhɛtɛ trɔ mɛ ɛshã nɛabha, nɔ bɔ wɔ mɛ tɛdɛdɛmɛnɔ mɛ, anasɛ gɛ ɛbhɛtɛ trɔ mɛ Aka nɛ ɛshã nɛabha klɛ ɛwɔ́ yɛ tɛdɛdɛmɛnɔ mɛ.

Axwɛwɛwa 10:31

klɛ aɖɔ sɛ, ‘Kɔneliusɛ, Kpaya eti nu wɔ yɛ tɛkukulu klɛ abaka wɔ kɛdɔkukɔ kɔ betsyuitsyuini.

Axwɛwɛwa 3:19

No tsyina kitem, tɛ no tsyina amɛ ɔtɔnɔ Kpaya, sɛ tɛ be xule wɔnɔ buzizi, tɛ kimuenebe ba kɔnɔ denɔ Apalete nɛ ɔkɔ,

Romanɛ 12:12

Nɔ mɔ same nɛ kidzoenu didi mɛ, dɔ fɔɔ̃ nɛ wɔ batɔ nɛm, za tɛyɛyɛkɛŋam nɛ Kpaya kuklum.

Romanɛ 15:13

Kɔ kidzoenu didi Kpaya nɛ eyuku nɔm nɛ same anɛ ishuyuyɔ ansɛ gɛ nɔ yɛkɛ yɛa bha ɔŋa, sɛ tɛ no bo yuku ɔgbɛgba nɛ kidzoenu didi ganɔ Ɔfufɔɛ Dzyɔgo anɛ kemi mɛ.

Romanɛ 15:4

Alasɛ kɛdɔnyɛdɔ gɛ ba ŋlɔmɛ elu aba fla ba ŋlɔmɛ kɛlɛ sɛ tɛ ba yɛkɔ akasɛ lɔɛdɔ nɔ, sɛ tɛ ganɔ awɔ̃dzudzu mɛ nɛ Kpayɛbuieplukpa anɛ kemikpɛkpɛ lɔ mɛɛ tɛ bu mɔ kidzoenudidi.

Romanɛ 16:26

pɔ ɔtsɔ̃ gɛ be ti bu akasɛ klɛ ba kɔ le ti kɛlɛ ganɔ atɔnu nɛ ebuiŋuŋlɔmɛ ganɔ Kpaya gɛ eti beke nɛ ɔshã nu, sɛ tɛ amadi nɛ petee aba yɛkɛaŋa tɛ bata yɛ atɔ—

Romanɛ 16:6

Ɛsɛnɔ Maria, gɛ awa kɛxwɛ gɛganɛɛ kɔ nɔ.

Romanɛ 2:7

Banɔ nɛ gɛ ganɔ tɛyɛyɛkɔ trɔshu nɛ kɛdzyɔgo bhɛbhɛtɛ mɛ pɛ ba pɛɛ ishubhubhui, kabha kpɛkpɛ anɛ ɛkpãzɛza, aba kɔ ɛkpã mabeke mabeke.

1 Kɔrintioanɛ 13:13

Klɛ ɔtsɔ̃nɛ ebui tata ala gɔ: tɛyɛyɛkɛŋa, kidzoenudidi anɛ tɛdɛdɛmɛnɔ. Pɔ kɛ gɛ tridɛ nɛ alɛ mɛ kɛlɛ nu tɛdɛdɛmɛnɔ.

1 Kɔrintioanɛ 15:58

Kɛlɛso, mɛ badzya mumɔa, nɔ za nɛ awɔ̃ gɛganɛ. Nɔ tɛkɔ kɛdɛnyɛdɔ ge nɔ. Kibenyɛbe nɔ yɛkɔ wunɔ ishu kɔ bui bhɛbhɛtɛ kɔ Apalete nɛ kɛxwɛ, alasɛ nɔ nyi sɛ wɔnɔ kɛxwɛwɛwa anɛ́ Apalete nɛ mɛ kɛtɛ ba dzi kɛkpɛkpa.

2 Kɔrintioanɛ 2:17

Bulɔ bu tɛ dzi anasɛ banɔ gelee, bu tɛ yɛkɔ Kpaya buiɖɛɖɔ akpɛ anasɛ kedzigɛga sɛ tɛ bu mɔ trɔ. Kɛlɛlɛ nɛede, nɛ Kristoe mɛ bu ɖɔaɖɔ nɛ Kpaya amɛ anɛ kɛdzyɔgo bhɛbhɛtɛ, anasɛ banɔ gɛ ba kpɛ denɔ Kpaya kɔ.

Galatianɛ 1:4

agɛ ayɛkɔ yɛnahwɛshu akɔ kɔ bulɔ ebuizizi tɔkpu sɛ tɛ ebu lɔ denɔ ɔtsɔ̃nɛ kanɔ zizia nɛ mɛ, anɛ́ bulɔ Kpaya anɛ̀ Aka nɛ́ tɛpɛpɛɛ nu,

Galatianɛ 5:13

Wɔnɔ, madzyalɛ, be klu sɛ tɛ nɔ za ishuahwɛ. Pɔ nɔ tɛ yɛkɔ wɔnɔ shu ahwɛzɛza ɔzɔ bhɛtɛ ebuizizi, kɛlɛ ɔzakɔ nɔ dɛ axwɛ kɔ ɔhaglɔɛ nɛ tɛdɛdɛmɛ nɛ anɔ.

Galatianɛ 5:6

Alasɛ nɛ Kristo Yesu mɛ bebhui bunyɛnyɛ kɔ wɔ pɛnɔ bedi bhui bunyɛnyɛ kɔ wɔ kɛdi nu kibuinyɛbui. Kɛlɛ tirikpo gɛ klu bui kɛlɛ nu tɛyɛyɛkɛŋa gɛ kɛ waɛxwɛ ganɔ tɛdɛdɛmɛ abha.

Galatianɛ 6:9

Nɔ tɛ kɔ lɔ tɔ nɛ kɛdɔ dzyɔgo bhɛbhɛtɛ mɛ, alasɛ nɛ kibe dzyɔgoɛ mɛ bu ba tsui dɔ gelee onugɛ bu dɛ zukɔlɔ lɛ bhɛbhɛtɛ.

1 Tɛsolonianɛ 3:6

Pɔ otsiko Timotio ede nɔ bha ebe ku bulɔ bha klɛ amɛna kibui dzyɔgo edenɔ wɔnɔ tɛyɛyɛkɛŋa anɛ tɛɖuɖɔ shu. Eti tsre lɔ asɛ nɔɔ baka lɔ bui mɔmɔ kibenyɛbe klɛ nɔ pɛ sɛ tɛ nɔ mɔ lɔ, ansɛ gɛ bulɔ tsyɛ pɛ sɛ tɛ bu mɔ nɔ.

2 Tɛsolonianɛ 1:11

Nɛ kibui nɛɛ di nɛ kɛtɔkpu mɛɛ, bu tsri lɛa bha bu kulukpaya nɛ wɔnɔɛ tɔkpu, sɛ tɛ bulɔ Kpaya nɛ aba kla nɔ sɛ nɔ na kɔ yɛ tɛkuklu, klɛ tɛ ganɔ yɛ kemi nɛ mɛ aba bhɛtɛ kɛkanyaka gɛ nu kɛdzyɔgo kɔ nɔ anɛ kɛkanyaka gɛ wɔnɔ tɛyɛyɛkɛŋa nɛ ba bisi.

2 Tɛsolonianɛ 1:3

Alasɛ kibenyɛbe tɛ bu zɛ hu Kpaya ahwɛ nɛ wɔnɔɛ tɔkpu, badzya mɔ, klɛ kana kɛ lɛ, alasɛ wɔnɔ tɛyɛyɛkɛŋa nɛ kii she trɔ, klɛ tɛɖuɖɔ nɛ gɛ lɛ anɔnyanɔa hwɛ kɔ yɛɔhayɛ nɛɛ she trɔ.

1 Timotio 1:14

Ba yɛkɔ bulɔ Apalete nɛ ɛyamyuyɔ nɛ abalɛ mɛa bha gelee, ɔyɛkɔ plɛnɔ tɛyɛyɛkɛŋa nɛ tɛɖuɖɔ nɛ gɛ kpasɛ Kristo Yesu mɛ.

1 Timotio 2:3

Kɛɛ nɛ kɛlɛ bɔ, klɛ kɛlɛ ku Kpaya bulɔ Ayɛyɛkɛkɔ nɛ awɔ̃,

Hebriuanɛ 10:36

Kɛlɛ sɛ tɛ nɔ dɔ fɔɔ̃ tɛ nɔ bhɛtɛ Kpaya tɛpɛpɛɛ klɛ tɛ nɔ yɛkɛ kɛgɛ baɖɔlu kɔ nɔ.

Hebriuanɛ 11:17

Tɛyɛyɛkɛŋa so Abraham, kɛbelɛlɛ gɛ Kpaya efekɛ yɛ edi, ayɛkɔ Isaka kɔ anasɛ kɛdɔ pupɔɛ. Yɛ gɛ ayɛkɛ tɛtutrɔlu apɛɛ asɛ apuɛ yɛ terikpo klɛ enu eyi terikpo,

Hebriuanɛ 13:21

akɔ nɔ kɛdɔ dzyɔgo nyɛdɔdzyɔgo kɔ yɛ tɛpɛpɛɛ, klɛ tɛ awaɛxwɛ nɛ bulɔ mɛ kɛgɛ ku yɛ awɔ̃, ɔganɔ Yesu Kristo abha, kɔ yɛ ishubhubhui mɛ denɔ mabeke ɔvɛnɔ mabeke mɛ. Tɛlɛbɛlɛmɛ.

Hebriuanɛ 4:11

Kɛlɛso, nɔ kɔ lɔ kpɛemi gɛganɛ tɛ butsoku bumone lɛlɛ mɛ, sɛ tɛ anɔnyanɔ atɛ ba wɔlɛ nɛ bagɛ bata tatɔ nɛede zɛza ebui bhɛbhɛtɛ shu.

Hebriuanɛ 6:15

Klɛso gɛ aze po nɛ tɛdɛdɔfɔɔ̃, Abraham ayɛkɛ bunuwã kpɛkpɛ dɔ.

1 Petro 3:4

Kɛlɛmaza, kɛbadzi kɛ gɛ de wunɔ nahwɛ mɛ, bubite gɛ butɛ xule ishunyɛnyɛna anɛ̀ ishuvuvu ɔfufɔɛ, gɛ kɛ nu kedziŋɛŋa gbɛgbla nɛ Kpaya amɛ.

1 Yohanɛsɛ 3:18

Banuvɔ mumɔa, nɔ tɛ kɔ lɔ tɛdɛdɛmɛnɔ anɔ nɛ ebuiɖuɖɔ ɔdɔgɔsɛ kɛnɛkɛ titee pɔ kɛ za tɛbhɛbhɛtɛ anɛ kɛgba mɛ.

1 Yohanɛsɛ 3:21

Ɛbhɛya mumɔa, onugɛ bulɔ dzyi edi bulɔɛpɔ, kemikpɛkpɛ alɛ bulɔ ahwɛ nɛ Kpaya mɛ

1 Yohanɛsɛ 3:3

Anɔnyanɔ gɛ kidzoenudidi nɛ lɛ yɛ mɛ yɛnahwɛ eplu shu, anasɛ gɛ yɛ shu bhui.

1 Yohanɛsɛ 5:3

Kɛnɛ kɛlɛ nu tɛdɛdɛmɛnɔ nɛ̀ Kpaya, tɛ ɔbhɛtɛ ɔtrɔ yɛ ɛshã nɛabha. Klɛ yɛ ɛshã nɛ dɛ nu kɛdɔ gɛganɛ,

Tɛbubukasɛ 2:19

Inyi wɔ ebui bhɛbhɛtɛ, wɔ anɔ ɖuɖɔ anɛ tɛyɛyɛkɛŋa, wɔ kɛxwɛdɛdɛ anɛ kemikpɛkpɛ, klɛ ɔtsɔ̃ ɔɔbhɛtɛ gelee ɔdɛ kɛtutɔpu nɛ gɛ ɔbhɛtɛ.

Tɛbubukasɛ 3:10

Nɛ kibe lɛ gɛ ɔtɛ nyɛna mɛ tɛtutrɔ nɛ mɛ ovunɔ kɛdzyɛɛ so, mɛ tsyɛ ɛba nyɛna wɔ shɛnɔ nɛ ɔɖa nɛ mɛ gɛ ɔbɔ ba kɔ kebhui kuklu nɛ kanɔ nɛ petee tɛ ba yɛkɔ efeke bagɛ balɛ kesukpa nɛa bha nɛ edi.