1 Kɔrintioanɛ 9:26 - ONUGBÙ NYƐNYÃ VUVƆ

²⁶ Kɛlɛso ɛtɛ bu tɛtsrɛmɛ anasɛ anɔ nɛ gɛ ebu tɛtsrɛmɛ gɛ tɛtɛtrɔ ma kɛlɛ shu, ɛtɛ ta ekpli anasɛ gɛ anɔ gɛ ata ekpli nɛ kɛlɛ.

1 Kɔrintioanɛ 9:26 ပူးပေါင်းရင်းမြစ်များ

Mateo 11:12

Denɔ Yohanɛsɛ Enikpɛ nɛ kibe ɔbɔ nanɔ ɔtsɔ̃ nɛɛ, owũsise bukusiɔŋakɔ nɛ yɛkɔ amɛgɛganɛ vɛ otugba, klɛ banɔ amɛgɛganɛ ba nyɛna bulɛ evunɔ.

Luka 13:24

“Bhɛtɛ kɛkanyaka tɛ otsoku ganɔ kedunu shɔɛshɔɛ, alasɛ be gelee, itsre nɔ sɛ, ba ba pɛɛ asɛ tɛ betsoku klɛ batɛ ba na.

1 Kɔrintioanɛ 14:9

So kana kɛ lɛ kɔ nɔ. Odi nu sɛ nɔ ɖɔ kibuititi kaɖɔ nɛ wɔ kɛnɛkɛ, kɛlɛ anɔ ebe ti kibui nɛ gɛ nɔ ɖɔ? Kɛlɛmɛ ko nɔ zɔ ɖɔaɖɔ kpɛ.

2 Kɔrintioanɛ 5:1

Ɔtsɔ̃nɛ bu nyi sɛ onugɛ kɛsukpɛa bha kagba nɛ mɛ gɛ bu kpasɛ ka yɛɛ, buvu lɛ bulɔ ahwɛ denɔ Kpaya kɔ, ɔfufɔɛ mɛ buvu nɛ owũsise, gɛ ganɛ anɔdzyrame ɛhwɛ ba yɛkɔ abhɔ bulɛ nɔ.

2 Kɔrintioanɛ 5:8

Ɛɖɔ sɛ, idzyi lɛ bulɔ ahwɛ, klɛ bu ba pɛɛ sɛ tɛ bu koeyi nɛ ishuidzya nɛ mɛ klɛ tɛ bu daza kepi nɛ̀ Apalete.

Galatianɛ 2:2

Ɛvɛ nɛ tɛdɛdɛmɛ kɔ tɛbubukasɛ mɛ klɛ ɛyɛkɔ kpɛ balɛ mɛ kibui dzyɔgo gɛ ɛɖɔ kɔ bagɛ bedinu Yuɖanɛ. Pɔ ɛbhɛtɛ kɛnɛ nɛ tɛkpukpuimɛ kɔ bagɛ balɛ bamɔ sɛ be nu bagbɛgbanɔ, nɛ kifusisi mɛ sɛ ɛkpanisi odɔgɔsɛ ɛkpanisi gɛ kibuinyɛbui ma kɛlɛ mɛ.

Efesoanɛ 6:12

Alasɛ bulɔ tɛwuwlãkɛ nɛ ma ishuidzya anɛ dzyosu shu, pɔ bagɛ ba ŋɛabha, ɛshã, kanɔa nɛ mɛ otumu mɛ kemi anɛ ɛfufɔɛ tsutsɔmɔ bugɛganɛ nɛ owũsise kɛdɔ nɛ mɛ be.

Filipianɛ 1:21

Kɔ mɛ, tɛ ɛza nɛ kpã nɛ kɛlɛ nu Kristo klɛ tɛ itsi tsyɛ kinu kɛdzyɔgo.

Koloseanɛ 1:29

Kɔ kɛnɛ obekekɔ ɛwaɛxwɛ, ɛwlãnkɛ nɛ yɛ kemikpɛkpɛ, gɛ kɛwa kemi shuixwɛ gɛganɛ nɛ mɛ mɛ.

2 Timotio 1:12

Kɛlɛ so pɛ ɛɛtɔ ansɛ gɛ ɛlɛ. Tsyɛ kɛwɛ̃ tɛɛ ku mɛ, alasɛ inyi aanɔ nɛa bha gɛ ɛyɛkɛŋa, klɛ kixui mɛ sɛ aba na kɛgɛ ɛyɛkɔ kpɛ yɛahwɛ nɛ bunyɛna kɔ kiwi lɛlɛ.

2 Timotio 2:5

Kana tsyɛ, onu gɛ anɔ teli enu anɔ gɛ awlãnkɛ ansɛ anɔ gɛ akpɛsi, atɛ yɛkɛ kabhaŋɛŋa kikutu gɛ odinu sɛ awlãnkɛ nɛ ɛshã nɛ gɛ be lu nɛ nu.

2 Timotio 4:7

Ɛtɛ gɔnɛ ibue dzyɔgo, iti si odu nɛ beke, ɛtɛ nyɛna tɛyɛyɛkɛŋa nɛ mɛ vunɔ.

Hebriuanɛ 12:1

Kɛlɛso, bebuimɔɖɔ gɛ la kana lɔ anasɛ ɔmunɔ gelee, nɔ kɔ lɔ bu ebui tsyɛtsyanɔ kanyãka anɛ ezizi gɛ la nyɛna lɔ nɛ tɛ̃, klɛ nɔ kɔ lɔ yɛkɔ amɛgɛganɛ kpanisi tɛ lɔ bu tisisi gɛ kɛlɛ kɔlɔ.

Hebriuanɛ 4:1

Kɛlɛso, kidzodidi gɛ akɔ lɔ sɛ tsoku yɛ bumoene mɛ, nɛ ka lɛ, nɔ kɔ lɔ luawɔ̃ mɔmɔ sɛ bulɔ mayɛ kanyaka atɛ da wɔɛ dzo.

1 Petro 5:1

Kɔ beshishe gɛ balɛ wũnɔɛ mɛ ibisi denɔ wũnɔ kɔ sɛ, anasɛ wɔnɔ mayɛ eshishe, kibuimɔɖɔ anɛ́ Kristo butɔ nɛ̀ agɛ yɛ tsyɛ aba mɔ tɛbhubhui gɛ ba be bukasɛ:

2 Petro 1:10

Kɛlɛso, madzyalɛ mɔ, nɔ wlãkɛ dɛana tɛ nɔ bhɛtɛ wɔnɔ tɛkuklu nɛ tɛbubu ba pɛɛ̃. Alasɛ onugɛ nɔ bhɛtɛ ebuianɛ, nɔtɛ bɔ dɔ oboe,