1 Kɔrintioanɛ 8:4 - ONUGBÙ NYƐNYÃ VUVƆ

⁴ So nɛlɛmɛ, denɔ kɛŋɛŋa gɛ ba kɔ kɛdɔbhubhɔ shu: Bu nyi sɛ kɛdɔbhubhɔ kidi nu kɛdɔnyɛdɔ kura nɛ kanɔ nɛ mɛ klɛ Kpaya bhlatɔ avama pɔ terikpoa nɛ ko.

1 Kɔrintioanɛ 8:4 ပူးပေါင်းရင်းမြစ်များ

Marko 12:29

Yesu ebui lɛ bunu asɛ, “Ɔgɛ ɔlɛ ɖamadɛ,” “ɔlɛ nu sɛ, O Izraɛl, ‘Taatɔ, Apalete blɔ Kpaya, Apalete terikpoo ko enu.

Axwɛwɛwa 14:15

“Banɔ mɔ, kide so pɛ nɔ bhɛtɛ kana? Bulɔ tsyɛ banɔdzyrame ko lɔ nu, ansɛ wɔnɔa na. Bɔɔ mɛna nɔ kibui dzyɔgo, butsre nɔ sɛ no tsyina kede ɔkpɛ ebuia nɛdi gɛ la ma kibuinyɛbuim nɛ tɛbhɛbhɛ vɛnɔ Kpaya lulu nɛ ɔkɔ, gɛ abhɛtɛ owũsise anɛ kesukpa anɛ aƒu anɛ kɛdɔnyɛdɔ gɛ kpasɛ alɛ mɛ.

Axwɛwɛwa 15:20

Nɛɛlɛmɛ alasɛ tɛ bu ŋlɔmɛ kɔa lɛ, tɛ bu tsre alɛ sɛ be tsuashɛ̃ nɛ kɛŋɛŋa nɛ gɛ ibuidi nɛ tɛ tutru nɛ shu, anɛ azhuzhɔlɛbui shu, denɔ baga nɛ gɛ be dzyini balɛ ili anɛ dzyosu shu.

Axwɛwɛwa 19:26

Klɛ nɔ mɔ no nu kana gɛ anɔa nɛ gɛ enu Paolo atɛ wɛɛ klɛ etsyina banɔ gelee kɛtɔkpum nɛ ɔkɛ̃ nɛ Efesos ɔma nɛm ɔyɛkɔ kana Asia kɛdɔ nɛm petee. Aɖɔa sɛ nɛ bakpaya nɛ gɛ banɔ abhɔ nɛ ahwɛ be di nu bakpaya dzyɔgo nɛ kapɛnyapɛ mɛ.

1 Kɔrintioanɛ 8:1

Ɔtsɔnɛ denɔ kɛŋɛŋa gɛ ba kɔ kɛdɔbhubhɔ shu: Bunyi sɛ, bulɔ petee kibuititi lɛ bu lɔ ahwɛ. Kɛbuititi kɛ koeyi, pɔ tɛdɛdɛmɛnɔ kɛbhɔ trɔ.

1 Kɔrintioanɛ 8:10

Alasɛ onugɛ anɔteli kibuititi gblɔdzɔ lɛ yɛ ahwɛ gɛ amɔ wɔ gɛ kibuititi nɛ lɛ wɔ ahwɛ gɛ ɔŋaɛdɔ nɛ obudivu mɛ, kɛ tɛ ba kpɛ yɛ kemi sɛ aŋa kɛdɔ nɛ gɛ ba tɔ kɔ obudi?

1 Kɔrintioanɛ 8:11

So dzya gblɔdzɔa nɛ gɛ yɛ tɔkpu Kristo etsi, wɔ kibuititi nɛ zi yɛ.

Galatianɛ 4:8

Kibe gɛ bafla, gɛ nɔ dɛ ti Kpaya, nɔ dzi banɔdzidzi kɔ bagɛ nɛ ɔdzyɔkɔ bedinu bakpaya.

Efesoanɛ 4:6

Kpaya terikpo, nɛ Aka kɔ lɔ petee, gɛ enu kɛtɔkpu kɔ lɔ petee klɛ ganɔ bulɔ petee abha nɛ kɛlɛ petee mɛ.

1 Timotio 1:17

Ɔtsɔ̃, kɔ ɔfufɔɛ mɛ Ekusi, gɛ eti tsi, gɛ ataa wɛ̃, yɛ ko yɛ enu Kpaya, gɛ kabhakpɛkpɛ nɛ ishubhubhui lɛ kɔ ɔyɛkɔ vɛnɔ mabeke mabeke mɛ. Tɛlɛbɛlɛm.

1 Timotio 2:5

Alasɛ Kpaya terikpo yɛa lɛ, enu ebuevu nɛ Kpaya nɛ banɔdzyrame nɛ shi, yɛ enu Kristo Yesu,

Yuɖa 1:25

ishubhubhui, bukusi, kemi anɛ kabhaŋɛŋa kɔ Kpaya terikpo bulɔ Ayɛyɛkɛkɔ, ganɔ Yesu Kristo bulɔ Apalete, kɔ ebe nɛ petee, denɔ ɔtsɔ̃ ɔvɛnɔ mabeke mabekem! Tɛlɛbɛlɛm.