1 Kɔrintioanɛ 8:3 - ONUGBÙ NYƐNYÃ VUVƆ

³ Pɔ anɔ nɛ gɛ adɛmɛ Kpaya bui Kpaya enyi anɔ alɛlɛ.

1 Kɔrintioanɛ 8:3 ပူးပေါင်းရင်းမြစ်များ

Mateo 7:23

Kɛlɛ mɛ ɛba tsre alɛ wee sɛ, ‘Itinyi nɔ. Nɔ tsuvɛ nɛ mɛ ɔbha, wɔnɔ ebuikpã bhɛbhɛtɛ elete!’

Yohanɛsɛ 10:14

“Mɛ nu ibhoshi agbɛgbanɔ dzyɔgo, inyi mɛ ibhoshi klɛ mɛ ibhoshi nɛ nyi mɛ—

Yohanɛsɛ 21:17

Butramɛ aza ɖɔ tsre asɛ, “Simɔnɛ Yohanɛsɛ yɛ eyi, ɔdɛmɛ mɛ bui xã?” Kɛ puɛ Petro alasɛ butramɛ nyɔ na gɛ Yesu ebisi yɛ bui nɛ sɛ, “Ɔdɛmɛ mɛ bui?” Aɖɔ sɛ, “Apalete, ɔnyi ebui nɛ petee; onyi sɛ ɛdɛmɛ wɔɛ bui.” Yesu aɖɔ sɛ “Kɔ mɛ ibhoshi nɛ kɛdɔŋɛŋa.

Romanɛ 11:2

Kpaya adɛ shɛ̃nahwɛ yɛanɔalɛ nɛ shu, gɛ eputɔenyi. No tinyi kɛdɔnɔ nɛ gɛ Kpayɛbuieplukpa nɛ aɖɔ denɔ Eliya shu— kana gɛ ebisi Kpaya kititilulɔ nɛ Izraɛl shu:

1 Kɔrintioanɛ 13:12

Ɔtsɔ̃nɛ bu mɔ pɔ tɛ mumɔ mabhui mabhui anasɛ azhuzhwɛ̃ mɛ dɔ, kɛlɛede bu ba mɔ amɛ nɛ amɛ. Ɔtsɔ̃nɛ ɛnyi kegunu, nɛ kɛlɛede ɛba ti mɔmɔ, anasɛ gɛ ɛtɛ ti tsyɛ.

1 Kɔrintioanɛ 2:9

Pɔ, anasɛ gɛ ba ŋlɔmɛ lu: “Kɛwɔ̃hu kanyaka dɛ mɔ, batɔ kanyaka dɛ nu, kɛdɛ ba anɔnyanɔ kɛtɔkpui mɛ kɛ gɛ Kpaya abhɛtɛ elu kɔ ba gɛ ba dɛmɛnɔ nɛ yɛ”—

Galatianɛ 4:9

Pɔ ɔtsyɔnɛ gɛ nɔ nyi Kpaya— pɛnɔ Kpaya yenyi nɔ—kɛlɛ kɛdzi sɛ nɔ tsyina kede kpɛ bagɛ ba ma kemi anɛ bagɛ ku eshutukubui ɛkpãzɛza? Nɔ pɛɛ sɛ tɛ nɔ flodzi banɔ dzidzi kɔalɛ?

2 Timotio 2:19

Pɔ, Kpaya kesikpɛkpɛ nɛna nɛ keli gɛganɛɛ, gɛ ba da kɛlɛ adɛda nɛ gɛ ba ŋlɔmɛ atrɔ yɛabha sɛ: “Apalete nɛ enyi bagɛ be nu yayɛalɛ,” klɛ, “Anɔnyanɔ gɛ ebu Apalete nɛ nyi aɖɔ, alasɛ tɛ etsodzi nɛ kɛtɔkpu mɛ gɛganɛe de.”

Yakobo 1:12

Ba yula anɔ nɛ gɛ akpɛemi nɛ yɛ tɛfifekedi mɛ, alasɛ onu gɛ ana kɛlɛ nu za nɛɛ, aba yɛkɛ ɛkpã kikutu nɛ gɛ Kpaya aɖɔ asɛ aba kɔ bagɛ ba ɖɔ yɛ.

Yakobo 2:5

Nɔ tatɔ, madzyalɛ gɛ ɛɖɔ mɔ: Kpaya edi kulu bagɛ be nu betsyutsyuini nɛ ebu nɛ banɔ amɛ nɛ kanɔa nɛm sɛ tɛyɛyɛkɛŋa ehoeyi aza balɛ ahwɛ klɛ tɛ ba ba mɔ ɔŋakɔ nɛ bukusi nɛm gɛ aɖɔ asɛ aba kɔ bagɛ ba ɖɔɛ nɛ dza?

1 Petro 1:8

Nɛlɛmɛ sɛ nɔ kɔ mɔɛ yɛ odi, nɔ dɛmɛ yɛ bui, klɛ ɛlɛmɛ tsyɛ nɔ tɔ mɔ yɛ ɔtsɔnɛ, nɔ yɛkɛ yɛabhaŋa klɛ nɔ yuku nɛ maɖɔmaɖɔ nɛ kabhakpɛkpɛ same,

1 Yohanɛsɛ 4:19

Budɛmɛ anɔɛ bui alasɛ Kpaya eputɔ adɛmɛ bulɔɛ bui.

1 Yohanɛsɛ 4:7

Ɛbhɛya mumɔa, nɔ kɔ lɔ dɛmɛnɔ ɔhagblɔ, alasɛ tɛdɛdɛmɛnɔ de Kpaya ɔkɔ. Anɔnyanɔ gɛ adɛmɛnɔ anɔ Kpayaɛ mɛ la mɔ yɛ klɛ enyi Kpaya.

Tɛbubukasɛ 2:13

Inyi ɔkɛlɛ gɛ ɔlɛ— ɔkɛlɛ gɛ Satana bukusiegbu nɛ alɛ. Tsyɛ pɛ ɔlɛ nɛ kɛgba mɛ nɛ mɛ nyi mɛ. Ɔdɛ shɛ̃nahwɛ wɔ tɛyɛyɛkɛŋa nɛ mɛmɛ, nɛ Antipasɛ kibe nɛ mɛ tsyɛ, mɛ ebuimɔɖɔ gɛ tɛyɛyɛkɛŋa lɛ yɛahwɛ, gɛ be yi nɛ wɔnɔ ɔmagbla nɛmɛ—nɛ ɔkɛlɛ gɛ Satana alɛ.

Tɛbubukasɛ 2:19

Inyi wɔ ebui bhɛbhɛtɛ, wɔ anɔ ɖuɖɔ anɛ tɛyɛyɛkɛŋa, wɔ kɛxwɛdɛdɛ anɛ kemikpɛkpɛ, klɛ ɔtsɔ̃ ɔɔbhɛtɛ gelee ɔdɛ kɛtutɔpu nɛ gɛ ɔbhɛtɛ.

Tɛbubukasɛ 2:9

Inyi ebui nɛ gɛ atrɔ wɔabha anɛ wɔ kitsyui—pɔ ehoeyi alɛ wɔahwɛ! Inyi bagɛ asɛ enu Yuɖanɛ flogo pɛ bedi nu, pɔ be nu Satana oxogokɔvu.