1 Kɔrintioanɛ 7:35 - ONUGBÙ NYƐNYÃ VUVƆ

³⁵ Ɛɖɔ kibui nɛ kɔ wɔnɔ tɛpɛpɛ̃, ganɛ sɛ tɛ ɛtrɔ wunɔ abha, pɔ sɛ tɛ nɔ za kidzo dzyɔgo abha nɛ terikpo mɛ zɛza kɔ Apalete.

1 Kɔrintioanɛ 7:35 ပူးပေါင်းရင်းမြစ်များ

Mateo 19:12

Alasɛ banɔ teli ba ma anyɛmɛ ba mɔa lɛ ana; be teli banɔ ba la bhɛtɛ alɛ ana; klɛ be teli ba dɛ pɛɛ adzɛ tɛgbɛgbanɔ akpɛ owũsise bukusiɔŋakɔ nɛ so. Aanɔ nɛ gɛ aba yɛkɛ kibui nɛɛ tɛ ayɛkɛ lɛ.”

Mateo 22:15

Ɔkɛlɛ Farisianɛ ne koeyi avɛ ada nya nɛ yɛ shu kana gɛ ba ba ga pɛ be be vu yɛ ganɔ yɛnahwɛ ebui ɖuɖɔ mɛ.

Luka 21:34

Nɔ di shuabha, odinuana wunɔ dzyi aba yɛ nɛ̀ butɔ, tɛbubuku, nɛ kifu sisi ɛkpã zɛza, klɛ kiwui lɛlɛ kɛba ba wɔabha nɛ matimati mɛ anasɛ kɛgbatɛtɔ.

Luka 8:14

Eyi nɛ gɛ la dɔ ewui nɛ mɛ alɛ nu bagɛ be nu bui, pɔ gɛ ba vɛ balɛ dzo abha kanɔɛmɛ butɔ, ehoeyi anɛ̀ same kpãwũkpãwũ mumɔ na kpaka lɛ, klɛ la dɛ ba she.

1 Kɔrintioanɛ 7:2

Pɔ gɛ aglɔbui bhɛbhɛtɛ ekpe so nɛɛ, anyɛnyanyɛ adzɛnyadzɛ aza yɛ nahwɛ ahwɛ, klɛ adzɛnyadzɛ anyɛ aza yɛ nahwɛ ahwɛ.

1 Kɔrintioanɛ 7:28

Pɔ onugɛ ɔgbanɔ adzɛ, ɔdɛ bhɛtɛ kibui zizi, klɛ adzɛ gɛ eti nyi anyɛ azanɔ anyɛ, adɛ bhɛtɛ kibui zizi. Pɔ bagɛ ba gbanɛ aglɔ ba ba tsyanɛ butɔ gelee nɛ ɛkpã ɛnɛ mɛ, klɛ ɛba pɛɛ sɛ tɛ ɛbu nɔ nɛ kɛnɛ nɛ mɛ.

1 Kɔrintioanɛ 7:36

Onu gɛ anɔ teli amɔ sɛ ata bhɛtɛ mɔmɔ avɛnɔ adzɛ gɛ eti nyi anyɛ gɛ akpɛ bunuwã kɔ, klɛ onugɛ aganɛ yɛ nɛ agɔ gelee mɛ klɛ amɔ nɛ ishui mɛ sɛ alasɛ tɛ agbanɔ adzɛ, abhɛtɛ anasɛ gɛ apɛɛ. Ataa bhɛtɛ buzizi. Alasɛ tɛ ba gbanɔ aglɔ.

Efesoanɛ 5:3

Pɔ nɛ wɔnɔmɛ nɔ tɛ kɔ lɛ nu aglɔbui bhɛbhɛtɛ kuratsyɛ nɛ wɔnɔ shu, ɔdɔgɔsɛ ɛkpãzizi dinyɛdi, ɔdɔgɔsɛ kɛdɔ gbɛgbla pɛpɛɛ, alasɛ anɛ le nu kɛdɔ kpã kɔ Kpaya yɛ shubhubhui banɔ.

Filipianɛ 4:8

Gɔgɔɛ, badzya mɔ, kɛgɛ nu kɛgbɛagba, kɛgɛ gbɛgbla, kɛgɛ kɛlɛ nu kɛdzyɔgo, kɛgɛ kɛlɛ shu bhui, kɛgɛ kɛlɛ nu anɔɛ bui dɛdɛmɛnɔ, kɛgɛ kɛɛ pudi--onugɛ kɛdɔ tili pɛɛ̃ ɔdɔgɔsɛ kɛlɛ gɛ ba ba kpɛ nɛa bha--bhɛtɛ alɛlɛ nɛɛ di kɛtɔkpu mɛ.

1 Timotio 1:10

kɔ bagɛ ba bhɛtɛ aglɔbui anɛ bagɛ baa ga anɔesi, kɔ bagɛ baa ga anɔdzidzi kedzi anɛ betroni anɛ bagɛ baka atabu pɛ bee hu otro—nɛ kɔ kɛdɔnyɛdɔɛ di gɛ lɛ ɔtɔ kɔ kɛdɔkɛkasɛ dzyɔgo

Titusɛ 2:3

Kana tsyɛ, kasɛ badzɛ shishedɛ nɛ dɔ sɛ tɛ bedzi banɔ gɛ ba ba yɛkɔ tili nɛ balɛ buim nɛ ɛkpã mɛ, sɛ tɛ be ti dzi banɔ gɛ baa ga anɔesi ɔdɔgɔsɛ bulu wɛ̃wɛ̃ gelee, pɔ bakasɛ kɛdɔ nɛ gɛ bɔ.