1 Kɔrintioanɛ 6:9 - ONUGBÙ NYƐNYÃ VUVƆ

⁹ Nɔ tinyi sɛ kɛtɔkpumɛ gɛganɛelete atɛ ba ŋa kededɔ nɛ Kpaya kusiɔŋa kɔ? Nɔ tɛkɔ la wɔɛ nɔ: Aglɔbui bhɛbhɛtɛ pɛnɔ obudisɔlɛ pɛnɔ ɔmɛmɛdɛdɛ pɛnɔ ɔhaglɔ shudɛdɛ pɛnɔ anyɛ anɛ anyɛ tɛzɛza

1 Kɔrintioanɛ 6:9 ပူးပေါင်းရင်းမြစ်များ

Mateo 19:29

Klɛ anɔnyanɔ gɛ atɛ shɛ alɔ bapa, yɛadzyalɛ, yɛadalɛ, yɛaka, yɛeni, yɛeyialɛ, yɛ kaya akpɛ mɛ so, aba yɛkɛ kɛdɔɛ lɛ nɛ ɛzakɔ kɛfɔɛfɔ klɛ aba mɔ ɛkpã gɛ ɛtɛ ba beke.

Mateo 25:34

“Ɔkɛlɛ Ekusi nɛ ebe tsre ɛgɛ li kɛŋa nɛ mɛ asɛ, ‘Nɔ ba, wɔnɔ bagɛ mɛ Aka nɛ atɛ yula, nɔ yɛkɔ wɔnɔ ɔŋakɔ, gɛ bukusiɔŋakɔ nɛ gɛ ba bala lu kɔ nɔ denɔ kanɔ nɛ kesikpɛkpɛ.

Luka 21:8

Ebuilɛnu asɛ: “ Nɔ di ishuabha sɛ ba dɛ wɔɛ nɔ. Alasɛ be gelee aba ɖɔ sɛ, ‘Mɛ nu yɛ,’ klɛ, ‘Kibe nɛ na.’ Nɔ tɛ tɔnɔ alɛ.

Axwɛwɛwa 20:32

“Ɔtsɔ̃ nɛɛ ɛyɛkɔ nɔ kpɛ Kpaya nɛ yɛ ɛyamyuyɔ bui nɛ ahwɛ, gɛ kɛ ba bhɔ nɔ trɔ, klɛ kɛ ba kɔ nɔ ɔŋakɔ nɛ bagɛ balɛ shu la danɛ nɛ shi.

Axwɛwɛwa 24:25

Gɛ Paolo aɖɔ kaɖɔ denɔ tɛzɛzam dzyɔgo, ishua bhaŋɛŋa anɛ kebhui kuklu nɛ ga ba ba, Felikisi esi kifu klɛ aɖɔ asɛ, “Agɛ ɔɖɔa na bɔ gbɔ! Ɔbɔ shɛ faã. Kɛɛ ba dɔ kɔm tsyɛ, ɛba kpɛ anɔ nɛ wɔesi.”

Romanɛ 1:18

Be bu Kpaya obulo nɛ akasɛ denɔ owũsise gɛ ɔlɔ kititi nɛ banɔ nɛ gɛ ba ma nɛ kpaya klɛ ba lɛ nɛ kɛtɔkpum gɛganɛ pɛ be tii kɛgba nɛ akpɛesi ganɔ balɛ atɔkpum gɛganɛ nɛm,

1 Kɔrintioanɛ 15:33

Nɔ tɛ kɔ la wɔɛ nɔ: “Ɔhazizi kpɛkpɛ lɔ zi ɛkpã dzyɔgo.”

1 Kɔrintioanɛ 15:50

Ɛbu tsre nɔ, badzya mɔ, sɛ ishuidzya anɛ dzyosu ba tɛ ba ŋa Kpaya bukusiɔŋakɔ, ɔdɔgɔsɛ kɛgɛ ba zi nɛ ba ŋa kɛgɛ tɛ ba zi.

1 Kɔrintioanɛ 3:16

Nɔ ti nyi sɛ wunɔ nahwɛ no nu Kpaya buvu klɛ Kpaya Ɔfufɔɛ lɔ lɛ wunɔɛ mɛ?

1 Kɔrintioanɛ 5:1

B ɖɔɛ lɛ kɛgbɛagba sɛ aglɔbui bhɛbhɛtɛ akpasɛ wunɔ mɛ, klɛ anɛnɛdi kuratsyɛ lama bagɛ badɛyɛkɛŋa nɛ mɛ: Anɔ eklu yɛ akaedzini.

1 Kɔrintioanɛ 5:10

kanɔa nɛ mɛ banɔ gɛ amɛtsitsi ebui, ɔdɔgɔsɛ badɔŋa gbɛgbla anɛ bagɛ ba wɛa nɔ, ɔdɔgɔsɛ bagɛ ba kpɛtɔkpuesi kɔ kɛdɔbhubhɔ. Nɛ kɛɛ nɛ nɛ di mɛ alasɛ tɛ nɔ shɛ nɛ kanɔa nɛ mɛ.

1 Kɔrintioanɛ 5:11

Pɔ ɔtsɔnɛ ɛŋlɔmɛ sɛsɛ nɔ sɛ nɔ tɔ ganɔ nɛ anɔnyanɔ gɛ ɛklu yɛ shu sɛ adzya pɔ abhɛtɛ aglɔbui pɛnɔ kɛdɔ gbɛgbla pɛpɛɛ, obudielete, anɔshu zizi, eluwɔ̃ɛ pɛnɔ ezi. Anɔa nɛdi tɔ ŋa ɛdɔ kura tsyɛ nɛ yɛ.

1 Kɔrintioanɛ 6:10

pɛnɔ buzi pɛnɔ kɛdɔ pɛpɛɛ pɛnɔ eluwɔ̃ɛ pɛnɔ kɛdɔkukula ba gɛ ba kulɛdɔ nɛ bezi ba tɛ ba mɔ Kpaya kusiɔŋa kɔ nɛ mɛ otsoku.

1 Kɔrintioanɛ 6:18

Shɛnahwɛ aglɔbui bhɛbhɛtɛ shu. Ɛbui kpã bhlatɔ petee gɛ anɔ abhɛtɛ le di de yɛ shuidzya nɛ mɛ, pɔ anɔ nɛ gɛ abhɛtɛ aglɔbui buizizi abhɛtɛ buzizi nɛ yɛ nahwɛ shuidzya shu.

1 Kɔrintioanɛ 6:19

Nɔ ti nyi sɛ wunɔ shuidzya nɛ nu busɔlɛvu kɔ Ɔfufɔɛ Dzyɔgo, gɛ lɔ lɛ wunɔ mɛ, gɛ nɔ yɛkɛ de Kpaya kɔ? Nɔ ma wunɔ ishuahwɛ,

1 Kɔrintioanɛ 9:24

Nɔ ti nyi sɛ nɛ ɛtsrɛmɛ obukɔ banɔ nɛ petee gɛ be be si nɛ ba kpɛsi, pɔ anɔ terikpo ko yɛ aŋa kabha? No bu tɛtsrɛmɛ nɛ kidzo tili lɛabha sɛ tɛ nɔ yɛkɛ kabha ŋɛŋa.

2 Kɔrintioanɛ 12:21

Kifu ku mɛ sɛ kibenɔ nɛ gɛ ɛzɛ ba mɛ Kpaya aba kɔ mɛ shuimɛyɔ nɛ wunɔ amɛ, klɛ ɛba mɔ obulo nɛ banɔ gelee gɛ babhɛtɛ ebuikpã bafla klɛ ba dɛ tsyinɛtɛmɛ nɛ balɛ buzizi nɛ mɛ, badzɛ ebuikpã bhɛbhɛtɛ anɛ ɛkpãzizi zɛza gɛ ba yɛkɔ ishu akpɛ lɛ mɛ.

Galatianɛ 6:7

Nɔ tɛ kɔ la wɔɛ nɔ: Ɔtɛbɔna bugã kpɛ Kpaya. Kɛdɔnɔ nɛ gɛ anɔ aɖa kɛlɛ yɛ etsu.

Koloseanɛ 3:5

Pɔ kɔ butsi, kɛdɛnyɛdɔ gɛ kɛ nu wunɔ kesukpaɛ dɔ: ɔmamɛdɛdɛ, ɛkpãzizi zɛza, kɛdɔ kukuanɔli, ebuizizi bhɛbhɛtɛ anɛ kɛdɔ gbɛgbla pɛpɛɛ gɛ kɛ nu obudi busɔlɛsɔlɛ.

Hebriuanɛ 12:14

Nɔ kpɛemi tɛ nɔ za ishuyuyɔɛmɛ nɛ banɔ petee nɛ tɛ wɔnɔ shubhui, ishu bhuibhui mazɛlɛ mɛ anɔnyanɔ atɛ ba mɔ Apalete.

Hebriuanɛ 12:16

No di klɛ ɔkɔ sɛ anɔnyanɔ atɛ bhɛtɛ azhuzhɔlɛbui, ɔdɔgɔsɛ ansɛ Esao gɛ eti nyi Kpaya, yɛ gɛ nɛ kɛŋɛŋa tirikpo shu so pɛ adɛ yɛ ɔŋakɔ ansɛ eyianyɛ shishe ana.

Hebriuanɛ 13:4

Anɔnyanɔ alasɛ tɛ ayɛkɛ adzɛ gbɛgbanɔ akpɛ lɛ mɛ, klɛ tɛ aglɔ zɛzanɔɛ mɛ bhui, alasɛ Kpaya ebe kluebhui nɛ bagɛ abhɛtɛ aglɔbui anɛ azhuzhɔlɛbui.

Yakobo 1:16

Ba tɛ wɛɛ nɔ, madzyalɛ dzyɔgo mɔ.

1 Yohanɛsɛ 3:7

Banɛvɔ mumɔa, nɔ tɛ kɔ anɔnyanɔ awɔɛ nɔ. Anɔ gɛ abhɛtɛ kɛdɔ dzyɔgo enu anɔ dzyɔgo, anasɛ gɛ Kristo enu adzyɔgo.

Tɛbubukasɛ 21:8

Pɔ efufluni, gɛ ataa yɛkɛaŋa, bagɛ abhɛtɛ atsɔbui, bagɛ eyianɔ, bagɛ abhɛtɛ azhuzhɔlɛbui, bagɛ abhɛtɛ ihuiebui, bagɛ akpɛ kɛtɔkpuesi kɔ kɛdɔbhubhɔ anɛ betroni—balɛ ɛzakɔ nɛ ba za kɛvɔ gɛ tã nɛ kɛlɛ aklãgbu. Kɛɛnɛ kɛlɛ nu butsi bhla.”

Tɛbubukasɛ 22:15

Ɔtsɔ̃ bukudzɔgɛ nɛ li, bagɛ ba bhɛtɛ ihuebui, azhuzhɔlɛ ebui, bagɛ beyianɔ, bagɛ ba bhɛtɛ kɛdɔbhubhɔ anɛ anɔnyanɔ gɛ apɛɛ klɛ abhɛtɛ itrohuhu ebui.