1 Kɔrintioanɛ 6:20 - ONUGBÙ NYƐNYÃ VUVƆ

²⁰ kedzi gbɛgbla ba yɛ kɔ dzi nɔ. Kɛlɛso nɔ kpɛ Kpaya yɛ nyi nɛabha nɛ wunɔ shuidzya.

1 Kɔrintioanɛ 6:20 ပူးပေါင်းရင်းမြစ်များ

Mateo 5:16

Kana kidzoɛ lɛ nɛa bha ke, nɔ kɔ wɔnɔ kifu nɛ deke nɛ banɔa mɛ, sɛ tɛ bamɔ wɔnɔ kibuigba bhɛbhɛtɛ klɛ tɛ ba kpɛ wɔnɔ Aka nɛa bha nɛ owũsise.

Axwɛwɛwa 20:28

No di wɔnɔ shua bha nɛ ibhoshiha nɛ petee gɛ Ɔfufɔɛ Dzyɔgo nɛ ɔbhɛtɛ nɔ sɛ no di ɛlɛa bha. No dzi bagbɛgbanɔ kɔ Kpaya busɔlɛha, gɛ edzi nɛ yɛnahwɛ dzyosu.

Romanɛ 12:1

Klɛso nɛɛ, badzya mɔ, itsre nɔ sɛ, nɛ Kpaya eshutukubui didi mɛ, tɛ ayɛkɔ wɔnɔ shuidzya ansɛ ishuyɛyɛkɔ tsye gɛ lɛ nɛ ɛkpã, gɛ ɛlɛshubhui klɛ kɛku Kpaya awɔ̃, kɛlɛ nu wɔnɔ ɔfufɔɛ mɛzɛza kɛtɔkpuesi kpɛkpɛ.

Romanɛ 6:19

Ɛɖɔ kibui nɛ anɔdzyrame dzoenu alasɛ nɔ ma kemi nɛ wɔnɔ nahwɛshum. Anasɛ gɛ nɔɔ yɛkɔ wɔnɔ shu bupɛ nɛ ɔkpɛ anɔdzidzi mɛ ɔkɔ bumabhui mabhui klɛ tɛ no zo wunɔ kɛtɔkpum gɛganɛa bha, so ɔtsɔ̃ nɔ yɛkɔ ɛlɛ ɔkpɛ anɔdzidzi mɛ ɔkɔ tɛnɛnamɛzɛza kɔ ishubhubhui.

1 Kɔrintioanɛ 10:31

So kɛbɛlɛmɛ sɛ ɔŋa o, ɔwɔɛ̃ ɔdɔgɔsɛ kɛdɔnyɛdɔ wɔ ɔbhɛtɛ, bhɛtɛ lɛ petee ɔkɔ Kpaya yɛ kabhakpɛkpɛ.

1 Kɔrintioanɛ 7:23

Bɛ dzi nɔ nɛ̀ kɛdzi ŋɛŋa, nɔ tɔ dzi banɔ anɔdzidzi.

Galatianɛ 3:13

Kristo ebu lɔ denɔ kibuiɖɛɖɔ kpɛ anɔ nɛ ɔshã nɛ mɛ gɛ lɔ mɛna kibuiɖɛɖɔ kpɛ anɔ kɔ lɔ, alasɛ ba ŋlɔmɛ elu asɛ: “Kibuiɖɛɖɔ kpɛ anɔ kɛ nu anɔnyanɔ gɛ ba kpɛ kihuioli kɔ yɛ nɛ osi shu.”

Filipianɛ 1:20

Ɛpɛɛ gɛganɛ klɛ idi kidzoenu sɛ kɛwɔɛ̃ tɛ baku mɛ nɛ kidzonyɛdzo abha, pɔ ɛba za kitekpɛkpɛ abha gelee sɛ tɛ ɔtsɔ̃ nɛɛ anasɛ gɛ Kristo aba nyɛmɛ nɛ mɛ mɛ kibenyɛbe, onu sɛ ɛkpã mɛ ɔdɔgɔsɛ butsi mɛ tsyɛ.

Hebriuanɛ 9:12

Editsoku nɛ bepidzya anɛ banɛtsyɔɛeyi dzyosu, pɔ butsoku trukpo ko etsoku Ɔzakɔ Dzyɔgo Ɖɛɖamadɛ ganɔ yɛ nahwɛ dzyosua bha, kɛlɛmɛ ayɛkɛ tɛ bhubhuiyɛkɛ mabeke kɔ lɔ.

1 Petro 1:18

Alasɛ nɔ nyi sɛ ganɛ nɛ́ kɛdɔzizi anasɛ sɛkafrɛrɛ pɛnɔ sɛkadzɛdzã gɛ ba yɛkɔ ayɛkɛ nɔ nɛ́ kɛdzo kpɛkpa ɛkpã gɛ ba shɛnahwɛ elu kɔ nɔ denɔ wũnɔ bakashishe be.

1 Petro 2:9

Pɔ wũnɔ nu banɔ kuklu, bukusiupa kpayazakɔanɔ, amɛbhubhui madi, anɔ gɛ enu Kpaya ayɛ, gɛ nɔ bɔ buɖɔ yɛ tɛkpɛkpɛ abha gɛ eklu nɔ denɔ otumu mɛ akpɛ yɛ kibui yinanɔ obhubhuikɔ.

2 Petro 2:1

Pɔ itro batɔnu tsyɛ baza banɔ nɛ shi, anasɛ gɛ itro badɔkasɛ ba baza wũnɔɛ mɛ. Ba ba ga tɛkpukpuimɛ amɛna butsi kɛdɔkɛkasɛ, kuratsyɛ ba ba dɛada nɛ́ Apalete nɛgɛ edzi alɛ—bamɛna butsi zia nɛ balɛ nahwɛ shu.

Tɛbubukasɛ 5:9

Klɛ ba zha ɔdzɛ vuvɔ: “Wɔ ɔna sɛ tɛ ɔyɛkɔ kazaplukpa tɛ ɔdanɛ kalɛ badɛda, alasɛ be yi wɔ, klɛ ɔyɛkɔ wɔ dzyosu odzi banɔ kɔ Kpaya denɔ kɛmadi nɛ bunuhu kanyaka mɛ anɛ banɔ nɛ amadi nɛ mɛ.