1 Kɔrintioanɛ 6:19 - ONUGBÙ NYƐNYÃ VUVƆ

¹⁹ Nɔ ti nyi sɛ wunɔ shuidzya nɛ nu busɔlɛvu kɔ Ɔfufɔɛ Dzyɔgo, gɛ lɔ lɛ wunɔ mɛ, gɛ nɔ yɛkɛ de Kpaya kɔ? Nɔ ma wunɔ ishuahwɛ,

1 Kɔrintioanɛ 6:19 ပူးပေါင်းရင်းမြစ်များ

Yohanɛsɛ 2:21

Pɔ kpayavu nɛ bui gɛ aɖɔ, kɛlɛ nu yɛ ishuidzya.

Romanɛ 8:9

Wɔnɔ, pɔ nɛɛ, tɛzɛzamkpã nɛ tɛ ŋa nɔa bha, Ɔfufɔɛ nɛ ɔlɛ ɔŋa nɔa bha, onu gɛ Kpaya Ɔfufɔɛ nɛ ɔlɛ wɔnɔ mɛ. Klɛ onu gɛ anɔ teli Kristo Ɔfufɔɛ nɛ ɔma yɛ mɛ, edi nu Kristoa yɛ.

1 Kɔrintioanɛ 3:16

Nɔ ti nyi sɛ wunɔ nahwɛ no nu Kpaya buvu klɛ Kpaya Ɔfufɔɛ lɔ lɛ wunɔɛ mɛ?

1 Kɔrintioanɛ 6:13

“Kɛŋɛŋa lɛ kɔ ɛyá klɛ ɛyá lɛ kɔ kɛŋɛŋa”—pɔ Kpaya ebe zi kɛlɛ tɛbha. Ba dɛ bhɛtɛ ishuidzya sɛ lɛ dzi aglɔbui bhɛbhɛtɛ, pɔ kɔ Apalete, klɛ Apalete kɔ ishuidzya.

1 Kɔrintioanɛ 6:3

Nɔ tinyi sɛ bulɔ ba klu bhui nɛ kpaya baxwɛdɛ? Kɛlɛ kanɔa nɛ mɛayɛ nɛ xũ xɔ̃!

2 Kɔrintioanɛ 5:15

Klɛ etsi nɛ bulɔ petee tɔkpu, sɛ ba gɛ alɛ ba ta za kɔ balɛnahwɛshu ko pɔ agɛ etsi nɛ balɛ tɔkpu, klɛ ba za nyɛmɛ yɛ tite tɔkpu.

2 Kɔrintioanɛ 6:16

Tɛnyɛnya ɖueɖu kɛlɛ lɛ Kpaya busɔlɛvu anɛ̀ obudi shu? Alasɛ bulɔ nu Kpaya lulu busɔlɛvu. Anasɛ gɛ Kpaya aɖɔ, “Ɛba za nɛ alɛ klɛ ɛba ga nɛ balɛ shi, klɛ ɛba dzi balɛ Kpaya, klɛ ba be dzi mɛ banɔ.”

Titusɛ 2:14

gɛ ayɛkɔ yɛ shu akɔ nɛ bulɔɛ tɔkpu sɛ tɛ ebu lɔ edenɔ kɛtɔkpum gɛganɛ petee mɛ tɛ epulu banɔ nɛ gɛ enu yɛnahwɛ ayɛ nɛ akɔ shu, gɛ ba pɛa sɛ tɛ ba bhɛtɛ kɛgɛ nu kɛdzyɔgo.

Yakobo 4:5

Pɛnɔɔ nɔ bhɛtɛ kɛtɔkpum sɛ buwã nɛ kuwã Kɛdɔŋuŋlɔmɛ nɛ ɖɔ sɛ ɔfufɔɛ nɛ gɛ ba kɔ sɛ lɔ za lɔ mɛ nɛ lɔ lɛ nɛ kawɔ̃kpɛ gɛganɛɛ?

1 Petro 2:5

wũnɔ tsyɛ anasɛ ɛkpã aklaŋgbu, ba yɛ kɔ nɔ edzu akpɛ ɔfufɔɛ buvu sɛ tɛ bu dzi kpayazakɔanɔ kɛxwɛwɛwa, ɔfufɔɛmɛ dɔ gɛ bakɔ kɔ bugu gɛ kɛku Kpaya aŋɔ ɔganɔ Yesu Kristo abha.