1 Kɔrintioanɛ 6:11 - ONUGBÙ NYƐNYÃ VUVƆ

¹¹ Kana wunɔ mayɛ teli nɔ za. Pɔ be plu nɔ shu, bakɔ wunɔ shubhui klɛ be bu nɔnu nɔ nɛ Apalete Yesu Kristo nɛ bulɔ Kpaya Ɔfufɔɛ nɛ mɛ.

1 Kɔrintioanɛ 6:11 ပူးပေါင်းရင်းမြစ်များ

Mateo 20:4

Klɛ etsre balɛ asɛ, ‘Wɔnɔ tsyɛ nɔ vɛ tɛ nɔ dɔ wa kɛxwɛ nɛ mɛ buya nɛ mɛ, tɛ ɛba buya kɛbhɛ nɔɔ nɛ gɛ dzyenɔ nɛ ɛkɔ nɔ.’

Luka 18:14

‘Etsre nɔ se anyanɛ, anɛ Farisi anyɛ, avɛ bupa mɛ ɛku Kpaya awɔ̃. Alasɛ anɔnyanɔ gɛ efeke shu ba bɛ zhinɔ yɛ, agɛ ezhinɔ shu ba be feke yɛ owunɔ.”

Yohanɛsɛ 13:10

Yesu ebuilɛnu asɛ, “Anɔ nɛ gɛ ewulu butsrukpɔ ko ezɛe plu, yɛ shu petee yi. Klɛ no yi, kɛlɛlɛmɛ sɛ anɛ anɔnyanɔ nɛ wunɔɛ mɛ yɛ yi.”

Yohanɛsɛ 13:8

Petro ɛtsre yɛ asɛ, “Ao, ɔtɛ bɔ plu mɛ butsurukpɔ di.” Yesu ebuilɛnu asɛ, “Ɛdɛ plu wɔ shu oti bo dzi mɛ adɔkpasɛ.”

Yohanɛsɛ 5:4

Denɔ kibe ɔvɛnɔ kibe Apalete axwɛdɛ aba be zhiku klɛ aba hwanɛ beni nɛ mɛ. Anɔ tɛtɔpu nɛ gɛ ebetsoku kɛvɔ nɛ mɛ gɛ ba hwanɛ lɛ aba lɔ nɛ bunyã nɛ mɛ.

Axwɛwɛwa 13:39

Ganɔ yɛa bha nɛ anɔnyanɔ gɛ ayɛkɛ aŋa nɛɛ ba bhɛtɛ yɛ ana ganɔ kidzonyɛdzoa bha gɛ nɔ tɔ na nɛ Mose ɔshã nɛ nu flogo.

Axwɛwɛwa 22:16

Klɛ ɔtsɔ̃ nɛɛ kide oko dzi opo? Vu lɔ, tɛ ɔyɛkɛ bunikpɛkpɛ tɛ oplu wɔ buzizi nɛ ɔtɛ̃ɛ, ganɔ yɛ kinyi kuklu mɛ.’

Axwɛwɛwa 26:18

sɛ tɛ ɔdɔ danɛ balɛ awɔ̃hũ tɛ otsyina lɛ odenɔ otumum ɔkɔ vɛnɔ kelidɛdanɛ mɛ, anɛ denɔ Satana kemi mɛ ɔvɛnɔ Kpaya ɔkɔ, sɛ tɛ ba yɛkɛ buzizi tɛyɛyɛkɔ tsye nɛ ɔzakɔ mumɔ nɛ bagɛ balɛ shu la tɛ danɛ nɛ shi ganɔ tɛyɛyɛkɛŋa nɛ mɛmɛ.’

Romanɛ 3:24

klɛ ba tɛ mɔ tɛwũwũse ganɔ yɛ eshutukubui didi mɛ ganɔ Yesu Kristo anɔ bhubhuiyɛkɛ mɛ.

Romanɛ 4:5

Pɔ nɛɛ, anɔ nɛ gɛ atɛ wa kɛxwɛ pɔ ayɛkɛ Kpaya nɛ gɛ aadanɛ kɛtɔkpum gɛganɛelete shua bha ŋa, yɛ tɛyɛyɛkɛŋa ba yɛkɔɛ lɛ akɔɛ ansɛ tɛnɛna.

Romanɛ 5:1

Kɛlɛso nɛɛ, gɛ ba tɛ danɛ bulɔ shu ganɔ tɛyɛyɛkɛŋa mɛ, ishuyuyɔ lɛ kɔ lɔ plɛnɔ Kpaya ganɔ bulɔ Apalete Yesu Kristoa bha,

Romanɛ 5:9

Ɔtsɔ̃ nɛ gɛ ba tɛ danɛ lɔ shu ganɔ yɛ dzyosu nɛ mɛ, kɛlɛ kɛ zɛ ba za sɛ be tee bulɔ edenɔ Kpaya obulo nɛ mɛ ganɔ yɛa bha!

Romanɛ 8:30

Klɛ bagɛ atɛ bala elu, balɛ tsyɛ ekulu; bagɛ ekulu, adanɛ balɛ shu tsyɛ; bagɛ balɛ shu adanɛ, ebhuialɛ shu tsyɛ.

Romanɛ 8:33

Anee gɛ aba yɛkɔ kibui tili nɛ bagɛ Kpaya eti bu nɛ shu? Kpaya ya danɛ anɔ shu.

1 Kɔrintioanɛ 1:2

Kɔ Kpaya busɔlɛɔha nɛ Kɔrint, kɔ bagɛ balɛ petee ba bhɛtɛ alɛ shu bhui nɛ Kristo Yesu mɛ klɛ be klu tɛ balɛ shu bhui, ɔyɛkɔ plɛnɔ nɛ balɛ petee nɛ ɔkɔnyɔkɔ gɛ be klu aganɔ bulɔ Apalete Yesu Kristo yɛ nyi nɛabha—balɛ Apalete nɛ bulɔ ayɛ nɛ shu bhubhui gɛ be nu yɛ ayɛ anɛ Kristo Yesu, ɔplɛnɔ bagɛ be de ɔkɔnyɔkɔ gɛ be klu Apalete Yesu Kristo yɛ nyi mɛ— balɛ Apalete nɛ bulɔ ayɛ:

1 Kɔrintioanɛ 1:30

Alasɛ yɛ so gɛ nɔ lɛ Kristo Yesu mɛ, gɛ ebedzi kibuinyinyi gɛ de Kpaya ɔkɔ kɔlɔ—kɛlɛ nu, bulɔ tɛnɛna, ishubhubhui anɛ tɛbhubhuiyɛkɛ.

1 Kɔrintioanɛ 12:2

Nɔ nyi sɛ kɛlɛbe gɛ nɔ kpɛ kɛtɔkpuesi kɔ ibuidi, nɛ kidzo tiliabha pɛnɔ kɛbhlatɔ ba wɔɛ nɔ alɛla klɛ ba gbanɛ nɔ avɛnɔ ibuidielete kɔ klɛ nɔ kpɛ kɛtɔkpuesi kɔ banɔ bhubhɔ gɛ bata ɖɔaɖɔ.

Galatianɛ 2:16

nɔ ti sɛ be te bu anɔ butsya nɛ ɔshã abha abhɛbhɛtɛ, pɔ nɛ Yesu Kristo tɛyɛyɛkɛŋa abha. So bulɔ, tsyɛ, bu kpɛ bulɔ tɛyɛyɛkɛŋa nɛ Kristo Yesu mɛ tɛ bu ba ŋa butsya nɛ Kristo mɛ klɛ anɛ ɔshã nɛabha bhɛbhɛtɛ, alasɛ nɛ ɔshã nɛabha bhɛbhɛtɛ anɔnyanɔ atɛ ba ŋa butsya.

Galatianɛ 3:11

Kɛlɛmɛ bhui sɛ bedi bu anɔnyanɔ butsya nɛ Kpaya amɛ nɛ ɔshã nɛ shu, alasɛ, “Anɔnɛna aba za nɛkpã ganɔ tɛyɛyɛkɛŋa mɛ.”

Galatianɛ 3:24

Kɛlɛso ba kpɛ ɔshã sɛ tɛ lɔza bulɔ nu tɛ lɔ gbanɛ lɔ vɛnɔ wɔnɔ Kristo ɔkɔ tɛ be bhutsya anɛ tɛyɛyɛkɛŋa abha.

Galatianɛ 3:8

Kpaya kɛplukpa kamɔ ɖɔ sɛ Kpaya ebe butsya kɔ bagɛ bedinu Yuɖanɛ ɔganɔ tɛyɛyɛkɛŋa abha, klɛ eputɔ aɖɔ kibui dzyɔgo kɔ Abraham: “Ba bayula amadi petee aganɔ wɔabha.”

Efesoanɛ 5:26

tɛ akɔ ɛlɛshu bhui, eplu ɛlɛshu nɛ buni tɛwuwlu ɔganɔ kibui nɛabha,

Efesoanɛ 5:8

Alasɛ kibe tili nɔ tɛ dzi otumu, pɔ ɔtsɔnɛ nɔ tã anasɛ kifu nɛ Apalete nɛ mɛ. Nɔ za anasɛ kifu mɛ beyi

2 Tɛsolonianɛ 2:13

Pɔ alasɛ tɛ kibenyɛbe buhu Kpaya ahwɛ nɛ nɔɛ tɔkpu, badzya gɛ Apalete nɛ aɖɔ, alasɛ denɔ kesikpɛkpɛ Kpaya ekulu nɔ sɛ tɛ be bu nɔ ganɔ Ɔfufɔɛ nɛ kɛxwɛ shu dɛdanɛ nɛ ganɔ kɛgba nɛa bha yɛyɛkɛŋa mɛ.

Hebriuanɛ 10:22

nɔ kɔlɔ tsobunɔ Kpaya nɛ idzyi dzyɔgo anɛ́ tɛyɛyɛkɛŋa petee, nɛ kibe lɛ mɛ gɛ ba wanya kɛdɔnɔ nɛ gɛ ba pulu bulɔ idzyi nɛ bu nɛ kɛpɔŋɛŋa kɛtɔkpum bhɛbhɛtɛ anɛ bulɔ ishuidzya nɛ tɛpupulu nɛ buni gɛ bhui.

Hebriuanɛ 10:29

Kɛlɛ lɛ nu anɔ teli etiti ɔtsɛrɛ nɛ Kpaya yɛ Yi abha, gɛ amɔ onugbunyɛnya dzyosu gɛ lɔ plu yɛ shu anasɛ kɛdɔ gɛ kɛlɛ shu dɛbhui, gɛ akula ɛyɛmɛyuyɔ anɔ Ɔfufɔɛ kideso gɛ bata tɛta yɛ batɔ gɛganɛ?

Hebriuanɛ 2:11

Anɔ nɛ gɛ abhɛtɛ banɔ pɛ balɛ shu bhui anɛ bagɛ abhɛtɛ pɛ balɛ shu bhui nɛ petee benu bupa turukpom banɔ. So kɛwɛ̃ tɛ ku Yesu sɛ tɛ eklualɛ asɛ yɛadzyalɛ.

1 Petro 1:2

gɛ be klu nɛ́ Kpaya Aka yɛ dɔdidi kpɛ otugba, ganɔ Ɔfufɔɛ nɛ kɛxwɛwɛwa nɛ shu dɛdanɛ kɔ batɔ tɛta Yesu Kristo klɛ nɛ yɛ dzyosu tɛtɛta balɛ: Kɛdɔkukɔ anɛ ishuyuyɔ dzi wɔnɔɛ yɛ nɛ tɛkpikpe mɛ.

1 Petro 1:22

Ɔtsɔnɛ gɛ nɔ tɛ plu shu ɔganɔ batɔ tɛta kɔ kibui gbɛagba sɛ tɛ nɔ yɛkɛ tɛdɛdɛmɛnɔ mumɔ kɔ wũnɔ adzyalɛ, tɛdɛdɛmɛnɔ nɛ ɔhaglɔ globoo, denɔ idzyi nɛ mɛ.

1 Petro 3:21

klɛ buni nɛ bu ba dzi bunikpɛkpɛ gɛ ɔtsɔnɛ bubhui nɔ tsyɛ ɔyɛkɛ—ganɛ kibo bubu nɛ ishuidzya shu pɔ tɛtɛtrɔ ɛkpã dzyɔgo zɛza kɔ Kpaya. Kɛ yɛkɛ kɔ nɔ ganɔ Yesu Kristo yɛ tɛnyɛnyɛmɛ denɔ bekpuimɛ,

1 Yohanɛsɛ 2:12

Ɛŋlɔmɛ kɔ nɔ, banɛvɔ mumɔa, alasɛ ba yɛkɔ wũnɔ buzizi etsye nɛ yɛ nyi nɛ so.

Tɛbubukasɛ 1:5

anɛ denɔ Yesu Kristo ɔkɔ, gɛ yɛ enu ebuimɔɖɔ kɛgbɛagbayɛ, eyitutɔpu nɛ gɛ ba mɔ denɔ bekpu nɛ mɛ, anɛ agɛ yɛ aŋa bekusi nɛa bha anɛ kesukpa nɛa bha. Kɔ agɛ yɛa dɛmɛ lɔɛ bui klɛ ebu lɔ edenɔ bulɔ buzizi mɛ ganɔ yɛ dzyosu mɛ,

Tɛbubukasɛ 7:14

Ibui lɛ nu asɛ, “Apalete, onyi.” Klɛ aɖɔ asɛ, “Banɛ balɛ nu bagɛ de ekoeyi nɛ butɔ gbla nɛ mɛ; be ti plu balɛ bawidzidze klɛ ba bhɛtɛ alɛ le fuli nɛ Obhoshieyi nɛ dzyosu mɛ.