1 Kɔrintioanɛ 4:6 - ONUGBÙ NYƐNYÃ VUVƆ

⁶ Ɔtsyɔnɛ badzya mɔ, ɛbhɛtɛ ebuianɛ kɔ mɛ shu kɔ wunɔ tɛpɛpɛ̃, sɛ tɛ nɔ kpasɛ dɔ denɔ bulɔ kɔ kesibubu kɔ kibui ɖɛɖɔɛ nɛ, gɛ kɛɖɔsɛ, “Tɛ̀ gafla kɛgɛ ba ŋlɔmɛ nɛ ede,” Ɔkɛlɛ nɔ tɛ bɔ yɛkɔ ishufifeke nɛ́ anɔ teli adɛ yɛ ɔhaglɔ.

1 Kɔrintioanɛ 4:6 ပူးပေါင်းရင်းမြစ်များ

Axwɛwɛwa 18:24

Nɛ kibe lɛlɛ nɛ mɛ nɛ Yuɖaeyi teli gɛ be klu asɛ Apollosɛ, gɛ ede Alɛxandria, nɛ ebe ku Efesos. Edzi anɔ gɛ akpasɛdɔ, nɛ kibuititi denɔ Kpayɛbui ŋuŋlɔmɛ nɛ shu mɔɔ mɔ.

Axwɛwɛwa 19:1

Nɛ kibe lɛ nɛ gɛ Apollosɛ aza Kɔrintio, Paolo xũ na da ga kɛmɛ mɛ kidzo klɛ ede ku Efeso. Ɛkɛlɛ nɛ atsyanɔ badɔkpasɛ teli

Romanɛ 12:3

Alasɛ ganɔ eshutukubui didi nɛ gɛ ba kɔm mɛ ɛɖɔ tsre wɔnɔmɛayɛ kanyaka sɛ: Nɔ tɔɔ di wɔnɔ shu nɛ ɔsɛ nɔ ɖama dɛ kana gɛ alasɛ tɛ nɔ za, pɔ no bui tɔkpum nɛ wɔnɔ shu nɛ ishubububɔ kebhuikuklum, ansɛ gɛ tɛyɛyɛkɛŋa tɛdzidze nɛm gɛ Kpaya akɔ nɔ.

1 Kɔrintioanɛ 1:12

Kibui nɛ gɛ ɛɖɔ klɛ nu sɛ: wunɔ mayɛ teli aɖɔ sɛ, “Ɛlɛ Paolo ede”, anɔbhlatɔ, “Ɛlɛ Apolo ede”, abhlatɔ, “Ɛlɛ Kefas ede”; abhlatɔ tsyɛ asɛ “Ɛlɛ Kristo ede.”

1 Kɔrintioanɛ 1:19

Alase ba ŋlɔmɛ elu asɛ: “Ɛba zi bebuiti balɛ kibuinyinyi, klɛ ɛba futsu kibuiesinunu kɔ bebuiesinunu,”

1 Kɔrintioanɛ 1:31

Kɛlɛ so anasɛ gɛ ba ŋlɔmɛelu: “Kɔ agɛ efekeshu èfekeshu nɛ Apalete nɛ mɛ.”

1 Kɔrintioanɛ 13:4

Tɛdɛdɛmɛnɔ nu idzyiyuyɔ, tɛ dɛdɛmɛnɔ nu ɛyɛmɛyɛyɔ. Kɛ dɛ nu kabhawɛwlãkɛ, klɛ kɛ dɛ nu ishu fifeke.

1 Kɔrintioanɛ 3:19

Alasɛ kanɔa nɛ mɛ buititi ke nu bugã dɛdɔ nɛ́ Kpaya amɛ. Anasɛ gɛ ba ŋlɔmɛ elu: “Evu bebuiti nɛ balɛ ebui bhɛbhɛtɛ mɛ”

1 Kɔrintioanɛ 3:21

Kɛlɛso ishu fifeke ta za nɛ banɔ shu! Kɛdɔnyɛdɔ kɛ nu wɔɛ yɛ,

1 Kɔrintioanɛ 5:2

Klɛ nɔ feke shu! Kide pɛ kɛ taa trɔ wɔnɔa bha pɛ no bo bu anɔa lɛ nɛɛdi nɛ ɔkasɛ?

1 Kɔrintioanɛ 5:6

Wunɔ ishufifeke nɛ mɛtã. Nɔ tɛ nyi sɛ bunayekedɔ bhliyi ba kpɛ nɛ ko bakpɛ nɛ mawɛ gelee mɛ?

1 Kɔrintioanɛ 8:1

Ɔtsɔnɛ denɔ kɛŋɛŋa gɛ ba kɔ kɛdɔbhubhɔ shu: Bunyi sɛ, bulɔ petee kibuititi lɛ bu lɔ ahwɛ. Kɛbuititi kɛ koeyi, pɔ tɛdɛdɛmɛnɔ kɛbhɔ trɔ.

1 Kɔrintioanɛ 9:23

Ɛbhɛtɛ ebui anɛ petee nɛ kibui dzyɔgo nɛ tɔkpu, sɛ tɛ ɛba mɔ kapɛ nɛ tɛ yuyula nɛ gɛ lɛ kɛlɛ mɛ.

2 Kɔrintioanɛ 10:12

Bu dɛ pɛɛ sɛ tɛ bu kla shu pɛnɔ buyɛkɔ bulɔshu sɔnɔ beteli gɛ bakpɛ balɛshu nɛabha. Kibenɔ nɛ gɛ ba da balɛshu edi nɛ balɛshu klɛ ba yɛkɔ balɛshu asɔnɔ balɛshu, beti nyi bui.

2 Kɔrintioanɛ 10:15

Ɔdɔgɔsɛ bu ga dɔflaɛdzo kɛ lɛ gɛ kɛ lɛ nɛ ishufifeke kɔ kɛxwɛ gɛ bhlatɔ bawa. Bulɔ kidzoenudidi kɛlɛ nu sɛ, anasɛ gɛ wunɔ tɛyɛyɛkɛŋa vɛlɛabha gɛ kɛ she, bulɔ axwɛwɛwa nɛ wɔnɔ mɛ laba nɛ atrɔ gelee,

2 Kɔrintioanɛ 10:7

Nɔ di ebui nɛ kabhaɛdɔ kɔ ko. Onugɛ anɔteli ayɛkɛ shuabhaŋa sɛ Kristo ayɛ yɛ enu, alasɛ tɛ etsodzi avɛ ishu mɛ sɛ bunu Kristo ayɛ anasɛ gɛ enu.

2 Kɔrintioanɛ 11:4

Alasɛ onugɛ anɔteli aba wunɔ kɔ klɛ aba ɖɔaɖɔ denɔ Yesu teli shu ɔyɛkɔ dɛ Yesu nɛ gɛ yɛ shuibui lɔ ɖɔ, ɔdɔgɔsɛ onugɛ nɔ yɛkɛ ɔfufɔɛ bhlatɔ toli ɔyɛkɔ dɛ ɔgɛ ɔlɛ nɔ yɛkɛ, ɔdɔgɔsɛ kibui dzyɔgo bhlatɔ gɛ ga ɔtɔ nɛ kɛgɛ nɔ yɛkɛ nɛ shu, wɔnɔ nɔ yɛkɔɛ lɛ bhɔnɔ mɔmɔ.

2 Kɔrintioanɛ 12:19

No bui tɔkpuimɛ kibenyɛbe sɛ bu wlãnkɛ bulɔnahwɛ shu kɔ nɔ? Bu ɖɔaɖɔ nɛ Kpaya amɛ anasɛ bagɛ ba lɛ nɛ Kristo, klɛ kɛdɔnyɛdɔ gɛ bu bhɛtɛ, mɛ ɔbhɛalɛ mɔ, wunɔ tɛ gɛganɛ so gɛ bu bhɛtɛ lɛ.

2 Kɔrintioanɛ 12:20

Alasɛ isifu sɛ kibenɔ nɛ gɛ ɛba ɛtɛ ba mɔ nɔ anasɛ gɛ ɛpɛɛ sɛ tɛ nɔ za, klɛ nɔ tɛ bɔ mɔ mɛ anasɛ gɛ nɔ pɛɛ sɛ tɛ ɛza. Isifu sɛ ebla pɛpɛɛ, kabhawuwlãnkɛ, obulo gɛganɛ mumɔ, kɛdɔ wuwlãnkɛ, kɛdɔ kukula, aglɔ shuibui ɖɛɖɔ, ishu fifeke anɛ aglɔ shu zizi.

2 Kɔrintioanɛ 12:6

Onugɛ ɛba yɛkɔ sɛ tɛ ɛfekeshu tsyɛ, ɛtɛ ba dzi agã, alasɛ ba zɛɖɔ kɛbui gbɛagba. Pɔ ɛba zukɔlɔ, sɛ tɛ anɔnyanɔ atɛ ba yɛkɔ mɛ sɛ ɛɖama dɛ gɛ ba kɔɛdzo nɛ kɛgɛ ɛbhɛtɛ pɛnɔ kɛ gɛ ɛɖɔ.

2 Kɔrintioanɛ 4:15

Anɛ petee lɛ nu wunɔ tɛpɛpɛ̃, se tɛ kɛdɔkukɔ gɛ kɛnanɛ lɔ gelee klɛ banɔ gelee ba bakɔ ahwɛhuhu be yukuagbɛgba kɔ Kpaya kabhaŋɛŋa.

Koloseanɛ 2:18

Nɔ tɛ kɔ anɔnyanɔ gɛ akasɛ ishu sɛ yɛ adɛ klɛ nɛ busɔlɛsɔlɛ kɔ kpaya baxwɛdɛ kɔsɛ ɔdɛŋa abha. Anɔa nɛɛ di avɛ ebui gbɛgbla ɔɖɔ kɔ denɔ agɛ amɔ, klɛ yɛ ɔfufɔɛ maza tɔkpuimɛ kɔ yɛ efekeshu nɛ ebui bhɛbhɛtɛ.

1 Tɛsolonianɛ 1:5

alasɛ bulɔ kibuidzyɔgo nɛ dɛ ba kɔ nɔ bubɔɛbɔɛ ganɔ kaɖɔɖuɖɔm, pɔ ganɔ kemi mɛ tsyɛ, anɛ Ɔfufɔɛ Dzyɔgo nɛ awɔ̃kuku dzudzu mɛ. No nyi kana gɛ bu za wɔnɔɛ shi nɛ wɔnɔɛ tɔkpu so.

2 Timotio 2:10

Kɛlɛ so ɛdzrɔ nɛ kibuinyɛbui nu nɛ agɛ be kulu nɛ tɔkpu, sɛ tɛ balɛ tsyɛ ba mɔ tɛbubu nɛ gɛ kpasɛ Kristo Yesu mɛ, ɔplɛnɔ ɔfufɔɛ mɛ ishubhubhui.