1 Kɔrintioanɛ 4:4 - ONUGBÙ NYƐNYÃ VUVƆ

⁴ Mɛ ebui mɛ ebhui, pɔ kɛdɛ kasɛ sɛ ɛma lɛ mɛ. Apalete yɛ klu kebhui nɛ mɛ.

1 Kɔrintioanɛ 4:4 ပူးပေါင်းရင်းမြစ်များ

Yohanɛsɛ 21:17

Butramɛ aza ɖɔ tsre asɛ, “Simɔnɛ Yohanɛsɛ yɛ eyi, ɔdɛmɛ mɛ bui xã?” Kɛ puɛ Petro alasɛ butramɛ nyɔ na gɛ Yesu ebisi yɛ bui nɛ sɛ, “Ɔdɛmɛ mɛ bui?” Aɖɔ sɛ, “Apalete, ɔnyi ebui nɛ petee; onyi sɛ ɛdɛmɛ wɔɛ bui.” Yesu aɖɔ sɛ “Kɔ mɛ ibhoshi nɛ kɛdɔŋɛŋa.

Axwɛwɛwa 23:1

Paolo edi bebhuiklu nɛ amɛ klɛ aɖɔ sɛ, “Madzyalɛ mɔ, ɛtɛ wa mɛ kɛxwɛ nɛ gɛ Kpaya atrɔ kɔ mɛ nɛ mɛ idzyi petee ɔbɔ tɔnɔ obo wi.”

Romanɛ 2:13

Alasɛ ganɛ banɔ nɛ gɛ be nu ɔshã nɛ balɛ enu banɔnɛna nɛ Kpaya amɛ, pɔ ba gɛ balɛ abhɛtɛ atrɔ ɔshã nɛa bha balɛ la ba ɖɔ sɛ be nu banɔnɛna.

Romanɛ 4:2

Onu, nɛ kɛgba mɛ, ba danɛ Abraham shu nɛ yɛ axwɛwɛwa mɛ, kɛdɔ tili za yɛahwɛ gɛ ebe feke shu akɔ— pɔ ganɛ nɛ Kpaya amɛ.

1 Kɔrintioanɛ 4:3

Kɛ nu kibui bhliyi kɔ mɛ onugɛ wunɔ pɛnɔ Anɔdzyrame kebhui kanyaka, nɛlɛmɛ, ɛtɛ klu kebhui nɛ mɛnahwɛ kuratsyɛ.

1 Kɔrintioanɛ 4:5

Kɛlɛso tɛ klu kebhui nɛ kɛdɔnyɛdɔ flogo gɛ kibe nɛ ba na, za po ɔdɔtɔnɔ kibe gɛ Apalete aba ba. Ebe bu amɛna ɔtɔ kɛgɛ be kpu nɛ otumui mɛ klɛ abe bu eyinɔ kɛgɛ kpasɛ Anɔdzyrame idzyi mɛ. Kibe lɛlɛ anɔnyanɔ aba yɛkɛ yɛ kabhakpɛkpɛ denɔ Kpaya kɔ.

2 Kɔrintioanɛ 1:12

Ɔtsɔ̃nɛ kɛnɛ kɛlɛ nu bulɔ ishufifeke: Bulɔ tɔkpuimɛ tsre lɔ sɛ bu nyɛna shu nɛ kanɔ nɛ mɛ, klɛ ɔyɛkɔdɛana terikpo bhɛbhɛtɛ nɛ nɔ, nɛ tɛbhubhui anɛ kibui gbɛgbla bhɛbhɛtɛ gɛ kide Kpaya kɔ. Bu bhɛtɛ kibui nɛ ana ganɛ nɛ kanɔmɛ kibuinyinyi shu pɔ nɛ Kpaya kɛdɔkukɔ shu.

2 Kɔrintioanɛ 5:10

Alasɛ bulɔ petee bu ba wɔ̃ɛ nɛ Kristo kebhuikuklu kegbu nɛ amɛ, sɛ tɛ anɔ kanyaka aba yɛkɛ kɛgɛ lɛ kɔ yɛ kibelɛlɛ nɛ gɛ aza ishuidzya mɛ, kɛbadzi kɛdzyɔgo pɛnɔ kizizi.