1 Kɔrintioanɛ 4:17 - ONUGBÙ NYƐNYÃ VUVƆ

¹⁷ Nɛ kibui nɛ so ɛsɛsɛ nɔ Timotio, mɛ yi gɛ ɛdɛmɛnɔ, gɛ enu ayɛyɛkɛŋa nɛ Apalete mɛ. Aba baka nɔ mɛ kpã dzo gɛ ɛyɛ kɔ za Kristo Yesu ede, gɛ kɛsɔnɔ kɛdɔ gɛ ɛkasɛ nɛ ɔkɔnyɔkɔ nɛ busɔlɛ kanyaka mɛ.

1 Kɔrintioanɛ 4:17 ပူးပေါင်းရင်းမြစ်များ

Mateo 24:45

“Kɛlɛ anee yɛ enu axwɛdɛ gɛ tɛyɛyɛkɛŋa lɛ yɛahwɛ klɛ enyi bui, gɛ yɛahwɛ apalete nɛ ayɛkɔ baxwɛdɛ nɛ akpɛ nɛ yɛ bupa nɛ mɛ sɛ tɛ aza kɔa lɛ kɛŋɛŋa nɛ ɔɖɔ dzyɔgo nɛ mɛ?

Mateo 25:21

Yɛ apalete nɛ asɛ, ‘Wɔ naa bhɛtɛ, axwɛdɛ dzyɔgo gɛ ba ba yɛkɛ wɔa bha ŋa! Ɔza tɛyɛyɛkɛ ŋa mɛ nɛ kɛdɔ bhli nɛ gɛ ɛkɔ wɔ, ɛba yɛkɔ wɔ idzu ebui anɛ kɛdɔ gelee nu. Ba tɛ ɔbɔ mɔ same ɔplɛnɔ wɔ apalete!’

Mateo 25:23

“Apalete nɛ asɛ, ‘Ɔnaa bhɛtɛ, axwɛdɛ dzyɔgo gɛ ba ba yɛkɛ wɔa bha ŋa! Ɔza tɛyɛyɛkɛ ŋam nɛ kɛdɔ bhli nɛ gɛ ɛkɔ wɔ, ɛba yɛkɔ wɔ idzu ebui anɛ kɛdɔ gelee nu. Ba tɛ ɔbɔ mɔ same ɔplɛnɔ wɔ apalete!’

Axwɛwɛwa 16:1

Paolo ebe ku Dɛbi klɛ afla vɛ Listra, ɔkɛlɛ adɔkpasɛ teli gɛ be klua sɛ Timotio aza, yɛeni edzi Yuɖadzi teli gɛ ayɛkɛaŋa, pɔ yaka nɛ edzi Grikieyi teli.

1 Kɔrintioanɛ 11:16

Onugɛ anɔ teli apɛɛ asɛ tɛ awlãnkɛ bui nɛ kibui nɛ shu, bulɔ kɛbhlatɔ kanyaka ma lɔ bhɛtɛtɛ—pɛnɔ Kpaya busɔlɛha ba ba bhɛtɛ.

1 Kɔrintioanɛ 11:2

Ɛkpɛ nɔ nyinɛabha gɛ nɔ baka mɛ bui nɛ kɛkanyaka mɛ klɛ mɛ nyɛna kɛdɔkɛkasɛ nɛ mɛ vunɔ, anasɛ gɛ ɛyɛkɔ kpɛ nɔ ahwɛ.

1 Kɔrintioanɛ 11:34

Onugɛ bubhɛ yi anɔ teli, aŋaɛdɔ nɛ bupɛ mɛ, sɛ tɛ kɛ tɛ badzi kebhui kuklu kɔ nɔ onugɛ nɔ xogo. Klɛ kibe nɔ gɛ ɛba ɛba kɔ ɛshã gugɔɛ.

1 Kɔrintioanɛ 14:33

Alasɛ Kpaya edi nu agadzyidzye Kpaya pɔ alɛ kɔ ishuyuyɔ. Anasɛ gɛ kɛlɛ nɛ banɔnɛna oxogokɔ,

1 Kɔrintioanɛ 16:1

Ɔtsɔ̃nɛ denɔ kɛdɔ yɛyɛkɛ kɔ Kpaya banɔ shu: Nɔ bhɛtɛ ɔtrɔ kibui nɛ gɛ itsre Galatianɛ busɔlɛha sɛ babhɛtɛ.

1 Kɔrintioanɛ 16:10

Onugɛ Timotio aba, nɔ di lɛ kɔ sɛ etisifu nɛ kibuinyɛbui shu nɛ kibe gɛ alɛ wɔnɔ bha, alasɛ Apalete nɛ xwɛ yɛ awa anasɛ mɛ ana.

1 Kɔrintioanɛ 4:14

Ɛtɛɛ ŋlɔmɛ kɛ dɔɛnɛ tɛ ɛyɛkɔ kpɛ nɔɛwɔɛ nɔ, pɔ tɛ ɛyɛkɔ tsrenɛ nɔ anasɛ me yialɛ.

1 Kɔrintioanɛ 4:15

Kɛlɛlɛmɛ tsyɛ sɛ edzokasɛ kɛkpã tirikpo lɛ wɔ ahwɛ nɛ Kristo mɛ, baka gelee ba ma wɔnɔ ahwɛ, alasɛ nɛ Kristo Yesu mɛ ɛba dzi wunɔ aka ganɔ kibui dzyɔgo nɛabha.

1 Kɔrintioanɛ 4:2

Ɔtsɔ̃nɛ kɛ bisi sɛ bagɛ ba tɛ yɛkɔ tɛkɛka nɛ anɔa bha akɔa lɛ alasɛ tɛ kɛkasɛ tɛyɛyɛkɛŋa.

1 Kɔrintioanɛ 7:17

Anɔnyanɔ aza ɔkɛlɛ gɛ alɛ nɛ ɛkpã mɛ sɛ kɛgɛ Apalete nɛ akɔ yɛ klɛ kɔ kɛgɛ Kpaya eklu yɛ. Kɛnɛ kɛlɛ nu ɔshã nɛ gɛ ɛlu nɛ busɔlɛha petee mɛ.

1 Kɔrintioanɛ 7:25

Ɔtsɔ̃nɛ nɛ badzɛ gɛ be ke ti anyɛa pɛ mɛ: Kabhaŋɛŋa ka ma mɛ ahwɛ denɔ Apalete nɛ ɔkɔ, pɔ ikulu kebhui ansɛ anɔ gɛ ganɔ Apalete nɛ eshutukubui didi mɛ ana gɛ ba ba yɛkɛ yɛa bha ŋa.

2 Kɔrintioanɛ 8:18

Klɛ bu sɛsɛ yɛ adzya plɛnɔ yɛ agɛ busɔlɛha petee bakpɛ yɛ nyi nɛabha kɔ kibui dzyɔgo nɛ tɛɖɛɖɔ.

Efesoanɛ 6:21

Taitsyiko, adzya mumɔa anɛ axwɛdɛ gɛ tɛyɛyɛkɛŋa lɛ yɛahwɛ nɛ́ Apalete nɛ mɛ, ebe tsre nɔ kibuinyɛbui, sɛ tɛ wɔnɔ tsyɛ nɔ bo tii kana gɛ ɛlɛ anɛ kɛgɛ ɛbhɛtɛ.

Filipianɛ 2:19

Idi kidzoenu nɛ Apalete Yesu mɛ sɛ tɛ ɛsɛsɛ nɔ Timotio zia, sɛ tɛ kɛ kpɛ mɛ same onu gɛ inu kibui denɔ wɔnɔ shu.

Filipianɛ 2:22

Pɔ nɔ nyi sɛ Timotio atɛ kasɛ yɛshu, alasɛ anasɛ eyi kɔ yɛaka nɛɛ aplɛnɔ mɛ lɔ wa kɛxwɛ nɛ̀ kibui dzyɔgo nɛ shu.

Koloseanɛ 1:7

Nɔ kpasɛ lɛ denɔ Epafrasɛ, bulɔ ɔhayɛ axwɛdɛ, gɛ enu Kristo axwɛwa gɛ ayɛkɛaŋa nɛ bulɔ nu,

Koloseanɛ 4:9

Aaba plɛnɔ Onesimusɛ, bulɔ adzya mumɔa gɛ enu wũnɔ mayɛ teli. Ba be tsre nɔ ebui nɛ gɛ lavɛabha nɛ ɔkɛnɛ.

1 Timotio 1:18

Meyianyɛ, Timotio, itsre wɔ kibui nɛ kɛnyɛna nɛ gɛ ɔbɔ nyɛna ebui nɛ gɛ ba ɖɔelu nɛ wɔ shu nɛm ovunɔ, sɛ tɛ ganɔ alɛede zɛza tɛ ɔbɔ gɔnɛ tɛgugɔnɛ dzyɔgo,

1 Timotio 1:2

Kɔ Timotio gɛ enu mɛ eyianyɛ kɛgbɛagba nɛ tɛyɛyɛkɛŋa nɛ mɛ, Ɛyamyuyɔ, eshutukubui didi anɛ ishuyuyɔ denɔ Kpaya gɛ enu Aka anɛ Kristo Yesu bulɔ Apalete nɛ ɔkɔ.

2 Timotio 1:2

Kɔ Timotio, meyianyɛ mumɔa: Ɛyamyuyɔ, eshutukubuididi anɛ ishuyuyɔ gɛ de Aka Kpaya anɛ Kristo Yesu bulɔ Apalete ɔkɔ.

2 Timotio 2:2

Klɛ ebui nɛ gɛ onu denɔ mɛ ɔkɔ gɛ ɛɖɔ nɛ be buimɔɖɔ gelee nɛ amɛ gɛ ba yɛkɔ akpɛ ahwɛ kɔ banɔ nɛ gɛ ba ba yɛkɛ balɛa bha ŋa, pɛ balɛ tsyɛ aba na kɔ banɔ gɔgɔɛ nɛ tɛkɛkasɛ.

2 Timotio 3:10

Pɔ wɔ xũ, onyi kibuinyɛbui di odenɔ mɛ kɛdɔkɛkasɛ nɛ shu, mɛ ɛkpã zɛza, mɛ kɛdɔnɔ nɛ so, tɛyɛyɛkɛŋa, tɛdudɔfɔɔ̃, tɛɖuɖɔ, kanyɛtsitsi,

Titusɛ 1:5

Kɛdɔnɔ nɛ so pɛ ɛshɛ lɔ wɔ nɛ Krete kɛlɛ nu sɛ tɛ ɔna ebui nɛ gɛ agɔ pɛ ɛdɛ bhɛtɛ nɛ dzyɔ tɛ odzu kpayanɔ nɛ ɔma kanyaka mɛ, ansɛ gɛ ɛɖɔ sɛ ɔbhɛtɛ.

Tɛbubukasɛ 2:10

Ti si kifu nɛ butɔ nɛ gɛ ɔbɔ mɔ. Itsre wɔ, ɔfufɔɛkpã nɛ ɔbɔ yɛkɔ wɔnɔ beteli ɔkpɛ buvu sɛ tɛ lo feke nɔ odi, klɛ nɔ bɔ tɔ nɛ tɛkpɛkpatɔnɔ mɛ nɛ ewi lɔfɔ mɛ. Nɔ za tɛyɛyɛkɛŋa mɛ, ɔyɛkɔ ɔdɔ nanɔ butsi fãa, klɛ mɛ ba kɔ wɔ ɛkpã kabhaŋɛŋa kikutu.

Tɛbubukasɛ 2:13

Inyi ɔkɛlɛ gɛ ɔlɛ— ɔkɛlɛ gɛ Satana bukusiegbu nɛ alɛ. Tsyɛ pɛ ɔlɛ nɛ kɛgba mɛ nɛ mɛ nyi mɛ. Ɔdɛ shɛ̃nahwɛ wɔ tɛyɛyɛkɛŋa nɛ mɛmɛ, nɛ Antipasɛ kibe nɛ mɛ tsyɛ, mɛ ebuimɔɖɔ gɛ tɛyɛyɛkɛŋa lɛ yɛahwɛ, gɛ be yi nɛ wɔnɔ ɔmagbla nɛmɛ—nɛ ɔkɛlɛ gɛ Satana alɛ.