1 Kɔrintioanɛ 4:12 - ONUGBÙ NYƐNYÃ VUVƆ

¹² Bu wa axwɛ gɛganɛ nɛ bulɔ nahwɛ ahwɛ. Kibe nɔ nɛ gɛ ba ɖɔɛbui akpɛ lɔ, bulɔ bu yula; kibe lɛ gɛ bakpatɔnɔ lɔ, bu za kɛlɛ nu;

1 Kɔrintioanɛ 4:12 ပူးပေါင်းရင်းမြစ်များ

Mateo 5:11

“Ba yula wɔnɔ bagɛ banɔa kula, pɛ bakpatɔnɔ klɛ baa ɖɔ ebuikpã edidedi petee nɛ wɔnɔ shu akpɛ mɛ so.

Mateo 5:44

Pɔ itsre nɔ sɛ, nɔ ɖɔ bagɛ ba taa pɛɛ wɔnɔ, tɛ no bisi kɛdzyɔgo kɔ bagɛ ba kpatɔnɔ wɔnɔ,

Luka 23:34

Yesu aɖɔ sɛ, “Aka, yɛkɔtsye alɛ, alasɛ be tinyi kɛdɔ nɛgɛ ba bhɛtɛ.” Klɛ ba yɛkɔ yɛ dɔkpɛkpɛ akɔ ɔhaglɔ nɛ kebisi nɛ nu.

Luka 6:28

yula bagɛ ba ɖɔɛbui akpɛ wɔ, klukpaya kɔ bagɛ ba bhɛtɛ wɔɛ zizi.

Yohanɛsɛ 15:20

Nɔ baka kibui nɛ gɛ ɛɖɔ tsre nɔ: ‘Axwɛdɛ atɛ be triadɛ yɛ Apalete.’ Onugɛ ba kpatɔnɔ mɛ, ba ba kpatɔnɔ wunɔ tsyɛ. Onugɛ babhɛtɛ atrɔ mɛ kɛdɔkɛkasɛ nɛabha, ba ba bhɛtɛ atrɔ wunɔ yɛ tsyɛ abha.

Axwɛwɛwa 18:3

klɛ gɛ alasɛ edzi anɔ gɛ edzu bugba ansɛ balɛ ana so, aza balɛ ɔbha awa kɛxwɛ aplɛnɔa lɛ.

Axwɛwɛwa 20:34

Wɔnɔ nahwɛ no nyi sɛ mɛnahwɛ ɛhwɛ nɛɛ ɛlɛ kɔm mɛ kɛdɔnyɛdɔ gɛ ɛpɛɛ anɛ meshopoalɛ nɛ kɛdɔnyɛdɔ gɛ ba pɛɛ.

Axwɛwɛwa 7:60

Klɛ avɛ ekuisia bha klɛ ebi gɛganɛa sɛ, “Apalete, yɛkɔ balɛ buzizi nɛ ɔmɔa lɛ nɔ.” Kibe lɛ gɛ aɖɔa na beke ko klɛ ada onugbu.

Romanɛ 12:14

Yula bagɛ ba kpatɔnɔ wɔ, yula anɔ klɛ tɛ ɖɔɛ bui ɔkpɛ anɔ.

Romanɛ 12:20

Nɛ kɛlɛa pɛ bhla, “Onu bubhɛ buyi agɛ adɛ pɛ wɔ, kɔ yɛ kɛdɔa ŋa; onu gɛ oniwɛ̃ ɔta yɛ, kɔ yɛ kɛdɔ tilia wɛ̃. Nɛ kɛnɛ tɛbhɛbhɛtɛ mɛ, kinu sɛ obu afuɔɛ gɛ atã ɔtrɔ yɛa da mɛ.”

Romanɛ 8:35

Anee gɛ aba pɔɛ lɔ ehle nɛ Kristo tɛɖuɖɔ kɔ lɔ nɛ shu? Bunuhu pɛnɔɔ, ɔdɔgɔsɛ kanɔmgɛganɛ ɔdɔgɔsɛ tɛkpɛkpatɔnɔ ɔdɔgɔsɛ bubhɛ ɔdɔgɔsɛ alagba ɔdɔgɔsɛ ɔtsrekpã ɔdɔgɔsɛ kɛpamɛ?

1 Kɔrintioanɛ 9:6

Pɛnɔ Mɛ nɛ Banabas ko gɛ bu ba waɛxɔɛ kɔ kabha didi?

2 Kɔrintioanɛ 11:8

Ɛyɛkɛ dɔ denɔ busɔlɛha bhlatɔ mɛ gɛ kinu sɛ ezru alɛ sɛ tɛ ɛyɛkɔ plɛnɔ wɔnɔ nɔ.

Efesoanɛ 4:28

Anɔ nɛ gɛ ezuru ete zuru, pɔ awa kɛxwɛ, ayɛkɔ yɛ ɛhwɛ aza bhɛtɛ kɛdɔ dzyɔgo tili nɔ, tɛ amɔ kɛdɔ tili tɛ aba ya kɔ anɔ nɛ gɛ apɛɛ dɔ.

1 Tɛsolonianɛ 2:9

Badzya mɔ, ɛyɛkɛŋa sɛ nɔɔ baka, bulɔ baatɔ nɛ ebuigɛganɛ nɛ mɛ; bu wa kɛxwɛ elishi anɛ kemuze sɛ tɛ bu tɛ dzi kituku kɔ nɔ nɛ kibe lɛ gɛ bu ɖɔ Kpaya kibuidzyɔgo nɛ tsre nɔ.

2 Tɛsolonianɛ 3:8

ɔdɔgɔsɛ bu ŋa anɔ teli dɔ gɛ bu dɛ buya kɛlɛ bhɛ. Nɛ ɔtɔgɛga mɛɛ, bu wa kɛxwɛ elishi anɛ kemuze, bu za kɛxwɛwɛwa bha klɛ butɔ sɛ tɛ bu tɛ dzi kituku kɔ wɔnɔ mɛayɛ kanyaka.

1 Timotio 4:10

(klɛ kɛlɛ shu lɔ wɛxwɛ pɛ buu tɔ), bu tɛ yɛkɔ bulɔ kidzoenudidi nɛ kpɛ ɛkpã Kpaya nɛ mɛ, gɛ enu agɛ Ayɛyɛkɛkɔ banɔdzyrame nɛ petee, klɛ ɔyɛkɔdɛ kɔ bagɛ ba yɛkɛaŋa.

1 Petro 2:23

Gɛ ba sɛsɛ balɛ akulatu nɛ yɛ abha, adɛ tsodzi akula lɛ, onugbu gɛ amɔ butɔ, adɛ kpɛ anɔɛ fu. Nɛlɛɔzakɔ, ayɛ kɔ ishu atrɔ agɛ yɛ kluebhui dzyudzyɔ nɛabha.

1 Petro 3:14

Pɔ tsyɛ onugɛ nɔ bɔ mɔ butɔ kɔ kɛgɛ nu kɛdzyɔgo, ba yula nɔ. “Nɔ tɛ sifu kɔ kɛgɛ be si, kifu tɛ ku nɔ.”

1 Petro 3:9

Nɔ tɛ yɛkɔ kibui kpã ɔbuya kɛbhɛ kɔ kibui kpã bhɛbhɛtɛ pɛnɔ tɛkukla kɔ tɛkukla, pɔ nɛ̀ tɛ yuyula, alasɛ kɔ kɛnɛ be klu nɔ sɛ tɛ nɔ bɔ yɛkɛ tɛyuyula kededɔ.

1 Petro 4:19

Kɛlɛso ɔtsɔ̃nɛ, bagɛ ba mɔ butɔ nɛ Kpaya yɛ tɛpɛpɛɛ ba yɛkɔ balɛnahwɛ shu akpɛ balɛ tɛyɛyɛkɛŋa Abhɛbhɛtɛ abha klɛ bavɛ lɛabha tɛ ba za bhɛtɛ kɛdzyɔgo.

Yuɖa 1:9

Pɔ kpayaxwɛdɛgbla Mayɛkɛl tsyɛ, gɛ aza wũlankɛ bui nɛ ɔfufɔɛkpã denɔ Mose ishupi nɛ shu, adɛ bhɛtɛ edi asɛ ayɛkɔ ishuzizi kititilulɔ nɛ yɛ shu, pɔ aɖɔ asɛ, “Apalete nɛ etsrenɛ wɔ!”