1 Kɔrintioanɛ 4:10 - ONUGBÙ NYƐNYÃ VUVƆ

¹⁰ Nɛ Kristo so bu nu bagã, pɔ nɔ nyi bui alasɛ nɔ nu Kristo ayɛ! Bu dɛ gɛganɛ, pɔ nɔ gɛganɛ! Bakpɛ wunɔ tɔkpu nɛabha, klɛ be zhinɔ bulɔ yɛ akpɛesi!

1 Kɔrintioanɛ 4:10 ပူးပေါင်းရင်းမြစ်များ

Mateo 24:9

“Ɔkɛlɛ la ba yɛkɔ wɔnɔ akpɛ ahwɛ kɔ sɛ ba kpatɔnɔ klɛ be be yi nɔ, klɛ amadi nɛ petee atɛ ba pɛɛ wɔnɔɛ bui akpɛ mɛ so.

Mateo 5:11

“Ba yula wɔnɔ bagɛ banɔa kula, pɛ bakpatɔnɔ klɛ baa ɖɔ ebuikpã edidedi petee nɛ wɔnɔ shu akpɛ mɛ so.

Luka 10:16

“Anɔ nɛ gɛ ata nɔ atɔ ata mɛ atɔ, anɔ́ nɛ gɛ adɛ̀ yɛkɛ nɔ adɛ yɛkɛ mɛ; pɔ anɔ gɛ adɛ yɛkɛ mɛ adɛ yɛkɛ agɛ akpɛ mɛ.”

Luka 18:9

Kɔ ba ga yɛkɛ ishuabhaŋa nɛ balɛ kɛdzyɔgo bhɛbhɛtɛ klɛ be di anɔnyanɔ sɛ ama kibuinyɛbui mɛ, Yesu akpɛ kɛkpalɛ nɛ sɛ:

Luka 6:22

Bayula nɔ kɛbelɛlɛ nɛ gɛ banɔ egu nɔ, onugɛ bebunɔ nɛ balɛshi klɛ ba kula nɔ klɛ beklu wunɔe nyi anasɛ bezizi, alasɛ nɛ Anɔdzyrame yɛ Eyi nɛ shu.

Axwɛwɛwa 17:18

Epikuirianɛ anɛ Stoikanɛ bebuiti teli ba kpa kibui wlɔ̃akɛ nɛ yɛ. Beteli ebisi asɛ, “Kide anuvɔaɖɔ anɔa nɛ apɛa sɛ tɛ aɖɔ?” Banɔ bhlatɔ teli tsyɛa kpɛ onugbu nɛ klɛ mɛ asɛ, “Edzi ansɛ awlɔ̃akɛ amadi bhlatɔ mɛ ibuidi kɛtɔkpu.” Ba ɖɔ kana alasɛ Paolo aza ɖɔ kaɖɔ edenɔ kibui dzyɔgo nɛ Yesu anɛ yɛ tɛlulɔ denɔ butsi mɛ nɛ shu.

Axwɛwɛwa 17:32

Gɛ be nu tɛlɛlɔ denɔ butsi mɛ bui nɛɛ, balɛ beteli amuɔɛ, pɔ beteli asɛ, “Bu pɛ sɛ tɛ bu fla nu kibui nɛ mɛ denɔ wɔ kɔ nɛ klɛ de mɛ.”

Axwɛwɛwa 26:24

Nɛ kibe nɛ mɛ Festusɛ akpɛ Paolo ɔkpata nɛ yɛ bunu bubu nɛm. Akpɛ ogugu nɛ yɛa bha sɛ, “Wɔ Paolo! Okoeyi nɛ wɔɛ tɔkpum.” “Wɔ keplukpa gbɛgbla titi na kpɛ wɔ amɛ zizi.”

Axwɛwɛwa 9:16

Ɛba kasɛ yɛ kana gɛ kɛ lɛ sɛ tɛ atɔ ebunɔ nɛ mɛ kinyi nɛ tɔkpu.”

1 Kɔrintioanɛ 1:21

Alasɛ nɛ Kpaya buititi mɛ kanɔ gabɔ kalɛ kibuinyinyi mɛ ke di ti yɛ, kɛku Kpaya awɔ̃ ganɔ matimati kɛdɔ kɛkasɛ busɔlɛ buiɖɛɖɔ tɛ bayɛkɛkɔ bagɛ bayɛkɛ aŋa.

1 Kɔrintioanɛ 1:23

pɔ bulɔ buɖɔ Kristo tɛkpɛkplasɔɛ bui: kɛ nu kɛdɔ kpɛkpatanɔ kɔ Yuɖanɛ klɛ kɛ nu kɛgãbui kɔ bagɛ edi nu Yuɖanɛ,

1 Kɔrintioanɛ 1:25

Alasɛ Kpaya bugã dudɔ kibuititi lɛ kɛlɛmɛ dɛ Anɔdzyrame kibuinyinyi, klɛ Kpaya tɛmagɛganɛ kɛgɛganɛ dɛ anɔdzyrame bugɛganɛ.

1 Kɔrintioanɛ 10:12

Kɛlɛso onugɛ ɔyɛkɔ sɛ ɔlɔɛtiti gɛganɛ, za wɔ shuimɛ sɛ tɛ ɔtɛ dɔ oboe!

1 Kɔrintioanɛ 2:14

Anɔ nɛ gɛ Ɔfufɔɛ ɔma yɛ mɛ atɛ yɛkɛ dɔ denɔ Kpaya Ɔfufɔɛ mɛ, alasɛ lenu agãebui kɔ yɛ, klɛ atɛ be nu alɛesi, alasɛ ɔfufɔɛ mɛ la ba de.

1 Kɔrintioanɛ 2:3

Ɛba nɔ kɔ nɛ butɔ anɛ kifu, anɛ tɛshushuku gelee.

1 Kɔrintioanɛ 3:18

Nɔ tɔ wɔɛ wunɔ nahwɛshu. Onugɛ wunɔ mayɛ teli ayɛ kɔɛ lɛ asɛ enyi bui nɛ kanɔa nɛ tɛ zɛza nɛ mɛ, yɛ ebe dzi “agã” sɛ tɛ ebe dzi ebuiti.

1 Kɔrintioanɛ 3:2

Ɛkɔ nɔ bumɔni, anɛ kɛ ŋɛŋa gɛganɛ, alasɛ nɔ kɔ za tɛbɛbala mɛ kɔɛ lɛ. Kɛ lɛ lɛmɛ ɔtsɔnɛ tsyɛ nɔ kɔ za tɛbɛbala mɛ

1 Kɔrintioanɛ 4:8

Kɛdɔnyɛdɔ gɛ nɔ pɛɛ kɛtɛ ka wunɔ ahwɛ! Ehoeyielete nɔ tɛ dzi! Nɔ tɛ dzi bekusi—klɛ nɛ bulɔ mazɛlɛmɛ! Kana gɛ ɛpɛɛ sɛ tɛ kɛgbɛagba tɛ nɔ bɔ dzi bekusi sɛ tɛ bu badzi bekusi plɛnɔ wunɔ!

2 Kɔrintioanɛ 10:10

Alasɛ beteli baɖɔ sɛ, “Yɛ buplukpa nɛ lupu klɛ bu lɛ kemi, pɔ nɛ yɛnahwɛ enu agɛ adɛ gɛganɛ klɛ yɛ kaɖɔɖuɖɔ ke di nu kɛdɔnyɛdɔ.”

2 Kɔrintioanɛ 11:19

Wunɔ nɛ bagã nɔ ga nɛ kɛbelɛlɛ nɛ gɛ onyibui paa.

2 Kɔrintioanɛ 11:29

Ane yɛ agblɔdzɔ klɛ mɛ ɛdɛgblɔdzɔ? Ane ba gbanɔ akpɛ buzizi mɛ klɛ kɛdɛ pɔɛ mɛ shui mɛ?

2 Kɔrintioanɛ 13:9

Same ku lɔ kibenyɛbe gɛ bu botso pɔ wunɔ xũ nɛ nɔ gɛganɛ, klɛ bulɔ kpayakuklu ki nu kɔ wunɔ tɛpɛpɛ̃.

2 Kɔrintioanɛ 4:12

So nɛɛ, butsi bu wa kɛxwɛ nɛ bulɔɛ mɛ, pɔ ɛkpã wɛxwɛ nɛ wunɔɛ mɛ.

2 Kɔrintioanɛ 6:8

ganɔ kabhaŋɛŋa anɛ̀ kɛwɔɛ̃kpɛkpɛ, kizizi ɖɛɖɔ anɛ kɛdzyɔgo ɖuɖɔ, ba mɔ lɔ anasɛ itroelete, pɔ bu nu banɔ nɛ a,

1 Tɛsolonianɛ 4:8

Kɛlɛ so, anɔ nɛ gɛ adɛ yɛkɛ kɛdɔkɛkasɛ ganɛ anɔ yɛ adɛ yɛkɛ, pɔ Kpaya, nɛ gɛ aakɔ nɔ yɛ Ɔfufɔɛ Dzyɔgo.

1 Petro 4:14

Onugɛ ba kula nɔ nɛ Kristo kinyi nɛ shu, ba yula nɔ, alasɛ Ɔfufɔɛ shu bhubhui anɛ̀ Kpaya kitsri wɔnɔ abha.