1 Kɔrintioanɛ 2:7 - ONUGBÙ NYƐNYÃ VUVƆ

⁷ Ao, bu ɖɔ Kpaya kibuinyinyi kpukpu, kibuinyinyi gɛ ayɛkɔ ekpu klɛ Kpaya abhɛtɛ kɔ bulɔ kabhaŋɛŋa flogo gɛ abhɛtɛ kanɔ.

1 Kɔrintioanɛ 2:7 ပူးပေါင်းရင်းမြစ်များ

Mateo 11:25

Nɛ kibe lɛ nɛ mɛ Yesu aɖɔ asɛ, “Ɛkpɛ wɔ, nɛabha, mɛ Aka, owũsise nɛ kesukpa Apalete, alasɛ ɔyɛkɔ ebuia nɛ okpu bebuinyi anɛ badɔkpasɛ, klɛ obua lɛ ɔkasɛ bunuvɔɛ bhli.

Mateo 13:35

So kana ebui nɛ gɛ baɖɔ aganɔ atɔnu nɛa bha nɛ aba ba kɛlɛ mɛ asɛ: “Ɛba danɛ mɛ onugbu nɛ akpalɛ, Ɛba ɖɔ ebui kpukpu nɛ gɛ ekpu denɔ kanɔ nɛ kesi kpɛkpɛ.”

Romanɛ 11:25

Badzya mɔ, ɛtɛɛ pɛ sɛ tɛ nɔ za matimatim ɔkɔ ebui kpukpua, sɛ tɛ nɔ tɛ bo ku ishuawɔ̃: Izraɛl atɛ za nɛ batɔm gɛganɛ edi nɛa pɛ tie lim ɔdɔnanɔ kibelɛ mɛ gɛ bagɛ dɛ nu Yuɖanɛ nɛ tɛkɛklam petee be tsoku.

Romanɛ 8:29

Alasɛ banɔ nɛ gɛ Kpaya enyi putɔnɔ atɛ bhɛtɛ alɛ sɛ tɛ ba za Yɛeyi nɛ tɛzɛzam, sɛ tɛ ebe dzi amumɔtutɔpu nɛ badzya gelee shi.

Romanɛ 8:30

Klɛ bagɛ atɛ bala elu, balɛ tsyɛ ekulu; bagɛ ekulu, adanɛ balɛ shu tsyɛ; bagɛ balɛ shu adanɛ, ebhuialɛ shu tsyɛ.

1 Kɔrintioanɛ 2:1

Gɛ ɛba wunɔ kɔ, badzya mɔ, Ɛdɛ ba nɔ kɔ nɛ onugbu mɛ tsyɛmɛtsyɛmɛ ɔdɔgɔsɛ kibuinyinyi gbɛgbla anasɛ gɛ ɛɖɔ tɛmumɔɖɔ denɔ Kpaya shu tsre nɔ.

Efesoanɛ 1:4

Alasɛ eklu lɔ nɛ yɛ mɛ flogo gɛ babhɛtɛ kanɔ sɛ tɛ bulɔ shu bhui klɛ tɛ buzizi tɛza lɔ shu nɛ yɛ amɛ. Nɛ tɛdɛdɛmɛ mɛ

Efesoanɛ 3:10

Yɛ tɛpɛpɛɛ kɛlɛ dzi sɛ ɔtsɔnɛ, ganɔ busɔlɛha nɛabha, be bu Kpaya kibuinyinyi gelee ba kɔalɛ tii kɔ bagɛ baŋakabha anɛ kemielete nɛ́ owũsise kanɔ mɛ,

2 Timotio 1:9

gɛ ebu lɔ kɔ ɛkpã klɛ ekulu lɔ amɛna akɔ ɛkpã dzyɔgo—ganɛ sɛ kɛdɔnyɛdɔ gɛ bu bhɛtɛ so pɔ nɛ yɛnahwɛ tɛtutrɔ nɛ ɛyamyuyɔ nɛ shu so. Ɛyamyuyɔ nɛɛ ba kɔ lɔ ɛlɛ nɛ Kristo Yesu mɛ flogo pɛ kibe nɛ ba kpɛesi,

Hebriuanɛ 1:2

pɔ nɛ ewui gugɔɛa nɛ mɛ aɖɔaɖɔ aganɔ yɛ Yi nɛabha kɔ lɔ, gɛ yɛ eklu akɔ kɛdɔnyɛdɔ, nɛ yɛabha aga gɛ abhɛtɛ kanɔ.

Hebriuanɛ 11:3

Tɛyɛyɛkɛŋa nɛabha bu nulɛesi sɛ kanɔ na ba nɛ sɛ Kpaya yɛ buiɖɛɖɔ nu, kɛlɛso kɛdɔ nɛ gɛ bu mɔ kɛ dɛ de kɛgɛ kɛ wɔɛ nɛ bulɔa mɛ.

1 Petro 1:11

ba wlãnkɛ sɛ tɛ beti kibe klɛ nɛ la gɛ lalɛ alɛshu kɔ Kristo Ɔfufɔɛ nɛ́ balɛ mɛ akasɛ kibe nɛ gɛ aɖɔ Kristo butɔ anɛ yɛ shu bhubhui gɛ kɛ ba za lɛede.

1 Petro 5:1

Kɔ beshishe gɛ balɛ wũnɔɛ mɛ ibisi denɔ wũnɔ kɔ sɛ, anasɛ wɔnɔ mayɛ eshishe, kibuimɔɖɔ anɛ́ Kristo butɔ nɛ̀ agɛ yɛ tsyɛ aba mɔ tɛbhubhui gɛ ba be bukasɛ:

1 Petro 5:10

Klɛ ɛyamyuyɔ petee Kpaya, gɛ eklu nɔ avɛnɔ yɛ mabekemabeke ishubhubhui nɛ́ Kristoe mɛ, nɛ kɛlɛede gɛ nɔ mɔ butɔ nɛ kibe bhliyi mɛ, yɛnahwɛ ebe tsodzi wũnɔ dzu kititi klɛ aba kɔ nɔ gɛganɛ, mɔmɔ klɛ nɔ bɔ dzu ishuesi.

2 Petro 1:3

Kpaya kemi ka kɔ lɔ kɛdɔnyɛdɔ gɛ bu pɛɛ kɔ ɛkpã nɛ kpayamɛ zɛza ganɔ agɛ eklu lɔ nɛ tɛtiti mɛ nɛ́ yɛnahwɛ ishubhubhui anɛ̀ kɛdzyɔgo bhɛbhɛtɛ.

Tɛbubukasɛ 13:8

Banɔ nɛ petee ga lɛ kesukpa nɛabha na ba kpɛ kɛtɔkpuesi kɔ agavuga— banɔ nɛ petee enyi nɛ gɛ ba dɛ ŋlɔmɛ akpɛ ɛkpã keplukpa nɛ gɛ enu Obhoshieyi nɛa yɛ gɛ be yi denɔ kanɔ nɛ tɛbhɛbhɛtɛ be nɛ mɛ.