1 Kɔrintioanɛ 2:13 - ONUGBÙ NYƐNYÃ VUVƆ

¹³ Kɛnɛ kɛlɛ lɔ ɖɔ, ganɛ nɛ ebui gɛ Anɔdzyrame kibuinyinyi gɛ akasɛ lɔ pɔ nɛ ebui nɛ gɛ Ɔfufɔɛ nɔ kasɛ, kɛ kasɛ ɔfufɔɛ gbɛagba nɛ ɔfufɔɛ mɛ ebui.

1 Kɔrintioanɛ 2:13 ပူးပေါင်းရင်းမြစ်များ

Luka 12:12

alasɛ Ɔfufɔɛ Dzyɔgo nɔ bɔkasɛ nɔ kibe lɛlɛ kɛ gɛ nɔ bɔ ɖɔ.”

Axwɛwɛwa 2:4

Balɛ petee be yuku nɛ Ɔfufɔɛ Dzyɔgo klɛ la kpa kaɖɔɔ ɖɔ nɛ benuhu bhlatɔ mɛ ansɛ gɛ Ɔfufɔɛ nɛ oyɛkɔalɛ.

1 Kɔrintioanɛ 1:17

Alasɛ Kristo adɛ kpɛ mɛ sɛ tɛ ɛkpɛ buni, pɔ tɛ aɖɔ kibui dzyɔgo—ganɛ Anɔdzyrame kibuinyinyi nu, nɛ sɛ tɛ bupu tɛza Kristo yɛ butsi nɛ butsiosi nɛ shu.

1 Kɔrintioanɛ 14:2

Alasɛ anɔnyanɔ gɛ aɖɔ ɔfufɔɛmɛaɖɔ ata ɖɔaɖɔ kɔ banɔ pɔ kɔ Kpaya. Kɛgbɛagba, anɔnyanɔ ete nu yɛ esi, aɖɔ ebui kpukpu nɛ yɛ ɔfufɔɛ.

1 Kɔrintioanɛ 2:1

Gɛ ɛba wunɔ kɔ, badzya mɔ, Ɛdɛ ba nɔ kɔ nɛ onugbu mɛ tsyɛmɛtsyɛmɛ ɔdɔgɔsɛ kibuinyinyi gbɛgbla anasɛ gɛ ɛɖɔ tɛmumɔɖɔ denɔ Kpaya shu tsre nɔ.

1 Kɔrintioanɛ 2:14

Anɔ nɛ gɛ Ɔfufɔɛ ɔma yɛ mɛ atɛ yɛkɛ dɔ denɔ Kpaya Ɔfufɔɛ mɛ, alasɛ lenu agãebui kɔ yɛ, klɛ atɛ be nu alɛesi, alasɛ ɔfufɔɛ mɛ la ba de.

1 Kɔrintioanɛ 2:4

Mɛ ɔsɔ anɛ kpayɛbui ɖɛɖɔ nɛ edinu kibuinyinyi anɛ anɔnu wuwɔɛ ebui, pɔ kinu Ɔfufɔɛ nɛ kemi nɛ tɛbubukasɛ,

1 Kɔrintioanɛ 9:11

Onugɛ bu hwɔɛ ɔfufɔɛ amɔ yi kpɛ wunɔ mɛ, kɛ kpe fanɔ onugɛ bumɔ kanɔɛmɛ dɔ denɔ wunɔ kɔ?

Efesoanɛ 5:19

Ɖɔaɖɔ kɔ ɔhaglɔ nɛ ɛdzɛ, busɔlɛ ɛdzɛ anɛ ɔfufɔɛmɛ ɛdzɛ. Nɔ zha ɛdzɛ klɛ tɛ nɔ wɔ denɔ wɔnɔ idzyim kɔ Apalete,

Koloseanɛ 3:16

Nɔ kɔ Kristo ebui la za wɔnɔɛ mɛ nɛ kedziŋɛŋa nɛ́ kɛlɛmɛ gɛ nɔ kasɛdɔ klɛ nɔ yɛ kɔ tɛtsitsrenɔ kɔ ɔhaglɔ nɛ ebuinyinyi petee, klɛ anasɛ gɛ nɔ zha be Pɛsalomo busɔlɛ ɛdzɛ, anɛ ɛfufɔɛmɛ ɛdzɛ, anɛ̀ ahwɛhuhu denɔ wɔnɔ idzyi mɛ kɔ Kpaya.

1 Petro 1:12

Bebu akasɛ alɛ sɛ anɛ balɛ nahwɛ ba dɛ axwɛ kɔ pɔ wũnɔ, kibelɛlɛ gɛ ba ɖɔ ebuianɛ gɛ ɔtsɔnɛ be tsre nɔ bagɛ balɛ ɖɔ Kibui Dzyɔgo kɔ nɔ nɛ Ɔfufɔɛ Dzyɔgo ba sɛsɛ denɔ owũsise. Baxwɛdɛ kuratsyɛ ba pɛɛ kukuku sɛ tɛ be di ebuia nɛ mɛ.

2 Petro 1:16

Bu dɛ za ebuifɛfatɛ ede kibelɛlɛ gɛ bu tsre nɔ denɔ kemi anɛ̀ bulɔ Apalete Yesu Kristo yɛ tɛbɛba, pɔ bu dzi ebuimɔɖɔ kɔ yɛ tɛgbɛgbla.