1 Kɔrintioanɛ 2:10 - ONUGBÙ NYƐNYÃ VUVƆ

¹⁰ pɔ Kpaya ebuakasɛ lɔ ganɔ yɛ Ɔfufɔɛ nɛabha. Ɔfufɔɛ nɛ oluawɔ̃di kɛdɔnyɛdɔ, Kpaya ekpukpu kuratsyɛ.

1 Kɔrintioanɛ 2:10 ပူးပေါင်းရင်းမြစ်များ

Mateo 13:11

Ebui lɛ nu asɛ, “Ba tɛ yɛkɔ ebui kpukpu nɛ owũsise bukusiɔŋakɔ nɛ tɛtiti akɔ nɔ, pɔ ganɛ kɔ balɛ.

Mateo 16:17

Yesu ebu lɛ nu asɛ, “Ba yula wɔ, Simɔnɛ Yona yɛeyi, alasɛ ganɛ anɔdzyrame yɛ bu kibui nɛ akasɛ wɔ, pɔ mɛ Aka nɛ owũsise yɛ bui lɛ akasɛ wɔ.

Luka 10:21

Nɛ kɛbelɛlɛ mɛ Yesu eyuku nɛ same ganɔ Ɔfufɔɛ Dzyɔgo nɛabha, aɖɔ sɛ, “Ɛkpɛ nɔ nɛabha, owũsise anɛ kesukpa Aka, Apalete, alasɛ wɔ kpu ebuia petee nɛ̀ bagɛ be nu bebuiti anɛ buplukpa lete klɛ obukasɛ bunuvɔɛ bhli. Ee, Aka, alasɛ kɛnɛ kɛlɛ dzi wɔ tɛpɛpɛ dzyɔgo.

Luka 2:26

Be bu aksɛ yɛ ganɔ Ɔfufɔɛ dzyɔgo nɛabha sɛ eti be tsi aba za nɛkpã amɔ Apalete nɛ Kristo.

Yohanɛsɛ 14:26

Pɔ Apɛplɛnɔ, Ɔfufɔɛ Dzyɔgo, gɛ Aka na ba sɛsɛ nɔ nɛ mɛ nyimɛ, lɔ bɔ kasɛ nɔ ebui nɛ petee klɛ lɔ bɔ baka nɔ kibuinyɛbui gɛ ɛtsre nɔ.

Yohanɛsɛ 16:13

Pɔ kibenɔ nɛ gɛ yɛ, kɛgbɛagba Ɔfufɔɛ, nɔ ba, aba gbanɔ lɔ kpɛ kɛ gbɛagba petee mɛ. Atɛ ba ɖɔaɖɔ nɛ́ yɛnahwɛ shu ahwɛ, aba ɖɔ kɛgɛ enu nɛ ko, klɛ aba ɖɔ tsre nɔ kɛ gɛ kɛ ba ba.

1 Kɔrintioanɛ 14:30

Klɛ onugɛ tɛbubukasɛ kɛɛ ba kɔ anɔ teli gɛ edzi kesi, agɛ eputɔ aɖɔaɖɔ alasɛ tɛ azukɔlɔ.

1 Kɔrintioanɛ 2:11

Kɛlɛso ane yɛ nyi Anɔdzyrame tɔ kpui mɛ dɛ yɛnahwɛ ɔfufɔɛ gɛ lɔ lɛ yɛ mɛ? Kanake anɔnyanɔ etinyi Kpaya yɛ tɔkpui mɛ dɛ Kpaya Ɔfufɔɛ.

Galatianɛ 1:12

Ɛdɛyɛkɛ lɛ denɔ anɔnyanɔ kɔ, ɔdɔgɔsɛ bakasɛ mɛ lɛ, pɔ nɛɛ, ɛyɛkɛ lɛ ganɔ Yesu Kristo kibui bubukasɛ nɛ mɛ.

Efesoanɛ 3:3

kɛlɛ nu, kibui kpukpu gɛ akɔ mɛ tii ganɔ tɛbubukasɛ, anasɛ gɛ ɛtɛ ŋlɔmɛ kplita kɔ nɔ.

Efesoanɛ 3:5

gɛ ba dɛ kɔ banɔ nɛ tii nɛ tɛmumɔ bhlatɔɛ anasɛ ɔtsɔnɛ gɛ be bukasɛ aganɔ Kpaya bakpɛkpɛ shubhubhui nɛ batɔnu nɛabha.

1 Timotio 4:1

Ɔfufɔɛ nɛ ɔdanɛ kɛlɛ mɛ ɔɖɔ sɛ nɛ kibe gɔgɔɛ nɛ mɛ banɔ teli aba shɛnahwɛ tɛyɛyɛkɛŋa nɛ shu klɛ ba tɛ za ɛfufɔɛ nɛ gɛ wɛɛ anɔ anɛ ɛfufɔɛkpã kɛdɔkɛkasɛ nɛe de.

1 Petro 1:12

Bebu akasɛ alɛ sɛ anɛ balɛ nahwɛ ba dɛ axwɛ kɔ pɔ wũnɔ, kibelɛlɛ gɛ ba ɖɔ ebuianɛ gɛ ɔtsɔnɛ be tsre nɔ bagɛ balɛ ɖɔ Kibui Dzyɔgo kɔ nɔ nɛ Ɔfufɔɛ Dzyɔgo ba sɛsɛ denɔ owũsise. Baxwɛdɛ kuratsyɛ ba pɛɛ kukuku sɛ tɛ be di ebuia nɛ mɛ.

1 Yohanɛsɛ 2:20

Pɔ nɔ yɛkɛ bubɔ sɛsra denɔ Ishubhubhui Anɔ nɛ ɔkɔ, klɛ wũnɔ petee nɔ nyi kɛgbɛagba.

1 Yohanɛsɛ 2:27

Wɔnɔ xũ nɛ, bubɔsɛsra nɛ gɛ nɔ yɛkɛ denɔ yɛ ɔkɔ bu wɔ nɔɛ mɛ, klɛ nɔ dɔ pɛɛ anɔnyanɔ sɛ tɛ akasɛ nɔɛ dɔ. Pɔ anasɛ gɛ yɛ bubɔsɛsra kasɛ nɔ nɛ ebui nɛ petee shu klɛ anasɛ gɛ bubɔsɛsra nɛ nu kɛgbɛagba, ganɛ kɛdɔ gɛ kɛyi dɔ—anasɛ gɛ kɛ kasɛ nɔ, nɔ wɔ yɛ mɛ.

Tɛbubukasɛ 1:1

Yesu Kristo tɛbubukasɛ gɛ, Kpaya akɔ yɛ sɛ tɛ ayɛkɔ kasɛ yɛ baxwɛdɛ kɛgɛ baa ba kɛlɛ mɛ nɛ kibe kplitaa mɛ. Akɔ le ti lɛ ganɔ yɛ kpayaxwɛdɛ nɛ tɛkpɛkpɛ sɛsɛ yɛ axwɛdɛ Yohanɛsɛ,

Tɛbubukasɛ 2:24

Ɔtsɔ̃ nɛɛ ɛɖɔ tsre wɔnɔ banɔ gɔgɔɛ nɛ Taɛtira, kɔ wɔnɔa gɛ nɔ dɛ nyɛna yɛ kɛdɔkɛkasɛ nɛ mɛ ovunɔ klɛ nɔ kɔ kpasɛ Satana ebuikpukpu dzudzu alɛlɛ nɛ mɛ (ɛtɛa trɔ nɔ kituku bhlatɔ kanyaka):