1 Kɔrintioanɛ 16:6 - ONUGBÙ NYƐNYÃ VUVƆ

⁶ Obhi ɛba za wɔnɔ bha kɛbɔɛ, ɔdɔgɔsɛ ɛza ɔkɛlɛ nɛ bulɔɛ be nɛ tsyɛ, sɛ tɛ bɔ plɛnɔ mɛ nɛ mɛ kidzogɛga nɛa bha, nɛ ɔkɔnyɔkɔ gɛ ɛba vɛ.

1 Kɔrintioanɛ 16:6 ပူးပေါင်းရင်းမြစ်များ

Axwɛwɛwa 15:3

Busɔlɛɔha nɛ ɔkpɛ alɛ dzo, klɛ gɛ ba ga Foenisia anɛ Samaria aafla, ba ɖɔ kana gɛ bagɛ di nu Yuɖanɛ nɛ be tsyina ku ɔha nɛm. Kibui nɛ bhɛtɛ ɔha mɛanɛ petee la mɔ same mɔmɔ.

Axwɛwɛwa 17:15

Banyɛ nɛ ga gbanɔ Paolo nɛ ayɛkɔ yɛ amɛna Atɛns klɛ bayɛkɔ ɔsɔ avɛnɔ kɔ Silas anɛ Timotio sɛ ba ba tɔnɔ yɛ Paolo zɛa nɛ kibe nyɛbem gɛ kidzo za.

Axwɛwɛwa 20:38

Kɛgɛ klɛ trɔ balɛa bha dɛ petee klɛ nu kibui nɛ gɛ aɖɔ sɛ ba tɛa mɔ yɛ amɛ edi. Ɔkɛlɛ ba za yɛede avɛ keniabha opupu nɛ shu.

Axwɛwɛwa 21:5

Pɔ kibe lɛ gɛ bulɔ ɔɖa nɛ mɛ ɔna, bu shɛ klɛ bu vɛ bulɔ kidzo gɛga nɛa bha. Badɔkpasɛ nɛ petee anɛ balɛ edzini alɛ nɛ aplɛnɔ lɔ pɛ bu koeyi nɛ ɔmagbla nɛ mɛ, klɛ ɔkɛlɛ nɛ aƒu nu tɔ bu zhikpla kɔ kpayakuklu.

Axwɛwɛwa 27:12

Gɛ kenia bha ɔdzrɔkɔ nɛ ɔmɛtã kɔ bublɔɛbem so nɛɛ, banɔ gele aba trɔ ahwɛ asɛ ba ba vɛ kidzo gɛga nɛa bha, nɛ kidzoenu didi sɛ be be ti ku Foenisia nɛ bublɔ nɛm nɛ ɔkɛlɛ. Ɔkɛlɛ onu kenia bha ɔdzrɔkɔ nɛ Krete, gɛ ɔkɛlɛ obuamɛ ɔkpɛ ozhizhi kɛbɛtɛkpɛm nɛ owuwu kɛbɛtɛkpɛm.

Axwɛwɛwa 28:11

Nɛ wele tɛata kede nɛɛ bu zɛ ba vɛ axuiabha kidzo gɛga nɛa bha nɛ keniabha opupu toli gɛ ɔza bublɔm nɛ bunishiesukpa lɛ nɛa bha. Opupu ɔlɛ nɛ odzi Alɛksandranɛ ɔyɛ gɛ tɛabhaeyi kpaya bhubhɔ gɛ be kulu asɛ Kasta nɛ Pɔlluks nɛ etsri ɔlɛ shu.

Romanɛ 15:24

ɛtrɔ sɛ tɛ ɛbhɛtɛ kɛlɛ ana onu gɛ ɛvɛ Speni. Idi kidzoenu sɛ ɛba ga wɔnɔ ɔbha onu gɛ ɛba fla klɛ sɛ tɛ ɛkɔ nɔ plɛnɔ mɛ nɛ kidzogɛga nɛa bha nɛ ɔkɛlɛ, nɛ kibe lɛm gɛ ɛmɔ same nɛ wɔnɔɛ shi bɔɛ beke.

1 Kɔrintioanɛ 16:11

Anɔnyanɔ, nɛlɛmɛ, atɛ ɖɔ sɛ ata yɛkɛ yɛ. Nɔ kpɛ yɛ dzo nɛ ishu yuyɔ mɛ sɛ tɛ ebe tsodzi aba mɛ ɔbha. Idi yɛ anɛ badzya nɛ́ dzoenu.

2 Kɔrintioanɛ 1:16

Ɛtrɔ sɛ tɛ ɛba wunɔ kɔ nɛ mɛ kidzogɛga vɛ Makedonia klɛ tɛ ɛtsodzi ba wunɔ kɔ gɛ ide Makadonia, klɛ kɛlɛede tɛ nɔ plɛnɔ mɛ tɛ ɛga kidzo vɛ Yuɖea.

Titusɛ 3:12

Kibe lɛ gɛ ɛnya kpɛ Atemasɛ ɔdɔgɔsɛ Taitsyikusɛ sɛsɛ wɔ ko, yɛkɔ trɔ ishu tɛ ɔtɔnɔ mɛ ɔba Nikopolisɛ, alasɛ ɛtɛ trɔ sɛ ɛba za ɔkɛlɛ nɛ bublɔɛbe.