14 Nɔ bhɛtɛ kɛkanyaka nɛ tɛdɛdɛmɛ mɛ.
Kɛnɛ kɛlɛ nu mɛ ɔshã: Nɔ dɛmɛnɔ nɛ ɔhaglɔ.
Onu gɛ wɔadzya etsoku butɔm akpɛ kɛdɔnɔ nɛ gɛ ɔŋa nɛ so, kɛlɛ ɔtɔ kɔɔ ga nɛ tɛɖuɖɔ mɛ nɛ yɛ. Tɛ kɔ sɛ ganɔ wɔ kɛŋɛŋa shu tɛ ozi wɔadzya nɛ gɛ yɛ tɔkpu Kristo etsi.
Pɔ nɔ pɛɛ gɛganɛ ɛyɛmɛyuyɔ gbɛgbla dɛ. Klɛ ɔtsyɔ nɛ eba kasɛ nɔ kidzo dzyɔgo dɛ.
Za tɛdɛdɛmɛ dzoa bha klɛ tɛ ɔpɛɛ gɛganɛ ɔfufɔɛ mɛ dɔkukɔ, kɛ dzyɔgo kibuiɖɔlu kukɔ.
Nɔ nyi sɛ Stefanas nɛ yɛ bupa balɛ dzi banɔ tɛtɔpu gɛ be tsyinaɛtemɛ nɛ Akaya, klɛ ba yɛkɔ balɛshu akɔ gɛ ba wa axwɛ kɔ kpayabanɔ. Ɛpɛɛ denɔ wunɔ ahwɛmɛ, badzya mɔ,
Ɔtsɔnɛ denɔ kɛŋɛŋa gɛ ba kɔ kɛdɔbhubhɔ shu: Bunyi sɛ, bulɔ petee kibuititi lɛ bu lɔ ahwɛ. Kɛbuititi kɛ koeyi, pɔ tɛdɛdɛmɛnɔ kɛbhɔ trɔ.
Pɔ Ɔfufɔɛ nɛ eyuyu ɔlɛ nu tɛdɛdɛmɛ nɛ anɔ, same, ishuyuyɔ, tɛdɛdɔfɔ̃, ɛyɛmɛyɛyɔ, kɛdzyɔgo bhɛbhɛtɛ tɛyɛyɛkɛŋa,
Kɔ Apalete nɛ abhɛtɛ wɔnɔ tɛɖuɖɔ tɛ lɛ vɛa bha tɛ ki yuku gbɛgba kɔ wɔnɔmayɛ kanyaka nɛ kɔ anɔnyanɔ tsyɛ, ansɛ gɛ bulɔayɛ nɛ abhɛtɛ kɔ nɔ.
Pɔ otsiko Timotio ede nɔ bha ebe ku bulɔ bha klɛ amɛna kibui dzyɔgo edenɔ wɔnɔ tɛyɛyɛkɛŋa anɛ tɛɖuɖɔ shu. Eti tsre lɔ asɛ nɔɔ baka lɔ bui mɔmɔ kibenyɛbe klɛ nɔ pɛ sɛ tɛ nɔ mɔ lɔ, ansɛ gɛ bulɔ tsyɛ pɛ sɛ tɛ bu mɔ nɔ.
Alasɛ kibenyɛbe tɛ bu zɛ hu Kpaya ahwɛ nɛ wɔnɔɛ tɔkpu, badzya mɔ, klɛ kana kɛ lɛ, alasɛ wɔnɔ tɛyɛyɛkɛŋa nɛ kii she trɔ, klɛ tɛɖuɖɔ nɛ gɛ lɛ anɔnyanɔa hwɛ kɔ yɛɔhayɛ nɛɛ she trɔ.
Ɔshã nɛ tɛtutrɔ yɛ kɛlɛ nu tɛɖuɖɔ, gɛ kii de idzyi gɛ ebhui mɛ anɛ ishumdɛdanɛ dzyɔgo nɛ tɛyɛyɛkɛŋa gɛganɛ.
Anɔnyanɔ alasɛ tɛ ayɛkɛ adzɛ gbɛgbanɔ akpɛ lɛ mɛ, klɛ tɛ aglɔ zɛzanɔɛ mɛ bhui, alasɛ Kpaya ebe kluebhui nɛ bagɛ abhɛtɛ aglɔbui anɛ azhuzhɔlɛbui.
Nɛ alɛlɛ petee ede, dɛmɛnɔ nɛ ɔhaglɔ mɔmɔ, alasɛ tɛdɛdɛmɛnɔ la dɛ ebuizizi gelee.
klɛ kɔ kpayamɛzɛza, badzya ɛyɛmɛyɛyɔ, nɛ̀ kɔ badzya ɛyɛmɛyɛyɔ, tɛdɛdɛmɛnɔ.
