1 Kɔrintioanɛ 16:13 - ONUGBÙ NYƐNYÃ VUVƆ

¹³ Nɔ za wunɔ tɛpupo abha, nɔ za gɛganɛɛ nɛ tɛyɛɛkɛŋaɛ mɛ, nɔ dzi banɔ gɛ ba kpɛ kemi, nɔ za gɛganɛ.

1 Kɔrintioanɛ 16:13 ပူးပေါင်းရင်းမြစ်များ

Mateo 25:13

“Kɛlɛ so nɔ za nɛ awɔ̃, alasɛ no tinyi kiwi nɔɔ ɔdɔgɔsɛ ɔɖɔ nɛ mɛ.

Mateo 26:41

“Nɔ za nɛ awɔ̃ tɛ no kulukpaya sɛ tɛ nɔ tɛ bɔ wɔlɛ ku tɛfifeke di mɛ. Ɔfufɔɛ nɛ xũ ɔpɛɔ sɛ, pɔ ishuidzya nɛ tɔ.”

Luka 21:36

Nɔ di ishu abha kibenyɛbe, klɛ tɛ nɔ klukpaya sɛ tɛ nɔ bɔna koeyi nɛ alɛ petee gɛ la pɛɛ sɛ tɛ la ba mɛ, klɛ tɛ nɔ bɔna kititilɛlɔ nɛ Anɔdzyrame Eyi nɛ amɛ.”

1 Kɔrintioanɛ 14:20

Badzya mɔ, nɔ zukɔlɔ ebui bhɛtɛ anasɛ banuvɔ. Nɔ dzi anuvɔ nɛ ebui zizi bhɛbhɛtɛ mɛ, pɔ nɛ wunɔ kibuesi nunu nɔ dzi banɔ shishe.

1 Kɔrintioanɛ 15:58

Kɛlɛso, mɛ badzya mumɔa, nɔ za nɛ awɔ̃ gɛganɛ. Nɔ tɛkɔ kɛdɛnyɛdɔ ge nɔ. Kibenyɛbe nɔ yɛkɔ wunɔ ishu kɔ bui bhɛbhɛtɛ kɔ Apalete nɛ kɛxwɛ, alasɛ nɔ nyi sɛ wɔnɔ kɛxwɛwɛwa anɛ́ Apalete nɛ mɛ kɛtɛ ba dzi kɛkpɛkpa.

2 Kɔrintioanɛ 1:24

Ganɛ sɛ bu trɔ wunɔ tɛyɛyɛkɛŋa abha, pɔ bu wɛxwɛ nɛ nɔ kɔ wunɔ same, alasɛ tɛyɛyɛkɛŋa mɛ nɔ lɛ gɛganɛ.

Galatianɛ 5:1

Ishuahwɛzɛza so gɛ Kristo ebe bhulɔayɛkɛ. Nɔ za ishu mɛ gɛganɛ, nɛ kɛlɛede, klɛ nɔ tɔ kɔ sɛ ba fla ba trɔ nɔ anɔdzidzi ɔkpakasi kituku.

Efesoanɛ 3:16

Iklukpaya sɛ nɛ yɛ kedziŋɛŋa ishubhubhui nɛ mɛ akɔ wɔ bugɛganɛ plɛnɔ kemi ganɔ yɛ ɔfufɔɛ nɛ mɛ nɛ kɛmɛ,

Efesoanɛ 6:10

Gugɔɛ, nɔ za gɛganɛɛ nɛ Apalete nɛ mɛ nɛ yɛ kemi gbɛgbla mɛ.

Filipianɛ 1:27

Kibuinyɛbui gɛ kɛ baa, nɔ nyɛna wɔnɔ shu nɛ Kristo kibui dzyɔgo nɛ tɛzɛzam. Kɛlɛede, kɛba dzi sɛ ɛba pɛ ɛba mɔ nɔ ɔdɔgɔsɛ ɛba nu wɔnɔɛ dɔ nɛ mɛede, eba ti sɛ nɔ lɛ gɛganɛ nɛ ɔfufɔɛ torikpo mɛ, ɔwlãnkɛ ansɛ anɔ terikpo kɔ kibui dzyɔgo nɛabha yɛyɛkɛŋa

Filipianɛ 4:1

Kɛlɛso, madzyalɛ mɔ, wɔnɔ bagɛ ɛdɛmɛnɛnɔ klɛ ɛpɛɛ sɛ tɛ ɛmɔ nɔ, mɛ same anɛ ekusikutu, mɛ ɛbhɛyalɛ mɔ kana kɛlɛ sɛ nɔ za gɛganɛ nɛ́ Apalete nɛ mɛ.

Filipianɛ 4:13

Ɛbana kɛdɔnyɛdɔ bhɛtɛ ganɔ yɛ abha agɛ akɔmɛ bugɛganɛ.

Koloseanɛ 1:23

onugɛ nɔ za wɔnɔ tɛyɛyɛkɛŋa abha, nɔ kpɛ kɛdɔesi nɛ́ tɛgɛganɛ, nɔ ti koeyi nɛ kidzoenudidi gɛ nɔ nyana nɛ kibui dzyɔgo nɛ mɛ. Kɛnɛ kɛlɛ nu kibui dzyɔgo gɛ nɔ nu klɛ kidzi kɛgɛ ba ɖɔ kɔ kɛdɔnyɛdɔ gɛ kɛ lɛ owũsise nɛesi, klɛ Mɛ, Paolo, ɛba dzi axwɛdɛ.

Koloseanɛ 4:12

Epafra, gɛ enu wɔnɔmɛayɛ teli nɛ Yesu Kristo axwɛdɛ, asɛnɛ nɔ asɛsɛ. Awlãnkɛ eklukpaya kibenyɛbe nɛ wɔnɔɛ tɔkpu, sɛ tɛ nɔ za gɛganɛ nɛ́ Kpaya tɛpɛpɛɛ petee mɛ, nɔ she tɛ nɔ bhɛtɛ yɛ ebui tɛ la na.

Koloseanɛ 4:2

Yɛkɔ kpayakuklu ɔkpɛ kɛxwɛ, awɔ̃zɛza anɛ̀ ahwɛhuhu.

1 Tɛsolonianɛ 3:8

Nɛ ɔtsɔ̃ nɛ mɛ bu lɛ, nɛ kibe lɛ gɛ no li kititi gɛganɛɛ nɛ Apalete nɛ mɛ.

1 Tɛsolonianɛ 5:6

Kɛlɛ so, nɔ tɛ kɔ lɔ za ansɛ banɔ gɔgɔɛ, gɛ bedzi adɔ tra, pɔ nɔ kɔ lɔ za nɛ awɔ̃ nɛ ishuabhaŋɛŋa.

2 Tɛsolonianɛ 2:15

So nɛɛ, badzya mɔ, nɔ za gɛganɛɛ tɛ nɔ nyɛna kɛdɔkɛkasɛ nɛ gɛ bu yɛkɔ kɔ nɔ nɛm, kɛɛ dzi sɛ ganɔ onugbuaɖɔ mɛ o ɔdɔgɔsɛ kɛplukpa ŋuŋlɔmɛ mɛ o.

1 Timotio 6:12

Gɔnɛ tɛyɛyɛkɛŋa tɛgugɔnɛ dzyɔgo. Nyɛna ɛkpã gɛ tɛ ba beke nɛm ovunɔ, ɛgɛ ɛlɛ mɛ le kulu wɔa kɔ, nɛ kibe lɛ gɛ ɔbhɛtɛ wɔ ishu mɛ dɛdanɛ dzyɔgo nɛ bebuimɔɖɔ gelee amɛ.

2 Timotio 2:1

Kɛlɛ wɔ, meyianyɛ, za gɛganɛɛ nɛ ɛyamyuyɔ nɛ gɛ kpasɛ Kristo Yesu mɛ.

2 Timotio 4:5

Pɔ wɔ, nyɛna ishu nɛ ebuinyɛbui di mɛ, za gɛganɛɛ nɛ butɔ́ mɛ, wa kɛxwɛ ansɛ anɔ gɛ akaka kibui, wa wɔ axwɛ nɛ petee gɛ ba kɔ wɔ nɛ Kpayɛxwɛ nɛ mɛ.

2 Timotio 4:7

Ɛtɛ gɔnɛ ibue dzyɔgo, iti si odu nɛ beke, ɛtɛ nyɛna tɛyɛyɛkɛŋa nɛ mɛ vunɔ.

1 Petro 4:7

Ebui nɛ petee obekekɔ lɛ tsobunɔ. Kɛlɛso kɔ wɔɛ tɔkpu mɛ bhui anɛ̀ ishu-nyɛnyɛna sɛ tɛ nɔ na kpayaklu.

1 Petro 5:8

Nɔ nyɛnashu klɛ tɛ nɔ bala. Ɔfufɔɛkpã agɛ atapɛ wũnɔɛ bui ebe tsi kana anasɛ gɛ adzyata egu apɛ anɔ sɛ tɛ evu atã zia.

Tɛbubukasɛ 16:15

“Di, ɛba ansɛ ezi! Bayula agɛ yɛa lɛ nɛ awɔ̃ klɛ anyɛna yɛ apɔtɛ nɛ ebunɔ shu, sɛ atɛ ba vɛ eti bu ishu elu nɛ kɛwɔɛ̃ mɛ.”