1 Kɔrintioanɛ 15:54 - ONUGBÙ NYƐNYÃ VUVƆ

⁵⁴ Kibenɔ nɛ gɛ kɛ tsɛtsɔmɔ ba nyumu kɛ matsɔmɔ matsɔmɔ klɛ kɛ tsitsi ba dzi kɛ matsimatsi, kɛlɛede kibui ɖɛɖɔ gɛ ba ŋlɔmɛ elu kɛ ba badzi kɛgbɛagba: “Kabhaŋɛŋa munɔ bu tsi,”

1 Kɔrintioanɛ 15:54 ပူးပေါင်းရင်းမြစ်များ

Luka 20:36

klɛ be tie tsi, alasɛ bedzi anasɛ axwɛdɛ. Be nu Kpaya ye yialɛ, nɛ kibe lɛlɛ gɛ be dzi banɔ nyɛnyɛmɛ denɔ bekpui mɛ.

Romanɛ 1:23

klɛ la ba tsrakɛ Kpaya nɛ gɛ eti be tsi nɛ ishubhubhui nɛ kɛdɔbhubhɔ nɛ gɛ kɛwɛ̃ ansɛ anɔ tsitsi anɛ buzhuɔɛ anɛ baga nɛ gɛ bee tsi nɛ ɛyɛabha.

Romanɛ 2:7

Banɔ nɛ gɛ ganɔ tɛyɛyɛkɔ trɔshu nɛ kɛdzyɔgo bhɛbhɛtɛ mɛ pɛ ba pɛɛ ishubhubhui, kabha kpɛkpɛ anɛ ɛkpãzɛza, aba kɔ ɛkpã mabeke mabeke.

Romanɛ 6:12

Kɛlɛso, nɔ tɛ kɔ sɛ buzizi ŋa wɔnɔa bha nɛ ishuidzyam sɛ tɛ nɔ bɔ ta batɔ nɛ ɛlɛ tɛpɛpɛɛ tsutsɔmɔ.

Romanɛ 8:11

Klɛ onu gɛ agɛ ebu Yesu edenɔ bekpu mɛ nɛ Ɔfufɔɛ ɔlɛ lɛ wɔnɔ mɛ, klɛ agɛ ebu Kristo edenɔ bekpu mɛ tsyɛ aba kɔ wɔnɔ ishuidzya nɛ ɛkpã ganɔ yɛ Ɔfufɔɛ nɛ gɛ ɔlɛ nɔ mɛ.

2 Kɔrintioanɛ 4:11

Alasɛ bulɔ gɛ bu lɛ nɛ ɛkpã kibenyɛbe bayɛkɔ lɔ akɔ butsi nɛ́ Yesu tɔkpu, sɛ tɛ yɛ kpã ba bukasɛ nɛ bulɔ ishuidzya tsitsi nɛ mɛ.

2 Kɔrintioanɛ 5:4

Kɛlɛso kibelɛlɛ gɛ bulɛ kagba nɛ mɛ, bu ɖɔ huũ klɛ buhwa nɛ idzyi mɛ, alasɛ bu dɛ pɛɛ sɛ tɛ kɛpɔtɛ bule nɛ bulɔ shu pɔ tɛ ba bu da kɛpɔtɛ nɛ́ bulɔ ɔzakɔ nɛ owũsise, sɛ tɛ ɛkpã ba munɔ kɛdɔ gɛ kinu ishuidzya tsitsi.

2 Tɛsolonianɛ 1:10

nɛ kiwi nɛa bha gɛ aba ba sɛ tɛ ba kpɛ yɛ same nɛ yɛ banɔ dzyɔgo nɛ mɛ klɛ aba bhɛtɛ kibi nɛ bagɛ ba tɛ yɛkɛ aŋa nɛɛ shi. Wɔnɔ tsyɛ ɔbɔ za kɛlɛ mɛ, alasɛ nɔ yɛkɛ bulɔ kibuimɔɖɔ nɛa bha ɔŋa.

Tɛbubukasɛ 20:14

Ɔkɛlɛ ba yɛkɔ butsi nɛ Bekpum atɛa kpɛ kifu kɛvɔ nɛ mɛ. Kifuivɔ nɛ kɛlɛ nu butsi bhla.

Tɛbubukasɛ 21:4

Ebe tsru ɔwɔ̃mɛ nyɔ wɔ̃mɛ nɛ balɛ anhũm. Butsi tɛaza ɔdɔgɔsɛ ishutsitsi pɛ iyuyobibi ɔdɔgɔsɛ tɛpupɔɛ, alasɛ ebui kuku nɛ tɛzɛza nɛm atɛ ba fla.”