1 Kɔrintioanɛ 15:32 - ONUGBÙ NYƐNYÃ VUVƆ

³² Onugɛ ɛgɔnɛ nɛ agavuga nɛ Efeso nɛ anɔdzyrame kibui nu so, kide mɛ mɔ nɛ kɛlɛ mɛ? Onugɛ ba dɛ nyɛmɛ be tsitsi, “Nɔ kɔlɔ ŋa tɛ bu wɔɛ̃ dɔ, alasɛ kivu bu ba tsi.”

1 Kɔrintioanɛ 15:32 ပူးပေါင်းရင်းမြစ်များ

Luka 12:19

Klɛ ɛba ɖɔ tsre ishu sɛ, “Kɛdɔ dzyɔgo gelee lɛ wɔ awhɛ gɛ kɛba za agɔ gelee. Yɛ kɔ kpã bubuɛbɔɛ, ŋɛdɔ, wɔɛ̃dɔ tɛ ɔmɔ same.” ’

Luka 9:25

Kibui dzyɔgo ɖuweɖu lɛ́ nu kɔ anɔ tɛ kanɔ petee dzi yɛa yɛ, tɛ alɛla yɛ nahwɛ shu?

Axwɛwɛwa 18:19

Be de ku Efesos, ɛklɛ Paolo yɛ ashɛ̃ ayɛlɔ Prisilla anɛ Akuila. Yɛ nahwɛ nɛ ede tsoku oxogokɔvu nɛm klɛ ada nyɛna ebui teli edi nɛ Yuɖanɛ.

Axwɛwɛwa 18:21

Pɔ gɛ asa shɛ nɛɛ, aɖɔ elu asɛ, “Ɛzɛ ba ba onu gɛ Kpaya adɛmɛ.” Ɛklɛ atɔnɔ keniabha dzo edenɔ Efesos.

Axwɛwɛwa 19:1

Nɛ kibe lɛ nɛ gɛ Apollosɛ aza Kɔrintio, Paolo xũ na da ga kɛmɛ mɛ kidzo klɛ ede ku Efeso. Ɛkɛlɛ nɛ atsyanɔ badɔkpasɛ teli

Romanɛ 3:5

Pɔ onu gɛ bulɔ manamana nɛ kɛ bu Kpaya tɛnɛna nɛ kasɛ wee, kide lɔ ba ɖɔ? Sɛ Kpaya adɛ na bhɛtɛ sɛ yɛ obulo nɛ ɔba bulɔa bha? (Anɔdzyrame kibui ɖuɖɔ nu shuixwɛ mɛ ewa.)

Romanɛ 6:19

Ɛɖɔ kibui nɛ anɔdzyrame dzoenu alasɛ nɔ ma kemi nɛ wɔnɔ nahwɛshum. Anasɛ gɛ nɔɔ yɛkɔ wɔnɔ shu bupɛ nɛ ɔkpɛ anɔdzidzi mɛ ɔkɔ bumabhui mabhui klɛ tɛ no zo wunɔ kɛtɔkpum gɛganɛa bha, so ɔtsɔ̃ nɔ yɛkɔ ɛlɛ ɔkpɛ anɔdzidzi mɛ ɔkɔ tɛnɛnamɛzɛza kɔ ishubhubhui.

1 Kɔrintioanɛ 16:8

Pɔ ɛba za Efeso ɔdɔtɔnɔ Kɛdɔtsitsu kiwuiŋɛŋa nɛ tɛbɛba,

Galatianɛ 3:15

Badzya mɔ, nɔ kɔmɛ yɛkɔ kibui bhɛbhɛtɛ kasɛ denɔ kiwuinyɛwui ɛkpã zɛza mɛ. Anasɛ gɛ anɔnyanɔ atɛ ba yɛkɔ elu yɛ wã pɛnɔ aplɛnɔ Anɔdzyrame onugbunyɛnya gɛ batrɔ lu nɛ shu, so kana lɛ lɛ nɛ kɛnɛ nɛ shu.

2 Petro 2:12

Pɔ banɔa nɛ ba ɖɔ ebuisobui gɛ be dɛ nuliesi. Ba lɛ nu anasɛ bagavuga, bagɛ kɛtɔkpu mɛ ma, ba mɔ alɛ ko sɛ tɛ bevu klɛ be yi alɛ klɛ bedzi anasɛ baga gɛ balɛtsyɛ be tsi.

Yuɖa 1:10

Tsyɛ pɛ banɔa nɛ baa ɖɔ akulatua ayɛkɔ alɔ kititi nɛ kibuinyɛbui di gɛ be di nu kɛlɛesi nɛ shu; nɛ ebui nɛ gɛ be nu alɛesi ganɔ ishuidzyam, ansɛ baga gɛ be tee ti—ebuia nɛɛ di nɛ alɛ eezi balɛ.