1 Kɔrintioanɛ 15:3 - ONUGBÙ NYƐNYÃ VUVƆ

³ Alasɛ kɛgɛ ɛyɛkɛ ɛshɛnahwɛ kɛ lɛ shu kɔ nɔ anasɛ kɛ tɛtɔpu gɛ kɛŋaedzi, sɛ Kristo etsi nɛ bulɔɛ tɔkpu nɛ Kpayaeplukpa nɛ nu,

1 Kɔrintioanɛ 15:3 ပူးပေါင်းရင်းမြစ်များ

Mateo 26:24

Anɔdzyrame yɛ Eyi nɛ aba shɛ ansɛ gɛ ba ŋlɔmɛ elu nɛ yɛ shu. Pɔ butɔ kɔ anɔɔ nɛ gɛ yɛ aba ga Anɔdzyrame yɛ Eyi nɛe si! Anɔa lɛlɛ ba dɛ mɔ yɛ tsyɛ ata pɛ̃ kɔ yɛ adɛ.”

Mateo 26:28

Mɛ dzyosu nɛ naa nɛ onugbunyɛnya mɛ nɛ wɔnɔ, gɛ ba yɛkɔ balɛ esi kɔ banɔ gelee kɔ balɛ buzizi tɛyɛyɛkɔ tsye.

Luka 24:25

Yesu etsre alɛ se, “Kɛlɛ nɔ tinyibui, klɛ wunɔ idzyi ayɔ nɛ tɛyɛyɛkɛŋa nɛ ebui petee gɛ batɔnu na ɖɔ!

Yohanɛsɛ 1:29

Kiwui bhla nɛ Yohanɛsɛ amɔ Yesu aba yɛ ɔkɔ klɛ aɖɔ sɛ, “Di, Kpaya Obhoshieyi, agɛ yɛ ayɛkɔ kanɔɛmɛ ebuizizi nɛ ashɛ̃nɔ!

Axwɛwɛwa 17:2

Ansɛ gɛ yɛ aabhɛtɛ xũii, Paolo ede tsoku oxogokɔvu nɛm, nɛ Kimuenewi tata bha klɛ ada ɖɔ kaɖɔ nɛ banɔ denɔ Kpayɛbui nɛ shu,

Axwɛwɛwa 3:18

Pɔ kana Kpaya abhɛtɛ kɛgɛ atɛ ɖɔ elu ganɔ batɔnu nɛ peteea bha, sɛ yɛ Kristo nɛ aba tɔ.

Axwɛwɛwa 8:32

Anyɛ nɛ edzi akla kɛdɔ denɔ Kpayaeplukpa nɛm asɛ: “Bagbanɛ yɛ ansɛ obhoshi avɛnɔ aga oyikɔ, klɛ eli ansɛ obhoshieyi gɛ lo li agɛ ashɛ tɛka nɛ amɛ, lɔ da onugbu, so nɛ adɛ danɛ yɛ onugbu.

Romanɛ 3:25

Kpaya ayɛkɔ yɛ akɔ anasɛ kɛtɔkpu tsɛtsrakɛ, ganɔ tɛyɛyɛkɛŋa nɛ yɛ dzyosu mɛ. Abhɛtɛ kibui nɛ asɛ tɛ ayɛkɔ ebu yɛ tɛnɛna nɛ akasɛ, alasɛ nɛ yɛ tɛdudɔfɔ̃ɔ mɛ atɛ shɛ̃nahwɛ ebuizizi nɛ gɛ ba bhɛtɛ eputɔnɔ nɛ shu butɔ matɛtamatɛta—

Romanɛ 4:25

Ba yɛkɔ yɛ akpɛ ahwɛ kɔ butsi nɛ bulɔ buzizi nɛ tɔkpu klɛ be feke yɛ amɛna ɛkpãm kɔ bulɔ tɛdɛdanɛ.

1 Kɔrintioanɛ 11:2

Ɛkpɛ nɔ nyinɛabha gɛ nɔ baka mɛ bui nɛ kɛkanyaka mɛ klɛ mɛ nyɛna kɛdɔkɛkasɛ nɛ mɛ vunɔ, anasɛ gɛ ɛyɛkɔ kpɛ nɔ ahwɛ.

1 Kɔrintioanɛ 11:23

Alasɛ kɛdɔ nɛ gɛ ɛyɛkɛ denɔ Apalete nɔ kɔ klɛ mɛ tsyɛ ɛyɛkɔ kɔ nɔ: Apalete Yesu nɛ elishi ba yɛkɔ yɛ akpahwɛ, ayɛkɔ gbɛ̃gbɛvu,

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

Galatianɛ 1:12

Ɛdɛyɛkɛ lɛ denɔ anɔnyanɔ kɔ, ɔdɔgɔsɛ bakasɛ mɛ lɛ, pɔ nɛɛ, ɛyɛkɛ lɛ ganɔ Yesu Kristo kibui bubukasɛ nɛ mɛ.

Galatianɛ 1:4

agɛ ayɛkɔ yɛnahwɛshu akɔ kɔ bulɔ ebuizizi tɔkpu sɛ tɛ ebu lɔ denɔ ɔtsɔ̃nɛ kanɔ zizia nɛ mɛ, anɛ́ bulɔ Kpaya anɛ̀ Aka nɛ́ tɛpɛpɛɛ nu,

Galatianɛ 3:13

Kristo ebu lɔ denɔ kibuiɖɛɖɔ kpɛ anɔ nɛ ɔshã nɛ mɛ gɛ lɔ mɛna kibuiɖɛɖɔ kpɛ anɔ kɔ lɔ, alasɛ ba ŋlɔmɛ elu asɛ: “Kibuiɖɛɖɔ kpɛ anɔ kɛ nu anɔnyanɔ gɛ ba kpɛ kihuioli kɔ yɛ nɛ osi shu.”

Efesoanɛ 1:7

Nɛ yɛ mɛ bu mɔ tɛbhubhuiyɛkɛ ganɔ yɛ dzyosu nɛ mɛ, ebuikpã tsyitsye, anɛ Kpaya kedziŋɛŋa kɛdɔkukɔ mɛ

Efesoanɛ 5:2

klɛ nɔ za nɛ kpã nɛ anɔɛbui dɛdɛmɛ mɛ, anasɛ gɛ Kristo adɛmɛ bulɔɛ bui klɛ ayɛkɔ ishu akɔ nɛ bulɔɛ tɔkpu anasɛ kɛdɔ lɛlɔ̃ huhu gɛ ayɛkɔ etsye Kpaya.

Hebriuanɛ 5:1

Kpayazakɔanɔ ɖɛɖama kanyaka be bu yɛ denɔ banɔɛ shi klɛ be klu yɛ akɔ sɛ tɛ aza balɛ nu nɛ ebui nɛ gɛ la kpɛ ɔkɔ nɛ Kpaya shu, tɛ ba bhɛtɛ ɛyɛmɛyuyɔ anɛ ɛshu yɛyɛkɔtsye nɛ buzizi tɔkpu.

Hebriuanɛ 5:3

Kɛnɛ nɛ so gɛ alasɛ tɛ ayɛkɔ shu akɔ nɛ yɛnahwɛ ebuizizi nɛ tɔkpu.

1 Petro 1:11

ba wlãnkɛ sɛ tɛ beti kibe klɛ nɛ la gɛ lalɛ alɛshu kɔ Kristo Ɔfufɔɛ nɛ́ balɛ mɛ akasɛ kibe nɛ gɛ aɖɔ Kristo butɔ anɛ yɛ shu bhubhui gɛ kɛ ba za lɛede.

1 Petro 2:24

Kristo nahwɛ ayɛkɔ bulɔ ebuizizi nɛ akpɛ ishuidzya mɛ nɛ osi nɛ shu, sɛ tɛ bu ba tsi kɔ kizizi klɛ bu za nɛ ɛkpã kɔ kɛdzyɔgo bhɛbhɛtɛ, yɛ apɔ la kɔ sɛ bunya koeyi nɛ bulɔ shuimɛ.

1 Petro 3:18

Alasɛ Kristo etsi kɔ kizizi butsi tirikpo ko, kɔ banɔ dzyɔgo anɛ be zizi tɛ agbanɛ nɔ avɛnɔ Kpaya kɔ. Be yii yɛ nɛ ishuidzya mɛ pɔ ba bhɛtɛ yɛ alɛ nɛ ɛkpã ganɔ ɔfufɔɛ abha,

1 Yohanɛsɛ 2:2

Yɛ ayɛkɔ ishu etsye kɔ bulɔ ebuizizi, klɛ ganɛ bulɔ tite pɔ kɔ kanɔ nɛ petee buzizi.

Tɛbubukasɛ 1:5

anɛ denɔ Yesu Kristo ɔkɔ, gɛ yɛ enu ebuimɔɖɔ kɛgbɛagbayɛ, eyitutɔpu nɛ gɛ ba mɔ denɔ bekpu nɛ mɛ, anɛ agɛ yɛ aŋa bekusi nɛa bha anɛ kesukpa nɛa bha. Kɔ agɛ yɛa dɛmɛ lɔɛ bui klɛ ebu lɔ edenɔ bulɔ buzizi mɛ ganɔ yɛ dzyosu mɛ,