1 Kɔrintioanɛ 14:34 - ONUGBÙ NYƐNYÃ VUVƆ

³⁴ badzɛ alasɛ tɛ ba da inugbu busɔlɛɔha nɛ mɛ. Ba dɛ kɔ alɛ kidzo sɛ tɛ ba ɖɔaɖɔ, pɔ be zhinɔ shu, anasɛ gɛ Ɔshã nɛ ɔɖɔ.

1 Kɔrintioanɛ 14:34 ပူးပေါင်းရင်းမြစ်များ

1 Kɔrintioanɛ 11:13

Wunɔnahwɛ nɔ builɛ shu odi sɛ: Abɔ sɛ tɛ adzɛ atɛ yɛkɔ kɛdɔ atrɔ kɛtɔkpu flogo tɛ eklukpaya?

1 Kɔrintioanɛ 11:3

Ɔtsɔ̃nɛ ɛpɛɛ sɛ nɔ ti sɛ tɔkpu kɔ anyɛnyanyɛ yɛ enu Kristo, klɛ tɔkpu kɔ adzɛ yɛ enu anyɛ, klɛ kɛtɔkpu kɔ Kristo yɛ enu Kpaya.

1 Kɔrintioanɛ 11:5

Klɛ adzɛnyadzɛ gɛ eklukpaya ɔdɔgɔsɛ aɖɔɛbuielu gɛ adɛ yɛkɔ kɛdɔ ada yɛ kɛtɔkpu, akpɛ yɛ tɔkpu nɛ aputɔ mɛ—kɛ dzi anasɛ agɛ ba xlɔ yɛ kɛtɔkpu.

1 Kɔrintioanɛ 14:21

Nɛ Ɔshã nɛ mɛ baŋlɔmɛ akpɛ ɔlɛmɛ sɛ: “Ganɔ banɔ nɛ gɛ be hu benuhu bhlatɔ nɛabha klɛ ganɔ befu onugbu bui ɖɛɖɔ Ɛba ɖɔ kaɖɔ kɔ banɔ anɛ, pɔ kɛlɛ nɛ tsyɛ ba tɛ ba ta mɛ batɔ,” Apalete nɛ yɛ aɖɔ.

1 Kɔrintioanɛ 14:35

Onugɛ ba pɛɛ asɛ tɛ bebisi kibui tiliesi enu, ba vɛ tɛ be debisi balɛ nahwɛ bale nyine alɛ nɛ bupɛ mɛ, alasɛ kɛnu kɛwɔɛ̃ bui lɛ nu kɔ adzyɛ tɛ aɖɔaɖɔ nɛ busɔlɛ kɛtɔkpu ɔtsakɔ.

Efesoanɛ 5:33

Nɛ kɛlɛmɛ, wɔnɔ anɔnyanɔ tsyɛ alasɛ tɛ adɛmɛ yɛedzini bui anasɛ gɛ adɛmɛ yɛnahwɛ shui bui, klɛ alasɛ yedzini ezhinɔ shu kɔ ye nyine.

Koloseanɛ 3:18

Banyɛedzini, nɔ kpatɔkpuesi kɔ wɔnɔenyine alɛ, anasɛ gɛ kɛdzyenɔ nɛ Apalete nɛ mɛ.

Titusɛ 2:5

sɛ tɛ ba ŋa ishuabha tɛ balɛ shu bhui, tɛ ba za kɛxwɛwɛwa bha nɛ bupa mɛ, tɛ balɛ ɛyam ɛyɔ, tɛ ba za balɛ nyinealɛe si, sɛ tɛ anɔnyanɔ atɛ ɖɔ kibuikpã nɛ Kpaya bui nɛ shu.