1 Kɔrintioanɛ 14:2 - ONUGBÙ NYƐNYÃ VUVƆ

² Alasɛ anɔnyanɔ gɛ aɖɔ ɔfufɔɛmɛaɖɔ ata ɖɔaɖɔ kɔ banɔ pɔ kɔ Kpaya. Kɛgbɛagba, anɔnyanɔ ete nu yɛ esi, aɖɔ ebui kpukpu nɛ yɛ ɔfufɔɛ.

1 Kɔrintioanɛ 14:2 ပူးပေါင်းရင်းမြစ်များ

Mateo 13:11

Ebui lɛ nu asɛ, “Ba tɛ yɛkɔ ebui kpukpu nɛ owũsise bukusiɔŋakɔ nɛ tɛtiti akɔ nɔ, pɔ ganɛ kɔ balɛ.

Marko 16:17

Klɛ ebuimumɔa nɛ aba ga plɛnɔ bagɛ ba yɛkɛ aŋa: Nɛ mɛ nyi mɛ ba ba kɛka ɛfufɔɛkpã ebu; baba ɖɔa ɖɔ nɛ anɛkɛ vuvɔm;

Marko 4:11

Etsre alɛ asɛ, “Ebuikpukpu nɛ gɛ alɛ Kpaya bukusi nɛ mɛ, ba tɛ yɛkɔ akɔ wɔnɔ. Pɔ banɔ nɛ gɛ ba ma wɔnɔɛshi xũ nɛ kibuinyɛbui ga akpalɛ mɛ kɔ alɛ

Axwɛwɛwa 10:46

Alasɛ benua lɛ tsyɛ kɛdɔ gɛ be dzia ɖɔa ɖɔ nɛ anɛkɛ vuvɔm klɛ bakpɛ Kpaya nɛa bha. Klɛ Petroa sɛ,

Axwɛwɛwa 19:6

Kibe lɛ gɛ Paolo atrɔ ahwɛ nɛ balɛa bha nɛ, Ɔfufɔɛ Dzyɔgo nɛ ɔba balɛa bha, klɛ baɖɔ kaɖɔ nɛ anɛkɛvuvɔ mɛ klɛ ba ɖɔ ebui tsyɛ elu.

Axwɛwɛwa 22:9

Mɛ ɔhaɛalɛ nɛ tsyɛ ba mɔ kifui, pɔ be di nu anɔ nɛ olim gɛ ɔlɛ ɔɖɔ kaɖɔ nɛ otsre mɛ.

Romanɛ 16:25

Ɔtsɔ̃, kɔ anɔ nɛ gɛ yɛ ana wɔnɔesi dzu ganɔ mɛ kibui dzyɔgo nɛ Yesu Kristo kibui nɛ tɛbubuɖɔ, anɛ ebuikpukpu tɛbubukasɛ gɛ ekpu agɔagɔ gɛ atɛ ba fla nɛ nu,

1 Kɔrintioanɛ 12:10

kɔ anɔ bhlatɔ ebuiyinɔanɔ kemi, kɔ abhlatɔ kibuiɖɔlu, kɔ abhlatɔ ɔtɔgɛga titi nɛ ɛfufɔɛ mɛ, kɔ abhlatɔ kaɖɔɖuɖɔ nɛ benuhu gelee mɛ klɛ kɔ anɔ bhlatɔ tsyɛ bunuhu kesibubu.

1 Kɔrintioanɛ 12:28

Klɛ nɛ busɔlɛɔha nɛ mɛ Kpaya eputɔ eklu banɔkpɛkpɛ, bubhla batɔnu, butramɛ badɔkasɛ, kɛlɛede bagɛ babhɛtɛ ebuiyinɔanɔ, bagɛ balɛ tsyɛ bakɔ bunyabubu nɛ anɔ ishu mɛ, nɛ bagɛ ba plɛnɔ anɔ bhlatɔ, nɛbagɛ ba kɔ ebuiabha didi, nɛ bagɛ bɛ hu ɔfufɔɛmɛ bunuhu bhlatɔ.

1 Kɔrintioanɛ 13:1

Onugɛ ɛɖɔ banɔ anɛ kpayaxwɛdɛ ɔfufɔɛmɛaɖɔ, pɔ ɛdɛ dɛmɛ anɔɛbui, inu ɔɖawuro ɔdɔgɔsɛ ɔɖa gɛ oyi .

1 Kɔrintioanɛ 13:2

Onugɛ atɔnu kɛdɔkukɔ lɛ mahwɛ klɛ ɛba na ebuikpukpu petee anɛ ebuititi petee kesi nu, klɛ onugɛ tɛyɛyɛkɛŋa lɛ mahwɛ gɛ kɛba kpa betu, pɔ pɛ ɛdɛdɛmɛ nɛ anɔ, ɛdɛ nu kɛdɔnyɛdɔ.

1 Kɔrintioanɛ 14:16

Onugɛ ɔkpɛ Kpaya kinyi nɛabha nɛ wɔ ɔfufɔɛ, kɛlɛ anɔ nɛ gɛ amɔ yɛ nahwɛ shu nɛ bagɛ be te nu kɛlɛesi nɛ shi baɖɔ sɛ “Kɛbɛlɛmɛ” kɔ wunɔ ahwɛhuhu, nɛ kibelɛlɛ gɛ etinyi kibui nɛ gɛ nɔ ɖɔ?

1 Kɔrintioanɛ 14:26

Kide kɛlɛ bu baɖɔ ɔtsɔ̃ nɛ, badzya mɔ? Kibenɔ nɔ bɔ xogo, anɔnyanɔ evunɔ ɛdzɛ zhɛzha, ɔdɔgɔsɛ kibui gɛ ba kasɛ kɛdɔ, tɛbubukasɛ, ɔfufɔɛmɛaɖɔ ɔdɔgɔsɛ kibuiesibubu. Anɛ nɛɛ di petee alasɛ sɛ tɛ ba bhɛtɛ kɔ busɔlɛɔha nɛ tɛgɛganɛ.

1 Kɔrintioanɛ 15:51

Nɔ tatɔ, itsre nɔ kibui kpukpui nɛ: Bulɔ petee butɛba tsi, pɔ ba be tysina lɔ tɛzɛzɛ mɛ—

1 Kɔrintioanɛ 2:10

pɔ Kpaya ebuakasɛ lɔ ganɔ yɛ Ɔfufɔɛ nɛabha. Ɔfufɔɛ nɛ oluawɔ̃di kɛdɔnyɛdɔ, Kpaya ekpukpu kuratsyɛ.

1 Kɔrintioanɛ 2:7

Ao, bu ɖɔ Kpaya kibuinyinyi kpukpu, kibuinyinyi gɛ ayɛkɔ ekpu klɛ Kpaya abhɛtɛ kɔ bulɔ kabhaŋɛŋa flogo gɛ abhɛtɛ kanɔ.

Efesoanɛ 6:19

Klukpaya nɛ mɛ tsyɛ tɔkpu, tɛ kibenɔ nɛ gɛ ɛdanɛ mɛ onugbu, ba bakɔ mɛ ebui sɛ tɛ nɛ kifu mazɛlɛmɛ tɛ ɛkɔ ale tii kibui dzyɔgo anɛ̀ ebuikpukpu,

Koloseanɛ 2:2

Mɛ tɛbhɛtɛ kɛ lɛ nu sɛ tɛ ba kpɛ balɛ idzyi kemi nɛ̀ tɛ ba kpɛ alɛ ketsu nɛ́ tɛdɛdɛmɛ mɛ, sɛ tɛ ba yɛkɛ ehueyi mumɔ gelee nɛ kibuiesi nunu nɛna, nɛ kɛlɛmɛ tɛ ba beti Kpaya ebukpukpu, be klu sɛ Kristo,

1 Timotio 3:16

Nɛ ebui bibisi nɛ petee de, kpayamzɛza kibuikpukpu nɛ kitri: Awɛ̃ nɛ ishuidzya mɛ, Ɔfufɔɛ nɛ obu yɛ butsya, kpayaxwɛdɛ nɛ ba mɔɛ, ba ɖɔ yɛ bui nɛ amadi nɛ mɛ, ba yɛkɛ yɛa bha ŋa nɛ kanɔ nɛ mɛ, ba feke yɛ ashɛnɔ nɛ ishubhubhui mɛ.

1 Timotio 3:9

Alasɛ tɛ ba nyɛna kɛgba dzudzu mɛ tɛyɛyɛkɛŋa ɔplɛnɔ idzyim dɛdanɛ evunɔ.

Tɛbubukasɛ 10:7

Pɔ nɛ ewi nɛ mɛ gɛ kpayaxwɛdɛ tiegene nɛ aba bɔ yɛa xũlɛ̃ nɛɛ, Kpaya ebuikpukpu nɛ aba bɛ lɛ mɛ beke, ansɛ gɛ ebu aɖɔ etsre yɛ batɔnu.”