1 Kɔrintioanɛ 14:1 - ONUGBÙ NYƐNYÃ VUVƆ

¹ Za tɛdɛdɛmɛ dzoa bha klɛ tɛ ɔpɛɛ gɛganɛ ɔfufɔɛ mɛ dɔkukɔ, kɛ dzyɔgo kibuiɖɔlu kukɔ.

1 Kɔrintioanɛ 14:1 ပူးပေါင်းရင်းမြစ်များ

Romanɛ 12:6

Kɛdɔkukɔ ɔtutɔtɔ lɛ kɔ lɔ, nɛ bulɔ eshutukubui didi nɛ nu. Onu gɛ anɔteli kɛdɔkukɔ nɛ nu atɔnu, kɔ yɛ awa kɛlɛ shuixwɛ nɛ tɛyɛyɛkɛŋa nɛ gɛ lɛ yɛahwɛ nɛ nu.

Romanɛ 14:19

Kɛlɛso nɔ kɔ lɔ ga kidzo kanyakɛabha sɛ tɛ bu bhɛtɛ kɛgɛ ba gbanɔ lɔ vɛnɔ ishuyuyɔ anɛ kɛtɔkpu tirikpom bhɛbhɛtɛ.

Romanɛ 9:30

Kide lɔ ba ɖɔ ɔtsɔ̃? Sɛ Bagɛ be di nu Yuɖanɛ, gɛ ba dɛ nyɛna tɛnɛnamɛzɛza evunɔ, na tɛ yɛkɛ lɛ, tɛnɛnamɛzɛza ganɔ tɛyɛyɛkɛŋɛa bha;

1 Kɔrintioanɛ 12:1

Ɔtsɔ̃nɛ, denɔ ɔfufɔɛ mɛ kɛdɔkukɔ shu, badzya mɔ, ɛdɛ pɛɛ sɛ tɛ nɔ za otumui mɛ.

1 Kɔrintioanɛ 12:31

Pɔ nɔ pɛɛ gɛganɛ ɛyɛmɛyuyɔ gbɛgbla dɛ. Klɛ ɔtsyɔ nɛ eba kasɛ nɔ kidzo dzyɔgo dɛ.

1 Kɔrintioanɛ 13:13

Klɛ ɔtsɔ̃nɛ ebui tata ala gɔ: tɛyɛyɛkɛŋa, kidzoenudidi anɛ tɛdɛdɛmɛnɔ. Pɔ kɛ gɛ tridɛ nɛ alɛ mɛ kɛlɛ nu tɛdɛdɛmɛnɔ.

1 Kɔrintioanɛ 13:2

Onugɛ atɔnu kɛdɔkukɔ lɛ mahwɛ klɛ ɛba na ebuikpukpu petee anɛ ebuititi petee kesi nu, klɛ onugɛ tɛyɛyɛkɛŋa lɛ mahwɛ gɛ kɛba kpa betu, pɔ pɛ ɛdɛdɛmɛ nɛ anɔ, ɛdɛ nu kɛdɔnyɛdɔ.

1 Kɔrintioanɛ 14:22

Ɔfufɔɛmɛaɖɔ, ke dɛ nu kɛdɔmumɔ kɔ ba gɛ ba yɛkɛŋa pɔ kɔ bagɛ ba dɛyɛkɛŋa, kibuiɖɔlu, pɔ kinu bui kɔ bayɛyɛkɛŋa, ganɛ kɔ bagɛ ba dɛyɛkɛŋa.

1 Kɔrintioanɛ 14:37

Onugɛ anɔ teli ayɛkɔ sɛ enu atɔnu, ɔdɔgɔsɛ ɔfufɔɛmɛ kɛdɔkukɔ tili lɛ yɛahwɛ, nɔ kɔ yɛ adɛmɛ lɛ asɛ ebui nɛ gɛ ɛŋlɔmɛ kɔ nɔ lɛ nu Apalete nɛ eshã.

1 Kɔrintioanɛ 14:39

Kɛlɛso, mɛ badzya mɔ, nɔ yɛkɔ lɛ gɛganɛ tɛ nɔ ɖɔɛbuilu, klɛ nɔ tɛ dzuahwɛ ɔfufɔɛmɛaɖɔ ɖuɖɔa bha.

1 Kɔrintioanɛ 16:14

Nɔ bhɛtɛ kɛkanyaka nɛ tɛdɛdɛmɛ mɛ.

Efesoanɛ 1:3

Kabhakpɛkpɛ kɔ Kpaya anɛ Aka kɔ bulɔ Apalete Yesu Kristo, gɛ ayula lɔ nɛ owũsiseanɔ nɛ mɛ nɛ̀ ɔfufɔɛ nyɔ fufɔɛmɛ yuyula nɛ Kristo mɛ.

1 Tɛsolonianɛ 5:20

nɔ tɛ yɛkɔ ebuia nɛ ɔkpɛ ansɛ atsɛ.

1 Timotio 4:14

Nɔ tɛ shɛ̃nahwɛ wɔnɔ kɛdɔkukɔ nɛ shu, gɛ ba kɔ nɔ ganɔ kibuiɖuɖɔlu nɛ mɛ nɛ kibe lɛ gɛ banɔɛha shishe nɛ atrɔahwɛ nɛ wɔnɔa bha.

1 Timotio 5:10

klɛ be nyi yɛ mɔmɔ nɛ yɛ ebui dzyɔgo shu, ansɛ beyi nyunyunɔ, anɔkɔdidi, butsrukpɔ puplu kɔ banɔnɛna, tɛpɛplɛnɔ kukɔ bagɛ be ku butɔ mɛ klɛ ayɛkɔ yɛ shu akpɛ ebui dzyɔgo kanyaka tɛbhɛbhɛtɛ mɛ.

1 Timotio 6:11

Pɔ wɔ, Kpayanɔ, siɔshɛ lɔ anɛ nɛɛdi petee, klɛ tɛ ɔpɛɛ tɛnɛnamɛzɛza, kpayamzɛza, tɛyɛyɛkɛŋa, anɔɖuɖɔ, tɛzɛza gɛganɛɛ anɛ tɛdɛdɔfɔ̃.

2 Timotio 2:22

Siɔlɔ buyansɔ̃ mɛ zɛza kɛdɔ tɛpɛpɛ, tɛ ɔkpatɔnɔ tɛzɛzam dzyɔgo, tɛyɛyɛkɛŋa, tɛɖuɖɔ anɛ ishuyuyɔ, ɔyɛkɔ plɛnɔ bagɛ be tsobunɔ Apalete denɔ idzyi dzyɔgo mɛ.

Hebriuanɛ 12:14

Nɔ kpɛemi tɛ nɔ za ishuyuyɔɛmɛ nɛ banɔ petee nɛ tɛ wɔnɔ shubhui, ishu bhuibhui mazɛlɛ mɛ anɔnyanɔ atɛ ba mɔ Apalete.

2 Petro 1:7

klɛ kɔ kpayamɛzɛza, badzya ɛyɛmɛyɛyɔ, nɛ̀ kɔ badzya ɛyɛmɛyɛyɔ, tɛdɛdɛmɛnɔ.

3 Yohanɛsɛ 1:11

Ɔbhɛa mumɔa, tɛ kpasɛ kibui kpã bhɛbhɛtɛ pɔ kɛgɛ nu kɛdzyɔgo. Anɔnyanɔ gɛ abhɛtɛ kɛ gɛnu kɛdzyɔgo ede Kpaya kɔ. Anɔnyanɔ gɛ abhɛtɛ kɛgɛ nu kizizi atɛ mɔ Kpaya.