1 Kɔrintioanɛ 13:13 - ONUGBÙ NYƐNYÃ VUVƆ

¹³ Klɛ ɔtsɔ̃nɛ ebui tata ala gɔ: tɛyɛyɛkɛŋa, kidzoenudidi anɛ tɛdɛdɛmɛnɔ. Pɔ kɛ gɛ tridɛ nɛ alɛ mɛ kɛlɛ nu tɛdɛdɛmɛnɔ.

1 Kɔrintioanɛ 13:13 ပူးပေါင်းရင်းမြစ်များ

Luka 10:27

Ebulɛnu: “ ‘Dɛmɛnɔ Apalete wɔ Kpaya anɛ̀ wɔ dzyi petee anɛ wɔ ɔfufɔɛ petee anɛ wɔ tɛgɛganɛ petee anɛ wɔ tɔkpuimɛ petee,’ klɛ, ‘Dɛmɛnɔ wɔ adzya anasɛ gɛ ɔdɛmɛnɔ ishu.’ ”

Luka 22:32

Pɔ iklukpaya nɛ wunɔɛ tɔkpu, Simɔn, sɛ tɛ wɔ tɛyɛyɛkɛŋa tɛ wɔlɛ. Klɛ kibenɔ gɛ otsodzi otsyina ɔtɔ mɛ, kpɛ wɔ adzyalɛ nɛ kemi.”

Romanɛ 15:13

Kɔ kidzoenu didi Kpaya nɛ eyuku nɔm nɛ same anɛ ishuyuyɔ ansɛ gɛ nɔ yɛkɛ yɛa bha ɔŋa, sɛ tɛ no bo yuku ɔgbɛgba nɛ kidzoenu didi ganɔ Ɔfufɔɛ Dzyɔgo anɛ kemi mɛ.

1 Kɔrintioanɛ 14:1

Za tɛdɛdɛmɛ dzoa bha klɛ tɛ ɔpɛɛ gɛganɛ ɔfufɔɛ mɛ dɔkukɔ, kɛ dzyɔgo kibuiɖɔlu kukɔ.

1 Kɔrintioanɛ 16:14

Nɔ bhɛtɛ kɛkanyaka nɛ tɛdɛdɛmɛ mɛ.

1 Kɔrintioanɛ 3:14

Onugɛ bu gɛ edzu atrɔ bu za, aba yɛkɛ yɛ bhɛ.

1 Kɔrintioanɛ 8:1

Ɔtsɔnɛ denɔ kɛŋɛŋa gɛ ba kɔ kɛdɔbhubhɔ shu: Bunyi sɛ, bulɔ petee kibuititi lɛ bu lɔ ahwɛ. Kɛbuititi kɛ koeyi, pɔ tɛdɛdɛmɛnɔ kɛbhɔ trɔ.

1 Kɔrintioanɛ 8:3

Pɔ anɔ nɛ gɛ adɛmɛ Kpaya bui Kpaya enyi anɔ alɛlɛ.

2 Kɔrintioanɛ 5:10

Alasɛ bulɔ petee bu ba wɔ̃ɛ nɛ Kristo kebhuikuklu kegbu nɛ amɛ, sɛ tɛ anɔ kanyaka aba yɛkɛ kɛgɛ lɛ kɔ yɛ kibelɛlɛ nɛ gɛ aza ishuidzya mɛ, kɛbadzi kɛdzyɔgo pɛnɔ kizizi.

2 Kɔrintioanɛ 5:15

Klɛ etsi nɛ bulɔ petee tɔkpu, sɛ ba gɛ alɛ ba ta za kɔ balɛnahwɛshu ko pɔ agɛ etsi nɛ balɛ tɔkpu, klɛ ba za nyɛmɛ yɛ tite tɔkpu.

Galatianɛ 5:6

Alasɛ nɛ Kristo Yesu mɛ bebhui bunyɛnyɛ kɔ wɔ pɛnɔ bedi bhui bunyɛnyɛ kɔ wɔ kɛdi nu kibuinyɛbui. Kɛlɛ tirikpo gɛ klu bui kɛlɛ nu tɛyɛyɛkɛŋa gɛ kɛ waɛxwɛ ganɔ tɛdɛdɛmɛ abha.

Filipianɛ 1:9

Klɛ kɛnɛ kɛlɛ nu mɛ kpayakuklu: sɛ wɔnɔ tɛɖuɖɔ nɛ yuku gbɛgba tsodzini gbɛgba anɛ́ kɛbuititi anɛ̀ ishumdzudzu vɛvɛ,

Koloseanɛ 1:27

Kɔ ba gɛ Kpaya eklu tɛ akɔ balɛmɛ Bagɛdinu Yuɖanɛ tii kabhaŋɛŋa ehueyi yɛ ebuikpukpu gɛ kɛ nu Kristo nɛ wɔnɔɛ mɛ, kidzoenu didi kabhaŋɛŋa.

Koloseanɛ 1:5

tɛyɛyɛkɛŋa anɛ̀ tɛdɛdɛmɛnɔ gɛ ki koeyi denɔ kidzoenudidi gɛ ba bala lu kɔ nɔ nɛ owũsise klɛ kɛ lɛ sɛ wɔnɔ no ti nu kibuigba nɛ dɔ, gɛ nu kibui dzyɔgo

Koloseanɛ 3:14

Klɛ nɛ anɛ nɛ petee mɛ nɔ kpɛ tɛdɛdɛmɛnɔ anɔ, gɛ kɛ nya alɛ petee xogo nɛ tɛpɛpɛ̃ tirikpo bhɛbhɛtɛ mɛ.

1 Tɛsolonianɛ 1:3

Bu lɛ kɛlɛa bha baka nɔ nɛ bulɔ Kpaya anɛ Aka nɛ amɛ wɔnɔ kɛxwɛwɛwa nɛ gɛ tɛyɛyɛkɛŋa bhɛtɛ, wɔnɔ kɛxwɛwɛwa nɛ gɛ tɛɖuɖɔ mɛna, anɛ wɔnɔ kanyɛtsitsi nɛ gɛ ka ba denɔ kidzoenudidi mɛ anɛ bulɔ Apalete Yesu Kristo mɛ.

1 Tɛsolonianɛ 5:8

Pɔ gɛ bulɔ bu nu kelizɛza mɛ banɔ, nɔ kɔ lɔ ŋa ishuabha, tɛ bu yɛkɔ tɛyɛyɛkɛŋa anɛ tɛɖuɖɔ kpla ansɛ kitemɛnyadɔ, anɛ tɛbubu kidzoenu didi ansɛ ɔɖa kikutu.

1 Timotio 1:5

Ɔshã nɛ tɛtutrɔ yɛ kɛlɛ nu tɛɖuɖɔ, gɛ kii de idzyi gɛ ebhui mɛ anɛ ishumdɛdanɛ dzyɔgo nɛ tɛyɛyɛkɛŋa gɛganɛ.

2 Timotio 1:7

Alasɛ Kpaya adɛ kɔ lɔ kifusisi ɔfufɔɛ, pɔ kemi ɔfufɔɛ, tɛɖuɖɔ anɛ ishuabhaŋɛŋa.

Hebriuanɛ 10:35

Kɛlɛso nɔtɛ yɛkɔ wɔnɔ kemikpɛkpɛ ɔtɛ̃, nɔ bɔ yɛkɛ kɛlɛ nɛ bhɛ gbɛgbla.

Hebriuanɛ 10:39

Pɔ bu dɛ nu bagɛ be tsodzi aba kide klɛ ba lɛla, pɔ bagɛ ba yɛkɛŋa klɛ be bhuialɛ ayɛkɛ.

Hebriuanɛ 6:11

Bu pɛɛ sɛ wɔnɔmɛayɛ nyɛmayɛ nɔ kasɛ kɛdzyɔgo bhɛbhɛtɛ ɔdɔtɔnɔ kibe gugɔɛ, nɛ lɛmɛ sɛ tɛ nɔ bhɛtɛ wɔnɔ kidzoenudidi nɛ za kɛlɛ ɔzakɔ.

Hebriuanɛ 6:19

Kɛdidzoenu didi lɛ bulɔ ahwɛ anasɛ keniabha opupu dzrɔnɔ kɔ kɛtɔwui, mɔmɔ nɛ gɛganɛ. Kɛ tsoku obhubhuikɔ nɛ kɛmɛnɛmɛ anɛ́ kɛpɔtɛ nɛ gɛ ba yɛ kɔ bhui busɔlɛvu nɛ kede,

1 Petro 1:21

Ganɔ yɛabha nɔ yɛ kɛ Kpaya abhaŋa, agɛ anyɛmɛ yɛ edenɔ bekpui mɛ klɛ akpɛ yɛ nyi nɛabha klɛ so wũnɔ tɛyɛyɛkɛŋa nɛ yɛ kidzo abha didi lɛ Kpaya mɛ.

1 Yohanɛsɛ 2:10

Anɔ nɛgɛ adɛmɛnɔ nɛ yɛadzya alɛ nɛ obhubhui kɔ, klɛ kɛdɔnyɛdɔ ma yɛ mɛ gɛ kɛ bakɔ sɛ etuitsrɛ.

1 Yohanɛsɛ 2:14

Ɛŋlɔmɛ kɔ nɔ, baka, alasɛ nɔ tɛ ti yɛ agɛ alɛ denɔ kesikpɛkpɛ. Ɛŋlɔmɛ kɔ nɔ, banyɛsɔ, alasɛ nɔ lɛ gɛganɛ, klɛ Kpaya ɛbui nɛ la lɛ wunɔɛ mɛ, klɛ nɔ ŋa ezizi nɛabha.

1 Yohanɛsɛ 2:24

Nɔ di lɔ kɔ sɛ kɛgɛ nɔ nu denɔ kesikpɛkpɛ kɛ wɔ nɔɛ mɛ. Onugɛ kɛ bhɛtɛ ana, wũnɔ tsyɛ nɔ bɔ wɔ Eyi anɛ̀ Aka nɛ mɛ.

1 Yohanɛsɛ 3:3

Anɔnyanɔ gɛ kidzoenudidi nɛ lɛ yɛ mɛ yɛnahwɛ eplu shu, anasɛ gɛ yɛ shu bhui.

1 Yohanɛsɛ 3:9

Anɔnyanɔ gɛ ba mɔ nɛ Kpaya mɛ ata zɛlɛabha abhɛtɛ kizizi, alasɛ Kpaya eyuyu alɛ yɛ mɛ, atɛ bana lɛabha avɛ azabhɛtɛ kizizi alasɛ ba mɔ yɛ nɛ Kpaya mɛ.