1 Kɔrintioanɛ 12:18 - ONUGBÙ NYƐNYÃ VUVƆ

¹⁸ Pɔ Kpaya elu bupɛpɛpɛ nɛ ishuidzya nɛ shu, kapɛ kanyaka anasɛ gɛ apɛ sɛ tɛ kɛdzi.

1 Kɔrintioanɛ 12:18 ပူးပေါင်းရင်းမြစ်များ

Luka 10:21

Nɛ kɛbelɛlɛ mɛ Yesu eyuku nɛ same ganɔ Ɔfufɔɛ Dzyɔgo nɛabha, aɖɔ sɛ, “Ɛkpɛ nɔ nɛabha, owũsise anɛ kesukpa Aka, Apalete, alasɛ wɔ kpu ebuia petee nɛ̀ bagɛ be nu bebuiti anɛ buplukpa lete klɛ obukasɛ bunuvɔɛ bhli. Ee, Aka, alasɛ kɛnɛ kɛlɛ dzi wɔ tɛpɛpɛ dzyɔgo.

Luka 12:32

No ti sifu, bagɛha bhli, alasɛ kɛku wɔ Aka awɔ̃ sɛ tɛ akɔ wɔ bukusiɔŋakɔ.

Romanɛ 12:3

Alasɛ ganɔ eshutukubui didi nɛ gɛ ba kɔm mɛ ɛɖɔ tsre wɔnɔmɛayɛ kanyaka sɛ: Nɔ tɔɔ di wɔnɔ shu nɛ ɔsɛ nɔ ɖama dɛ kana gɛ alasɛ tɛ nɔ za, pɔ no bui tɔkpum nɛ wɔnɔ shu nɛ ishubububɔ kebhuikuklum, ansɛ gɛ tɛyɛyɛkɛŋa tɛdzidze nɛm gɛ Kpaya akɔ nɔ.

Romanɛ 12:6

Kɛdɔkukɔ ɔtutɔtɔ lɛ kɔ lɔ, nɛ bulɔ eshutukubui didi nɛ nu. Onu gɛ anɔteli kɛdɔkukɔ nɛ nu atɔnu, kɔ yɛ awa kɛlɛ shuixwɛ nɛ tɛyɛyɛkɛŋa nɛ gɛ lɛ yɛahwɛ nɛ nu.

1 Kɔrintioanɛ 12:11

Anɛɛ petee lɛ nu anɔ terikpo nɛ Ɔfufɔɛ ɔlɛlɛ, klɛ akɔ alɛ akanyaka anasɛ gɛ apɛɛ.

1 Kɔrintioanɛ 12:17

Onugɛ ishuidzya nɛ petee nu kɛwɔ̃hũ, fakɔ tɛnunu tɛtiti ba za? Onugɛ ishuidzya nɛ petee nu batɔ, fakɔ kɛdɔ lulɔ̃ tɛtiti ba za?

1 Kɔrintioanɛ 12:19

Onugɛ bupɛ petee bunu kɛdɔ tirikpo, fakɔ ishuidzya nɛ ba za?

1 Kɔrintioanɛ 12:24

nɛ kibelɛ mɛ gɛ bulɔ bupɛ nɛ gɛ bulɛ kibui tili mɛ bu dɛ bisi tɛnyɛnyɛna tili di. Pɔ Kpaya ayɛkɔ ishu bupɛpɛpɛ nɛ akpɛ turukpo klɛ ayɛkɔ kabhakpɛkpɛ gbɛgbla akɔ bupɛ nɛ gɛ ama kɔ bulɛ ana,

1 Kɔrintioanɛ 12:28

Klɛ nɛ busɔlɛɔha nɛ mɛ Kpaya eputɔ eklu banɔkpɛkpɛ, bubhla batɔnu, butramɛ badɔkasɛ, kɛlɛede bagɛ babhɛtɛ ebuiyinɔanɔ, bagɛ balɛ tsyɛ bakɔ bunyabubu nɛ anɔ ishu mɛ, nɛ bagɛ ba plɛnɔ anɔ bhlatɔ, nɛbagɛ ba kɔ ebuiabha didi, nɛ bagɛ bɛ hu ɔfufɔɛmɛ bunuhu bhlatɔ.

1 Kɔrintioanɛ 15:38

Pɔ Kpaya akɔ lɛ shupi anasɛ gɛ apɛɛ, klɛ kɔ kiyi nyɛyi nɛ kɛlɛ nahwɛ ishupi.

1 Kɔrintioanɛ 3:5

Nɛ kɛlɛ mɛ, ane yɛ nu Apolo? Klɛ ane ye nu Paolo? Baxwɛdɛ ko bu nu, ganɔ balɛabha nɔ ba sɛ tɛ nɔ yɛkɛŋa—anasɛ gɛ Apalete nɛ akɔ anɔnyanɔ yɛ xwɛ.

Efesoanɛ 1:5

eti klu lɔ sɛ bu nu anasɛ yɛ beyi ganɔ Yeesu Kristo abha nɛ yɛ tɛpɛpɛɛ nɛ́ yɛnahwɛ shui mɛ—

Efesoanɛ 1:9

Klɛ akɔ lɔ ti yɛ tɛpɛpɛɛ ebuikpukpu anɛ yɛ tɛpɛpɛɛ dzyɔgo gɛ abhɛtɛlu nɛ Kristo mɛ,

Tɛbubukasɛ 4:11

“Wɔ kedziŋɛŋa kalɛ wɔ, bulɔ Apalete anɛ Kpaya, tɛ ɔyɛkɛ ishubhubhui anɛ kabhakpɛkpɛ anɛ kemi, alasɛ wɔ bhɛtɛ kɛdɔnyɛdɔ petee, klɛ ganɔ wɔ tɛdɛdɛmɛ mɛ la bhɛtɛ lɛ klɛ ba mɔ balɛ tɛzɛzam.”