1 Kɔrintioanɛ 11:26 - ONUGBÙ NYƐNYÃ VUVƆ

²⁶ Kibenyɛbe gɛ nɔ tã gbɛ̃gbɛvu klɛ nɔ wɔɛ̃ kãtse anɛ, nɔ ɖɔ Apalete nɛ butsi ɔdɔtɔnɔ kibe lɛ gɛ ebe tsodzi aba.

1 Kɔrintioanɛ 11:26 ပူးပေါင်းရင်းမြစ်များ

Yohanɛsɛ 14:3

Klɛ onugɛ ɛvɛ klɛ ɛda bala ɔzakɔ kɔ nɔ, Ɛba tsodzi ba klɛ ɛba gbanɛ nɔ vɛnɔ tɛ nɔ dɔ za mɛ ɔbha tɛ wunɔ tyɛ nɔ za ɔkɛlɛ gɛ ɛlɛ.

Yohanɛsɛ 21:22

Yesu ebuilɛnu sɛ, “Onugɛ ɛpɛɛ sɛ tɛ aza nɛ ɛkpã ɔdɔtɔnɔ kɛbenɔ nɛ gɛ ɛba ba, kide lɛ nu kɔ wɔ? Kɛlɛ sɛ tɛ ɔza mɛede.”

Yohanɛsɛ 21:23

Kɛbuinɛ so, nɔ ɖɔ ebui ɔkana nɛ bala badzya nɛ mɛ sɛ adɔkpasɛ anɛ eti be tsi. Pɔ Yesu adɛ ɖɔ sɛ etibe tsi, aɖɔ ko sɛ, “Onugɛ ɛpɛɛ sɛ tɛ azanɛ kpã ɔdɔtɔnɔ kɛbe gɛ ɛbatsodzi ba, kɛde lɛ nu kɔ wɔ?”

Axwɛwɛwa 1:11

Banɔ nɛ asɛ, “Galelianɛ mɔ, kide no li kititi nɛ ɔkɛŋ pɛ no zoo di kɛlɛm ana? Yesua nɛ gɛ ba yɛkɔ ashɛ̃nɔ avɛnɔ owũsise nɛ wɔnɔ ɔbha, ebe tsodzi aba ansɛ kana gɛ nɔ mɔ yɛ gɛ ashɛ̃ avɛ owũsise.”

1 Kɔrintioanɛ 15:23

Pɔ anɔnyanɔ nɛ yɛ kibe, Kristo eyuyu tɛtɔpu, kɛlɛede, kibenɔ nɛ gɛ aba ba, aba gbanɔ ba gɛ benu yɛ ayalɛ.

1 Kɔrintioanɛ 4:5

Kɛlɛso tɛ klu kebhui nɛ kɛdɔnyɛdɔ flogo gɛ kibe nɛ ba na, za po ɔdɔtɔnɔ kibe gɛ Apalete aba ba. Ebe bu amɛna ɔtɔ kɛgɛ be kpu nɛ otumui mɛ klɛ abe bu eyinɔ kɛgɛ kpasɛ Anɔdzyrame idzyi mɛ. Kibe lɛlɛ anɔnyanɔ aba yɛkɛ yɛ kabhakpɛkpɛ denɔ Kpaya kɔ.

1 Tɛsolonianɛ 4:16

Alasɛ Apalete nɛ nahwɛ ebe zhi ede owũsise aba, nɛ tɛxũxlɔ̃nɔ gɛganɛ, nɛ axwɛdɛgbla ogugu anɛ Kpaya kɛdɔkuklua xũlɛ̃, klɛ bagɛ be tsi nɛ Kristo mɛ be be bhuso lɔ.

2 Tɛsolonianɛ 1:10

nɛ kiwi nɛa bha gɛ aba ba sɛ tɛ ba kpɛ yɛ same nɛ yɛ banɔ dzyɔgo nɛ mɛ klɛ aba bhɛtɛ kibi nɛ bagɛ ba tɛ yɛkɛ aŋa nɛɛ shi. Wɔnɔ tsyɛ ɔbɔ za kɛlɛ mɛ, alasɛ nɔ yɛkɛ bulɔ kibuimɔɖɔ nɛa bha ɔŋa.

Hebriuanɛ 9:28

so Kristo akɔ yɛ be yi yɛ bu yi trukpo sɛ tɛ ebu banɔ gelee ebuizizi nalɛ shu, klɛ azia ba bubhla, ganɛ sɛ tɛ aba bhɛtɛ kibuinyɛbui denɔ ebuizizi shu, pɔ amɛna ishu bhubhuiyɛkɛ kɔ bagɛ be po yɛ.

2 Petro 3:10

Pɔ Apalete nɛ wui kɛba ba anasɛ ezi. Owũsise nɛ ɔbɔ lɛla nɛ ogugu dzyɛɛ, ɔlɛmɛ dɔnyɛdɔ kifu batã ezi lɛ, klɛ kesukpa klɛ kɛdɔnyɛdɔ nɛ kalɛmɛ kɛ tɛaza.

1 Yohanɛsɛ 2:28

Klɛ ɔtsyɔnɛ, banuvɔ mumɔa, nɔ za kɛlɛa bha nɛ yɛ mɛ, sɛ tɛ kibenɔ gɛ abe koeyi idzyi aba za bulɔ mɛ klɛ tɛ kɛwɔɛ̃ tɛku lɔ nɛ yɛ amɛ nɛ́ yɛ tɛbɛba mɛ.

Yuɖa 1:14

Ɛnɔkɛ, egigenemi denɔ Aɖamu abha, aɖɔɛbuielu denɔ banɔa nɛ shu asɛ: “Di, Apalete nɛ aaba nɛ yɛ banɔ nɛ gɛ balɛ shu bhui nɛ akpã akpã mɛ

Tɛbubukasɛ 1:7

Di! aaba nɛ ɔmunɔ, klɛ kɛwɔ̃hũ nyɛwɔ̃hũ ba mɔ yɛ, bagɛ ba shɔ yɛ dɔ nɛ tsyɛ, klɛ banɔ nɛ petee nɛ kesukpa nɛa bha nɛ ba za anhũdzɛdzam ɔkpɛ yɛ so. So kana kɛ ba za! Tɛlɛbɛlɛm.

Tɛbubukasɛ 22:20

Anɔ nɛ gɛ amɔaɖɔ nɛ ebuia nɛ shu nɛ aɖɔ sɛ, “Ee, Ɛba kpataa.” Tɛlɛbɛlɛm. Ba Apalete Yesu.